ទាហ៊ាន២នាក់ប្រើឈុតសម្លៀកបំពាក់ប៉ារ៉ា បើករថយន្តម៉ាកឌុយមីកពណ៍ត្រអ៊ី ពាក់ស្លាកលេខ ខេមរភូមិន្ទ 2-1475 និងមានកាំភ្លើងខ្លីមួយដើម រកស៊ីដឹកឈើប្រណិត យកឈ្មោះកងពលលេខ៦ របស់លោកឈុំ-ខេង មកប្រើ ត្រូវបានលោក កើត-វណ្ណារ៉េត ព្រះរាជអាជ្ញាតុលាការខេត្តសៀមរាប បញ្ជាអោយកម្លាំងសមត្ថកិច្ចចុះចាប់បញ្ជូនទៅរដ្ឋបាលព្រៃឈើនៅវេលាម៉ោង១០យប់ ថ្ងៃទី១៩ ខែមិថុនា ឆ្នាំ២០១៤ នៅចំណុច៣១៧មណ្ឌលជនពិការ ឃុំបាឡាំង ស្រុកប្រាសាទបាគង។
យោងតាមសម្តីរបស់លោក សំ-រិទ្ធសុខុន ព្រះរាជអាជ្ញារងតំណាងអយ្យការ សាលាដំបូងខេត្តសៀមរាបបានអោយដឹកថា លោកបានទទួលទូរស័ព្ទពីអ្នកសារព័ត៌មានថា មានរថយន្តភិនភាគខាងលើដឹកឈើខុសច្បាប់ចេញដំណើរពីស្រុកស្វាយលើ សំដៅមកក្រុងសៀមរាប តាមដងផ្លូវគ្រួសក្រហមមណ្ឌលជនពិការ លោកក៏បានសុំយោបល់ពីព្រះរាជអាជ្ញាចុះបង្ក្រាបរថយន្តខាងលើបានជោគជ័យទៅតាមផ្លូវច្បាប់ ដែលមានកម្លាំងសហការពីកងរាជអាវុធហត្ថ និងខាងរដ្ឋបាលព្រៃឈើខេត្ត។
លោក វែង-លី មន្រ្តីរដ្ឋបាលព្រៃឈើប្រចាំស្រុកប្រាសាទបាគងបានអោយដឹងថា រថយន្តខាងលើប្រើរូបភាពបន្លំភ្នែកសមត្ថកិច្ចដោយ ដាក់ឈើប្រណិតប្រភេទនាងនួនជាច្រើនដុំនៅខាងក្នុង ហើយយកឈើនីវសន្លឹកដាក់ព័ទជុំវិញ គ្របកៅស៊ូបាតង់ជិត។ លោកបានបន្តថា ចំណែកនៅក្នុងកាបីន ក្រោយខ្នងតៃកុង ម្ចាស់ឈើបានដាក់ឈើនាងនួនមុខធំៗ ប្រវែង១ម៉ែត្រ រួចយកភួយ ការ៉ុងអង្ករ ខោអាវ គ្របពីលើយ៉ាងស្អាត បើមិនរើមើលគឺច្បាស់ជាមិនដឹងនោះទេ។ លោកលីបន្ថែមថា វត្ថុតាងទាំងឈើ និងរថយន្តបានបញ្ជូនយកទៅទុកនៅ ផ្នែករដ្ឋបាលព្រៃឈើបន្ទាយស្រីទាំងយប់ ចំណែកឯទាហ៊ាន២នាក់ និងថៅកែស្រីម្នាក់អោយទៅផ្ទះវិញរងចាំការដោះស្រាយតាមផ្លូវច្បាប់។
នៅរសៀលថ្ងៃទី២០ ខែមិថុនានេះ លោក សំ-រិទ្ធសុខុន ព្រះរាជអាជ្ញារងបានបញ្ជាក់បន្ថែមថា តាមផ្លូវច្បាប់បើប្រភេទឈើក្រញូងគឺត្រូវចាប់ទាំងមនុស្សបញ្ជូនមកតុលាការ តែប្រភេទឈើលេខ២គឺ អនុវត្តទៅតាមច្បាប់របស់រដ្ឋបាលព្រៃឈើ ត្រូវអោយម្ចាស់ចូលខ្លួនបង់ពិន័យអន្តរកាលតាមច្បាប់។
