លោក ឈួន ហៃ ក្នុងអំណាចជាប្រធានការិយាល័យគយនិងរដ្ឋាករប្រចាំច្រកអន្តរជាតិ ប៉ោយប៉ែត ចាត់តាំងមន្ត្រីជំនិតៗរបស់គាត់ឲ្យចេញប្រមូលលុយគ្រប់ ច្រកល្ហកយកទៅចែកគ្នាធ្វើមានធ្វើបាន មិនទាន់ព្រឺរោមជើងចំពោះចំណាត់ការរបស់អង្គភាពប្រឆាំងអំពើពុករលួយ សូម្បីតែបន្តិច។ មកដល់ពេលនេះគេមិនដែលឃើញអគ្គនាយកដ្ឋានគយនិងរដ្ឋាករចាត់វិធានការ ស៊ើបអង្កេតភាពមិនប្រក្រតីរបស់មន្ត្រីគយនៅច្រកប៉ោយប៉ែតម្តងណាឡើយ ទើបមន្ត្រីគយអស់ទាំងនោះចេះតែមានឱកាសប្រព្រឹត្តខុសឆ្គងម្តងហើយ ម្តងទៀត។
លោក ឈួន ហៃ បានចាត់តាំងមន្ត្រីជំនិតរបស់គាត់២នាក់ ឲ្យចេញធ្វើសកម្មភាពប្រមូលលុយតាមគ្រប់មធ្យោបាយ គឺមានលោក មុយ បញ្ញារិទ្ធ ជាមេគយចល័តឈរជើងនៅចំណុចកូនដំរី និងលោក លី ប៊ុនសុង ជាអនុប្រធានការិយាល័យគយនិងរដ្ឋាករប្រចាំច្រកអន្តរជាតិប៉ោយប៉ែត មន្ត្រី២នាក់នេះ មានជំនាញប្រមូលលុយយកទៅជូនលោក ឈួន ហៃ តាមផែនការមិនដែលទើសចិត្តម្តងណាឡើយ។ អង្គភាពប្រឆាំងអំពើពុករលួយបានយកខេត្តបន្ទាយមានជ័យធ្វើជាគោលដៅដែល ត្រូវលុបបំបាត់អំពើពុករលួយជាគំរូមុនគេ ប៉ុន្តែលោក ឈួន ហៃ មិនដែលព្រឺរោមជើងចំពោះចំណាត់ការរបស់អង្គភាពប្រឆាំងអំពើពុករលួយ ម្តងណាឡើយ ក៏ព្រោះតែមកដល់ម៉ោងនេះ លោក ឱម យ៉ិនទៀង មិនទាន់បានចាប់ឃាត់ខ្លួនមន្ត្រីគយណាម្នាក់យកទៅផ្តន្ទាទោស ឲ្យដូចការព្រមាននៅឡើយទេ។
សកម្មភាពរបស់លោក មុយ បញ្ញារិទ្ធ បច្ចុប្បន្ននេះកំពុងបង្កព្យុះភ្លៀងគ្រប់ទីកន្លែងនៅក្រុងប៉ោយប៉ែត ហើយក្រុមឈ្មួញដែលរកស៊ីដឹកជញ្ជូនទំនិញឆ្លងកាត់ក្រុងប៉ោយប៉ែត តាមច្រករបៀង សុទ្ធតែមានទំនាក់ទំនងល្អជាមួយលោក មុយ បញ្ញារិទ្ធ នាំឲ្យគាត់អាចបង្កព្យុះភ្លៀងតាមតែអំពើចិត្ត ឲ្យឈ្មួញរាប់រយនាក់ដែលរកស៊ីនាំចូលទំនិញមិនប្រក្រតី ក្នុងពេលបច្ចុប្បន្ននេះ សុទ្ធតែមានការត្រូវរ៉ូវនិងបង់លុយប្រចាំខែជូនលោក មុយ បញ្ញារិទ្ធ ទើបការរកស៊ីដឹកជញ្ជូនទំនិញរបស់ពួកគេមិនត្រូវបានរំខាន។ លោក មុយ បញ្ញារិទ្ធ ក៏មានជំនាញប្រមូលឈ្មួញធំៗរកស៊ីនៅក្រុងប៉ោយប៉ែតឲ្យចូលខ្លួនទៅ បង់លុយជូនលោក ឈួន ហៃ ជាប់ជាប្រចាំហើយនៅច្រកអន្តរជាតិប៉ោយប៉ែតនេះមានការបង់លុយ ក្រៅផ្លូវការច្រើនសន្ធឹកសន្ធាប់ គឺជាអំពើពុករលួយដែលកើតមានជាលក្ខណៈប្រព័ន្ធយូរយារមកហើយ។
