សកម្មភាពរថយន្តសាន់យ៉ុងដឹកឈើខុសច្បាប់ពីស្រុកស្វាយលើយកមកលក់ចែកចាយតាមដែប៉ូឈើ ក្នុងខេត្តសៀមរាប ជាយូរឆ្នាំណាស់មកហើយដែលពុំធ្លាប់មានការបង្ក្រាបទាល់តែសោះនោះ ឥឡូវហាក់មានការប្រែប្រួលចម្លែក ស្រាប់តែឃើញមេព្រៃចុះចាប់រថយន្តដឹកឈើទាំងនោះទាំងទឹកមុខក្រៀមក្រំ ក្រោមការបញ្ជារបស់ព្រះរាជអាជ្ញាឡើងថ្មី។
ម៉ោង៤ទាបភ្លឺលឺសំលេងមាន់រងាវកឺតៗនាថ្ងៃទី១៩ ខែមិថុនា ឆ្នាំ២០១៤នេះ លោក កើត-វណ្ណារ៉េត ព្រះរាជអាជ្ញាសាលាដំបូងខេត្តសៀមរាប បានបញ្ជាអោយលោក សំរិទ្ធសុខុន ព្រះរាជាអាជ្ញារងតំណាងអយ្យការ សហការជាមួយកម្លាំងរបស់ខណ្ឌរដ្ឋបាលព្រៃឈើខេត្តសៀមរាប ចុះចាប់បានរថយន្តដឹកឈើលេខ២ខុសច្បាប់៣គ្រឿង ហើយបានបញ្ជូនវត្ថុតាង(ឈើ) និងមធ្យោបាយដឹកជញ្ជូន(រថយន្ត៣គ្រឿង) យកទៅទុកនៅផ្នែករដ្ឋបាលព្រៃឈើបន្ទាយស្រី ក្នុងភូមិព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប។
យោងតាមសម្តីរបស់លោក លឹង្គ-សុខា មន្រ្តីផ្នែករដ្ឋបាលព្រៃឈើក្រុងសៀមរាប បានអោយដឹកថា រថយន្តខាងលើដឹកឈើប្រភេទលេខ២ តាមច្បាប់របស់រដ្ឋបាលព្រៃឈើ ឈើដែលជាវត្ថុតាងគឺត្រូវរឹបអូសទុកជាសម្បត្តិរដ្ឋ ចំណែកឯរថយន្តដែលជាមធ្យោបាយដឹកជញ្ជូនម្ចាសអាចចូលខ្លួនមកដោះស្រាយ ដោយបង់ពិន័យអន្តរកាលយករថយន្តទៅវិញតាមផ្លូវច្បាប់។
ប្រភពព័ត៌មានពីប្រជាពលរដ្ឋសុំមិនបញ្ជេញឈ្មោះបានអោយដឹកថា រថយន្តដឹកឈើដែលខាងរដ្ឋបាលព្រៃឈើបានចាប់ខាងលើគឺជារបស់ ចែផល្លី អាយុប្រហែលជាង៥០ឆ្នាំ គាត់ដើរប្រមូលទិញឈើនៅស្រុកស្រយ៉ងកោះកែរ្តិ៍ ស្រុកស្វាយលើ ដឹកជារៀងរាល់យប់ចូលក្រុងសៀមរាប ដោយមិនមានច្បាប់បង់ពន្ធជូនរដ្ឋនោះទេ។ ប្រភពបន្តថា ចែផល្លី ដើរអួតក្អេងក្អាងថា គាត់បានបង់លុយអោយមេព្រៃគ្រប់លំដាប់ថ្នាក់តាមដងផ្លូវ ជាពិសេសលោក យ៉ាន់-ស៊ីវ៉ាត នាយសង្កាត់រដ្ឋបាលព្រៃឈើស្រុកស្វាយលើតែម្តង ទើបគាត់អាចរកស៊ីបាន ហើយម្យ៉ាងទៀតគាត់ថា គ្មានអ្នកណាហ៊ានចាប់រថយន្តរបស់គាត់ទេ ព្រោះគាត់ក៏មានសាច់ញាតិធ្វើការធំដែរ។ ប្រភពបន្ថែមថា ចែផល្លី ដឹកឈើតាំងពីរថយន្តចាស់មួយគ្រឿង រហូតដល់ថ្ងៃនេះ មានរថយន្ត៣គ្រឿង មានជីវភាពធូធា មានសាច់ឈាមធាត់ឡើងត្រលុកទ្រលុន មានលុយរាប់ម៉ឺនដុល្លារ។
ពាក់ព័ន្ធនិងការចោទប្រកាន់ខាងលើ ចែផល្លី បានប្រាប់អ្នកយកព័ត៌មានយើងតាមទូរស័ព្ទនៅព្រឹកថ្ងៃទី១៩ដដែលនេះថា រថយន្តខាងលើមិនមែនជារថយន្តរបស់គាត់ទេ ព្រោះយប់មិញគាត់មិនបានជិះរថយន្តដឹកឈើនោះទេ។ ចែផល្លី បន្តថា គាត់ពុំបានបង់លុយអោយរដ្ឋបាលព្រៃឈើតាមដងផ្លូវដូចការចោទប្រកាន់ខាងលើនេះទេ តែបើជួបមេព្រៃ ឬសមត្ថកិច្ចតាមដងផ្លូវគាត់គ្រាន់តែជូនលុយថ្លែ បាយ គុយទាវ កាហ្វេ ឬថ្លៃសាំងអោយមន្រ្តីជំនាញទាំងនោះតែប៉ុណ្ណោះ។
អ្នកយកពុំអាចសុំការបំភ្លឺពីលោក យ៉ាន-ស៊ីវ៉ាត នាយសង្កាត់រដ្ឋបាលព្រៃឈើស្រុកស្វាយលើបានទេ ព្រោះទូរស័ព្ទមិនចូល។