លោក ឈុំ-ខេង ប្រធានកងពលលេខ៦ ប្រចាំដីក្រហមស្រុកត្រពាំងប្រាសាទ ខេត្តឧត្តរមានជ័យ បានប្រាប់អ្នកយកព័ត៌មានយើងតាមទូរស័ព្ទនៅព្រឹកថ្ងៃទី២០នេះថា ទាហ៊ាន២នាក់ខាងលើជាទាហ៊ាននៅកងពលលេខ៩ មិនមែនទាហ៊ានកងពលលេខ៦របស់លោកទេ។ លោកឈុំ-ខេង បន្ថែមថា ទាហ៊ានម្នាក់ក្នុងចំណោម២នាក់ឈ្មោះ ចាក មានឋានៈ រងវីរៈកងពលលេខ៩។
តាមអង្កេតឃើញថា រយៈពេលប្រហែល៣ខែនេះ មានឈ្មួញរកស៊ីដឹកឈើខុសច្បាប់ដោយប្រើរថយន្តប្រភេទ ឌុយមីក ពណ៍ត្រេអ៊ី ពាក់ស្លាកលេខ ខេមរៈភូមិន្ទ រាប់សិបគ្រឿង ដឹកឈើពីខេត្តព្រះវិហារ ខេត្តឧត្តរមានជ័យ យកមកលក់ចែកចាយក្នុងខេត្តសៀមរាប ឆ្លងកាត់តាមដងផ្លូវស្រុកស្វាយលើទាំងយប់ទាំងថ្ងៃ ដោយគ្មានការបង្ក្រាបពីសមត្ថកិច្ចពាក់ព័ន្ទទាល់តែសោះ។
អ្នកយកព័ត៌មានយើងមិនអាចសុំការបំភ្លឺពីមេកងពលលេខ៩បានទេ ព្រោះមិនមានលេខទូរស័ព្ទទំនាក់ទំនង ពាក់ព័ន្ទសម្តីបដិសេធរបស់លោក ឈុំ-ខេង មេកងពលលេខ៦ ហើយលោកបានអះអាងថា ជាទាហ៊ាន២នាក់ខាងលើជាទាហ៊ាន របស់កងពលលេខ៩ មិនមែនជាទាហ៊ានរបស់លោកនោះទេ។
ពលរដ្ឋអ្នកតាមដានហេតុការសូមសំនូមពរទៅស្ថាប័ណកងទ័ពដែលមានលោក ជា-ម៉ន មេភូមិភាគ៤ លោក នួន-នៅ រងភូមិភាគ៤ មេត្តាបើកនេត្រាមើលក្រុមឈ្មួញទុចរិតយករថយន្តកងទ័ពទៅដឹកឈើខុសច្បាប់យ៉ាងអាណាធិប្បតេយ្យទាំងនេះផង ជាសវៀងខូចឈ្មោះដល់សម្តេចតេជោ ហ៊ុន-សែន ដែលជានាយករដ្ឋមន្ត្រីនៃព្រះរាជាណាចក្រកម្ពុជា មិនតែប៉ុណ្ណោះពលរដ្ឋក៏សូមសំណូមពរទៅលោក អ៊ុក-រ៉ាប៊ុន រដ្ឋមន្រ្តីក្រសូងកសិកម្មមេត្តានែនាំលោក ទា-គឹមសុទ្ធ អោយខំប្រឹងប្រែងធ្វើការបង្រ្កាបបទល្មើសព្រៃឈើផងទាន៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
នៅព្រឹកថ្ងៃទី១២ ខែឧសភា ឆ្នាំ២០១៥នេះ ពិធីប្រកាសផ្ទេរមុខតំណែងមេបញ្ជាការកងរាជអាវុធហត្ថខេត្តសៀមរាប បានធ្វើឡើងនៅទីបញ្ជាការកងរាជអាវុហត្ថខេត្ត ក្រោមអធិបតីភាពរបស់ឯកឧត្តម សៅ សុខា មេបញ្ជាការរង...Read more
អស់រយៈពេលជាយូរឆ្នាំណាស់មកហើយជំងឺអសកម្ម និងភាពកំសោយរបស់អាជ្ញាធរខេត្តសៀមរាប និងរដ្ឋបាលជលផល ដែលជាមន្រ្តីជំនាញ នៅតែកើតមានឡើងតាំងពីអាណត្តិរបស់លោក ស៊ូ-ភិរិន រហូតមកដល់លោក ឃឹ...Read more
លោក ចេង ដារ៉ាវុធ (អតីត) ប្រធានស្តីទីនាយកដ្ឋានសុខុមាលភាពមនុស្សចាស់នៃក្រសួងសង្គមកិច្ចគឺបន្ទាប់ពី រងភាពអយុត្តិធម៌ អំពីការតែងតាំងក៏ប្រតិកម្មស្នើសុំ ឯ/ឧនាយកខុទ្ទការល័យរដ្ឋមន្ត្រីជួយសម្របសម្រួល ប៉ុន្តែមិនទទ...Read more