ដោយឡែកលោក លី ប៊ុនសុង ដែលជាអនុប្រធានការិយាល័យគយប្រចាំច្រកប៉ោយប៉ែត ក៏ជាមនុស្សជំនិតបំផុតរបស់លោក ឈួន ហៃ ហើយក៏ជាមន្ត្រីគយដែលមានរឿងអាស្រូវច្រើនជាងគេ ដូចជាករណីប្រើអំពើហិង្សាវាយទាត់ធាក់លើកូនក្មេង និងគំរាមប្រើអំពើហិង្សាទៅលើកម្មករអូសរទេះដឹកទំនិញយ៉ាងអសីលធម៌ ក៏ជាអ្នកប្រមូលលុយយកទៅជូនលោក ឈួន ហៃ យ៉ាងសកម្មផងដែរ។ លោក លី ប៊ុនសុង ទទួលបន្ទុកការងារត្រួតពិនិត្យនិងទំនាក់ទំនងផលប្រយោជន៍ជាមួយក្រុម ឈ្មួញដែលរកស៊ីដឹកជញ្ជូនទំនិញចេញចូល តាមច្រកទ្វារអន្តរជាតិប៉ោយប៉ែត ហើយកន្លងមក លោក លី ប៊ុនសុង ធ្លាប់ធ្វើជាអ្នកបង្ក្រាបទំនិញផង និងជាអ្នករកស៊ីដឹកជញ្ជូនទំនិញគេចពន្ធខ្លួនឯងផង គឺដឹកតាមរថយន្តផ្ទាល់ខ្លួនរបស់គាត់ចូលតាមច្រកអន្តរជាតិប៉ោយប៉ែត ។
លោក លី ប៊ុនសុង គឺជាជើងខ្លាំងក្នុងការជ្រែទំនិញមានតម្លៃឆ្លងកាត់ច្រកអន្តរជាតិ ប៉ោយប៉ែត ក៏ព្រោះតែលោក លី ប៊ុនសុង មានទំនាក់ទំនងល្អជាមួយសមត្ថកិច្ចនៅស្រុកថៃ ដែលតែងតែពឹងអាស្រ័យគ្នាទៅវិញទៅមក ក្នុងការជ្រែទំនិញឆ្លងកាត់ច្រកព្រំដែន ហើយឈ្មួញជាច្រើនសុទ្ធតែបានស្គាល់សារជាតិរបស់ជំនាញគយ ដែលស្រេកឃ្លានតែអំពើពុករលួយ ហើយពួកគេមិនដែលខ្វល់ខ្វាយពីការខាតបង់ចំណូលថវិកាជាតិនោះទេ។ កាលពីសម័យដែលលោក ជួប អេន ធ្វើជាប្រធានការិយាល័យគយប្រចាំច្រកប៉ោយប៉ែត ហើយលោក ឈួន ហៃ គឺជាអនុប្រធាន ទាំងលោក លី ប៊ុនសុង និងលោក មុយ បញ្ញារិទ្ធ មិនសូវផ្តល់តម្លៃឲ្យលោក ឈួន ហៃ ប៉ុន្មានទេ ប៉ុន្តែចាប់តាំងពីលោក ឈួន ហៃ មានយីអ៊ុនឡើងធ្វើជាប្រធានការិយាល័យគយប្រចាំច្រកប៉ោយប៉ែត គឺលោក មុយ បញ្ញារិទ្ធ និងលោក លី ប៊ុនសុង បានបន្ទន់ឥរិយាបថ ក្លាយខ្លួនជាមនុស្សជំនិតបំផុតក្នុងការប្រមូលលុយយកទៅជូនលោក ឈួន ហៃ រាល់ថ្ងៃ៕
.jpg)
.jpg)
.jpg)
.png)
.jpg)
.jpg)
ប្រជាពលរដ្ឋជាច្រើនរស់នៅក្រុងប៉ោយប៉ែត ខេត្តបន្ទាយមានជ័យ បានត្អូញត្អែថា រាល់ថ្ងៃនេះ នៅតាមផ្លូវក្នុងក្រុង និងផ្លូវក្រវ៉ាត់ក្រុងជាច្រើនខ្សែបានរងការខូចខាតបណ្តើរៗ ពិសេសផ្លូវ ស្តង់តាងួន ផ្លូវនៅដីថ្មី និងផ្លូ...Read more
ប្រទេសជាតិជាច្រើននៅលើពិភពលោកយើងនេះ គឺរមែងតែងតែមានមេដឹកនាំ និងប្រជានុរាស្រ្តតិច ឬច្រើនអាស្រ័យទៅលើប្រទេសនោះតូចឬធំតែប៉ុណ្ណោះ ប្រទេសខ្លះគ្មានស្តេច តែមានប្រធានាធិបតី ឯប្រទេសខ្ល...Read more
