ប្រជាពលរដ្ឋដែលប្រមូលផ្តុំគ្នាតវ៉ាថា ពួកគាត់រស់នៅក្នុងភូមិនេះជាច្រើនឆ្នាំមកហើយដោយក្នុងមួយគ្រួសារ មានដីទំហំ១២គុណនឹង២០ម៉ែត្រ សម្រាប់សាងសង់លំនៅដ្ឋាន ហើយផ្លូវត្រូវបានអាជ្ញាធរចាត់ចែងក្នុងដី៤០ម៉ែត្រ មានផ្លូវមួយខ្សែ សាងសង់ផ្ទះទល់គ្នាមុខក្រោយ ដោយនៅក្នុងភូមិមានប្រជាពលរដ្ឋរាប់រយរាប់ពាន់គ្រួសារ និងមានគម្រោងផ្លូវខ្វាត់ខ្វែងទៅតាមការកំណត់របស់អាជ្ញាធរ។
ប្រជាពលរដ្ឋបញ្ជាក់ថា នៅតាមដីទ្បូត៍ផ្សេងៗមានផ្លូវទៅតាមការកំណត់របស់អាជ្ញាធរ ក្នុង៤០ម៉ែត្រមានផ្លូវ១ខ្សែ ប៉ុន្តែនៅចំណុចក្រុមទី៩ ភូមិសាមគ្គីមានជ័យដែលពួកគាត់រស់នៅចំណុចផ្លូវលំ២ខ្សែនៅពីខាងជើង ឆៀងខាងលិចទល់មុខផ្លូវបេតុង១ខ្សែ ជាប់នឹងសំណង់ផ្ទះល្វែងរបស់ក្រុមហ៊ុន ខេធីអេច នៃកាស៊ីណូ ហ្គោលដិនក្រោន មានផ្ទៃដីប្រមាណជា១០០ម៉ែត្រ ជាកម្មសិទ្ធិរបស់ឈ្មោះ សី ស៊ីល័យ នាយកសង្កាត់រដ្ឋបាលជលផល និងប្រាក់ ប៉ូលី ប្រធានភូមិបាលក្រុងប៉ោយប៉ែត ពួកគេបានធ្វើរបងបិទផ្លូវមិនឲ្យប្រជាពលរដ្ឋធ្វើដំណើរឆ្លងកាត់ទ្បើយ ។
ប្រជាពលរដ្ឋជាង៤០គ្រួសាររស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីព្រឹកថ្ងៃទី២៤ ខែកក្កដា ឆ្នាំ២០១៤បានធ្វើការតវ៉ាចោទប្រកាន់មន្ត្រី២រូបគឺឈ្មោះ សី ស៊ីល័យ ជានាយសង្កាត់ជលផល និងប្រាក់ ប៉ូលី ប្រធានភូមិបាលក្រុងប៉ោយប៉ែតបិទផ្លូវមិនឲ្យពួកគាត់ធ្វើដំណើរ ឆ្លងកាត់។ ប្រជាពលរដ្ឋបានរិះគន់ថា មន្ត្រីទាំង២រូបនេះបានប្រើអំណាចបិទផ្លូវមិនឲ្យពួកគាត់ធ្វើដំណើរ ហើយលោក ង៉ោ ម៉េងជ្រួន អភិបាលក្រុងប៉ោយប៉ែតមិនបានជួយរកដំណោះស្រាយទ្បើយ។
ប្រជាពលរដ្ឋបានឲ្យដឹងថា នៅរដូវវស្សាផ្លូវលំមួយចំនួនក្នុងក្រុងប៉ោយប៉ែតមានសភាពស្អិត ឬរអិលដូចខ្លាញ់ ហើយកន្លែងខ្លះមានជង្ហុកជ្រៅៗពិបាកធ្វើដំណើរចេញចូល ទើបពួកគាត់នាំគ្នាតវ៉ាសុំបើកផ្លូវឲ្យជិតមករកផ្លូវបេតុង ដើម្បីងាយស្រួលធ្វើដំណើរ។ តែការតវ៉ារបស់ពួកគាត់មិនបានសម្រេចទេ ដោយសារតែបុគ្គល ប្រាក់ ប៉ូលី ប្រធានភូមិបាលក្រុងប៉ោយប៉ែតបានដឹកនាំកម្លាំងសមត្ថកិច្ចនគរបាលចុះមក ហាមឃាត់មិនឲ្យប្រជាពលរដ្ឋបើកផ្លូវបានទ្បើយ ហើយថែមទាំងយកបង្គោលថ្មីទៅធ្វើជារបងបិទទាំងស្រុងតែម្តង។ ពាក់ព័ន្ធនឹងបញ្ហានេះលោក គោ ស៊ុំសារឿត អភិបាលខេត្តបន្ទាយមានជ័យគួរពិនិត្យមើលទ្បើងវិញជាបន្ទាន់ ព្រោះមន្ត្រីទាំងពីររូបនោះកំពុងប្រើអំណាច។