មជ្ឈដ្ឋានប្រជាពលរដ្ឋបានរិះគន់ធ្ងន់ៗថា មូលហេតុដែលអ្នករកស៊ីដឹកឈើខុសច្បាប់មិនចេះរាងចាល មិនចេះអស់មិនចេះចប់ ព្រោះតែច្បាប់របស់មេព្រៃនៅធូរលុង ដោយអោយអ្នករកស៊ីដឹកឈើទាំងនោះ អាចបង់លុយផាកពិន័យយករថយន្តដឹកឈើដែលចាប់បានទៅវិញ ដោយគ្រាន់តែផាកពិន័យ ដូច្នេះអ្នករកស៊ីខុសច្បាប់ទាំងនោះច្បាស់ជា ទៅដឹកឈើស្រង់ដើមឡើងវិញជាមិនខាន។ ពលរដ្ឋបន្តរិះគន់ថា បើចាប់ហើយ កុំអោយយករថយន្ត ឬមធ្យោបាយដឹកជញ្ជួនទៅវិញ នោះចាប់តែពីរបីដងអ្នករកស៊ីអស់លុយទិញរថយន្ត ពួកគេនិងឈប់រកស៊ីដោយខ្លូនឯងបាត់ទៅហើយ។ យី!ច្បាប់ស្រុកខ្មែរអន់អីអន់យ៉ាងនេះ ធ្វើការដូចវែកចកក្នុងបឹងអញ្ចឹង៕ ដោយ៖ ផ្លុង-រ៉េត






អគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា នាថ្ងៃសុក្រទី១០ ខែតុលាឆ្នាំ២០១៤ វេលាម៉ោង៨ព្រឹកព្រឹទ្ធសភា នៃព្រះរាជាណាចក្រកម្ពុជា និងបើកសម័យប្រជុំវិសមញ្ញព្រឹទ្ធសភានីតិកាលទី៣ (ស...Read more
និស្សិតកំរិតបរិញ្ញាប័ត្រម្នាក់ឈ្មោះ តៅសាវឿន មានទីលំនៅបច្ចុប្បន្ន ឃុំលាងដៃ ស្រុកអង្គរធំ ខេត្តសៀមរាប និងជាអតីតនិស្សិតសកលវិទ្យាល័យសៅស៍អ៊ីសថ៍អេសៀ (South East...Read more
នគរបាល ប្រឆាំងបទល្មើស សេដ្ឋកិច្ច នៃស្នងការនគរបាល ខេត្តសៀមរាប នៅព្រឹកថ្ងៃអាទិត្យនេះ ទី២៩មីនានេះ បានចុះត្រួតពិនិត្យ នូវទីតាំង អាជីវកម្ម ឡនំបុ័ង ១កន្លែង ក្រោយពីរមាន ប្រជាពលរដ្ឋ ជាង៥០០នាក់ បានពុលនោះ។
...Read more
លោក ឧញ្ញា អ៊ឹង-ម៉េងជឺ ជាថៅកែស៊ីម៉ង់ពេជ្រ ត្រូវបានខ្មាន់កាំភ្លើងបាញ់សម្លាប់នៅមុខហាង ឡោតិចសេងភិភពផ្លែឈើនៅម៉ោងជាង៧យប់ នៅចំណុចបណ្តោយផ្លូវព្រះសីហនុ កែងផ្លូវ២៥០ សង្កាត់ទូលស្វាយព្រៃ២ ខណ...Read more
នគរបាលការិយាល័យអន្តោរប្រវេសន៍នៃស្នងការខេត្តសៀមរាបបានធ្វើការហៅសង្សជនជាតិយួន១អង្គរ មកធ្វើកិច្ចបញ្ឈប់លែងអោយដើរបិណ្ឌបាតបន្តទៅទៀតនេះបើយោងតាមការអោយដឹងពីសមត្ថកិច្ច។
មន្ត្រីនគរបាល ការិយាល...Read more
លោក ចេង ដារ៉ាវុធ អតីតប្រធានស្តីទី នាយកដ្ឋានសុខមាលភាពមនុស្សចាស់នៃក្រសួងសង្គមកិច្ច បានប្រាប់កម្ពុជាសុវណ្ណភូមិថា លោកមានរឿងអយុត្តិធម៌ ដែលធ្វើអោយលោកមានការឈឺចុចចាប់ខ្លោចផ្សាជាទី...Read more
សូមមើល រូបភាព និងវីដេអូ សកម្មភាពគណបក្សសង្គ្រោះជាតិដង្ហែក្បួនបាតុកម្មអហឹង្សា ថ្ងៃទី១៥នៅរាជធានីភ្នំពេញ។
...Read more
សូមចុចមើល វីដេអូ ដែលជាស្នាដៃនិពន្ធរបស់សម្តេចតា ថតនៅប្រទេសកូរ៉េ
...Read more
តាំងពីយម់ថ្ងៃ១៧ឈានចូលទី១៨ ខែវិច្ឆការ ឆ្នាំ២០១៤ ដែលអគ្គីភ័យបានឆាបឆេះក្លឹបកម្សាន្ត ហ៊ីបហប់ រហូតមកដល់ព្រឹកថ្ងៃទី១៩នេះ ក្រុមប្រជាពលរដ្ឋនៅខេត្តសៀមរាប នៅតែមានការមន្ទិលសង្ស័យថា ម...Read more
| ថ្ងៃនេះ | 648 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6809 | នាក់ |
| ខែនេះ | 6809 | នាក់ |
| ឆ្នាំនេះ | 289461 | នាក់ |
| សរុប | 57640857 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 08:04 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