បើយោងតាមការព្យាករណ៍របស់ក្រសួងធនធានទឹក និងឧតុនិយមបានអោយដឹងថា ខ្យល់មូសុងឦសាន ជ្រលងសម្ពាធខ្ពស់ស៊ីបេរី នឹងបង្កើនឥទ្ធិពលខ្លាំងមកលើតំបន់ភាគខាងជើងប្រទេសកម្ពុជា ដែលស្ថានភាពនេះ វានឹងធ្វើឲ្យអាកាសធាតុនៅប្រទេសកម្...Read more
លោកប្រធានាធិបតីបារ៉ាក់អូបាម៉ាបានទទួលស្គាល់ថាទីភ្នាក់ងារសហរដ្ឋអាមេរិកមិនអាចប៉ាន់ស្មានបានឡើយពីការគំរាមកំហែងដែលបានចោទដោយក្រុមបះបោរអ៊ីស្លាមក្នុងប្រទេសស៊ីរីនោះទេ។ នៅក្នុងបទសម្ភាសទូរទស្សន៍ស្មោះត្រង់គាត់បានន...Read more
សិប្បកម្មឈ្មោះ ទូ ហៀង (យាយម៉ាប់)កំពុងក្លាយទៅជាទីតាំងស្តុកឈើនិងលក់ឈើប្រណិតនៅក្នុងឃុំមេម៉ង់ ស្រុកកែវសីមា ខេត្តមណ្ឌលគីរី ហើយក៏ជាជើងខ្លាំងល្បីឈ្មោះបោះសំឡេងជាច្រើនឆ្នាំមកហើយ...Read more
កងរាជអាវុធហត្ថក្រុង និងខេត្តបានចុះប្រតិបត្តិការបង្ក្រាបក្រុមចោរលួចម៉ូតូនៅចំណុចភូមិបឹង សង្កាត់ជ្រាវ ក្រុមសៀមរាបកាលពីវេលាម៉ោងប្រប្រែល៦និង៣០នាទីព្រឹកថ្ងៃទី២៥ ខែមករា ឆ្...Read more
ក្រោយពីមានការរិះគន់និងកាសែត ក្នុងស្រុកមួយចំនួនចុះផ្សាយពីភាពពុករលួយ របស់មន្ត្រីគយនៅច្រកទ្វារអន្តរជាតិប៉ោយប៉ែតខេត្តបន្ទាយមានជ័យ ដែលបានបើកដៃឲ្យឈ្មួញតូចធំនាំចូលទំ...Read more
រថយន្តយីឌុបដឹកឈើក្រញូងបង្កប់ក្រោមដំឡូងមួយគ្រឿង ត្រូវបានកម្លាំង រដ្ឋបាលព្រៃឈើ សៀមរាប បានចាប់ ខណៈក្រុម ឈ្មួញដឹកចេញ ពីភូមិសាស្ត្រ ខេត្តឧត្តរមានជ័យ បម្រុងឆ្ពោះទៅ ទីផ្សារងងឹតឯព្រំប្រទល់ ប្រទ...Read more
នៅគ្រប់ទិសទីក្នុងទឹកដីខេត្តសៀមរាបគេសង្កេតឃើញថា មានប្រជាពលរដ្ឋខ្មែរភាគច្រើនមានការរអូរទាំរិះគន់ដល់រាជរដ្ឋាភិបាលកម្ពុជាថា មិនគួរយកប្រាសាទអង្គរវត្តដែលមានចំណូលក្រាសក...Read more
ប្រភពព័ត៌មានបានអោយដឹងថា មន្ត្រីពាក់ព័ន្ធមួយចំនួនកំពុងតែធ្វើព្យុះភ្លៀង នៅម្ដុំផ្សារ ការបី ដែលមានទីតាំង ស្ថិតក្នុងឃុំធ្នូ ស្រុកស្នួល ខេត្តក្រចេះ ដែលសកម្មភាពទាំងនេះ បានធ្វើឱ្យប្...Read more
| ថ្ងៃនេះ | 9978 | នាក់ |
| ម្សិលមិញ | 11948 | នាក់ |
| សប្ដាហ៍នេះ | 21937 | នាក់ |
| ខែនេះ | 86950 | នាក់ |
| ឆ្នាំនេះ | 369602 | នាក់ |
| សរុប | 57720998 | នាក់ |
| ថ្ងៃទី 30 ខែ 06 ឆ្នាំ 2026 ម៉ោង 04:34 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net