លោក ឯម មុន្នី នាយរងរដ្ឋបាលព្រៃឈើខាងជើងបឹងទន្លេសាប ក្រោមការដឹកនាំរបស់លោក សំរិទ្ធសុខុន ព្រះរាជអាជ្ញារងតំណាងអយ្យការសាលាដំបូងខេត្តសៀមរាប បានចាប់រថយន្តឡិចស៊ិសដឹកឈើក្រញូង ១គ្រឿ...Read more
ពាក់ព័ន្ធទៅនឹងការចុះផ្សាយខាងក្រោម នៅរសៀលថ្ងៃទី២២ ខែតុលា ឆ្នាំ២០១៤នេះ លោកហុកចិត្រា ប៉ូលីសសេដ្ឋកិច្ចប្រចាំខេត្តបន្ទាយមានជ័យបានទូរស័ព្ទមកអង្គភាពសារព័ត៌មាន កម្ពុជាសុវណ្ណភូមិថា...Read more
សេចក្ដីរាយការណ៏បានឲ្យដឹងថាកាលពីថ្មីៗនេះអគ្គស្នងការដ្ឋាននគរបាលជាតិ បានចេញសេចក្ដីប្រកាសជាសាធារណៈដល់ម្ចាស់កាស៊ីណូនានាដែលបានបើកឲ្យពលរដ្ឋខ្មែរចូលទៅលេងល្បែងស៊ីសងនៅក្នុងកាស៊ីណូរបស់ខ្លួន ម្ចាស់កាស៊ីណ...Read more
យោងតាមប្រភពពីមន្ត្រីរាជការនៃ មន្ទីរពាណិជ្ជកម្មខេត្តកំពង់ស្ពឺបានឲ្យដឹងថារ កន្លងទៅនេះលោក ញិល សំបូរ និងបក្ខពួក ប្រព្រឹត្តអំពើពុករលួយកេង ប្រវ័ញ្ចថវិការដ្ឋ ក្នុងមួយឆ្នាំៗយ៉ាង...Read more
ក្រុមគ្រួសារនាយរងប៉ុស្តិ៍សង្កាត់សៀមរាប ប្រាំនាក់ពុលទាំងអស់នៅយប់ថ្ងៃទី២៤ ខែឧសភា ឆ្នាំ២០១៥ បន្ទាប់ពីបញ្ជូនទៅព្យាបាលនៅមន្ទីរពេទ្យឯកជន ប្តីបានស្លាប់បាត់បង់ជីវិត ឯកូនបីនាក់ និង...Read more
ប្រទេសជាតិជាច្រើននៅលើពិភពលោកយើងនេះ គឺរមែងតែងតែមានមេដឹកនាំ និងប្រជានុរាស្រ្តតិច ឬច្រើនអាស្រ័យទៅលើប្រទេសនោះតូចឬធំតែប៉ុណ្ណោះ ប្រទេសខ្លះគ្មានស្តេច តែមានប្រធានាធិបតី ឯប្រទេសខ្ល...Read more
យោងតាមប្រភពព័ត៌មាននៅព្រឹកថ្ងៃទី១៤ ខែកញ្ញា ឆ្នាំ២០១៤ នេះបានអោយដឹងថា ឧត្តមសេនីយ៍ផ្កាយ២ឈ្មោះ គឹម-ម៉ាវិន្ថា ត្រូវបានប៉ូលិសក្រសួងមហាផ្ទៃធ្វើការសហការណ៍ជាមួយអាជ្ញាធរប្រទេសថៃចាប...Read more
| ថ្ងៃនេះ | 9783 | នាក់ |
| ម្សិលមិញ | 11948 | នាក់ |
| សប្ដាហ៍នេះ | 21742 | នាក់ |
| ខែនេះ | 86755 | នាក់ |
| ឆ្នាំនេះ | 369407 | នាក់ |
| សរុប | 57720803 | នាក់ |
| ថ្ងៃទី 30 ខែ 06 ឆ្នាំ 2026 ម៉ោង 04:27 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net