លោកអភិបាលក្រុងប៉ោយប៉ែត ង៉ោ ម៉េងជ្រួន និងអភិបាលខេត្តបន្ទាយមានជ័យ គោ ស៊ុំសារឿត ចាត់វិធានការលើមន្ត្រីខិលខូចទាំងពីរនាក់នេះជាបន្ទាន់កុំឲ្យពួកគេ ប្រើអំណាចនេះតទៅទៀត៕







Post by សារព័ត៌មាន កម្ពុជាសុវណ្ណភូមិ | Kampuchea Sovanphum News....Read more
នៅរសៀលថ្ងៃទី២៤ មិថុនា ឆ្នាំ២០១៥នេះ គណៈប្រតិភូបញ្ជាការដ្ឋានអង្គរក្ស ដឹកនាំដោយឯកឧត្តម ឧត្តមសេនីយ៍ទោ គង់ ប៊ុនលី នាយរងសេនាធិការដ្ឋានអង្គរក្ស និង លោកជំទាវបណ្ឌិតឧកញ៉ា លី អ៊ុំអេង ព្រមទាំង ស្វាមី តំណាងដ៏ ខ...Read more
អ្នកមិនឯកោទេប្រសិនបើលោកអ្នកមានបុត្រធីតាធ្វើរោគវិនិច្ឆ័យទៅកើតមាននូវជំងឺ ទឹកនោមផ្អែម។ ជារៀងរាល់ឆ្នាំ នៅសហរដ្ឋអាមេរិក មានកុមារប្រមាណជាង ១៣០០០ នាក់ កើតមានជំងឺទឹកនោមផ្អែមប្រភេទ...Read more
អ្នកសារព័ត៌មានម្នាក់ប្រចាំគោលដៅខេត្តក្រចេះ ត្រូវឃាតកបាញ់មួយគ្រាប់ចំក្បាលស្លាប់ភ្លាមៗ នៅកន្លែងកើតហេតុ ខណៈដែលអ្នកកាសែតរូបនោះព្យាយាមតាមប្រមាញ់ការជួញដូរឈើខុសច្បាប់។
...Read more
នៅក្នុងប្រទេសនីមួយៗ មានមនុស្សរស់នៅចំរុះជាតិសាសន មានអ្នកក្រមានអ្នកមាន អ្នកតូចអ្នកធំ អ្នកខ្ពស់អ្នកទាប មានអ្នកចេះមានអ្នកល្ងង់ មានអ្នកស្នេហាជាតិមានអ្នកបំផ្លាញជាតិ មានអ្នក...Read more
មានសេចក្តីរាយការណ៍ពីក្រុមអ្នកដឹកភ្ញៀវទេសចរណ៍មកថា នៅក្បែរប៉ុស្លិ៍យាមចាំចែកសំបុត្រខាងកើតនៃផ្លូវចូលប្រាសាទអង្គរវត្តត្រូវបានគេកកាយរណ្តៅដីថម្ងាយប្រហែល១០ម៉ែត្រពីមាត...Read more
ច្បាប់ស្តីពីព្រៃឈើ
ជំពូក៨: ការហាមឃាត់ការប្រមូលផល អនុផលព្រៃឈើ និងការការពារព្រៃឈើ
មាត្រា ៣២: ព្រៃឈើត្រូវបានការពារប្រឆាំងនឹងរាល់សកម្មភាពដែលធ្វើអោយខូចខាត បណ្តាលមកពី...Read more
| ថ្ងៃនេះ | 851 | នាក់ |
| ម្សិលមិញ | 2319 | នាក់ |
| សប្ដាហ៍នេះ | 851 | នាក់ |
| ខែនេះ | 16394 | នាក់ |
| ឆ្នាំនេះ | 299046 | នាក់ |
| សរុប | 57650442 | នាក់ |
| ថ្ងៃទី 08 ខែ 06 ឆ្នាំ 2026 ម៉ោង 06:27 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

