លោក​ទេព-ពុំសែន​អធិការ​ស្រុកពួក​បាន​បញ្ជូន​សំណុំ​រឿង​គ្រោះ​ថ្នាក់ចរាចរណ៍​កាល​ថ្ងៃទី​២៨​ទៅ​តុ​លា​ការ​

តាំងពីលោកពុំសែនឡើងជាអធិការស្រុកពួកមកករណី គ្រោះថ្នាក់ចរាចរណ៍ភាគច្រើនចាប់ពុំបានរថយន្តបង្កហេតុឬជនល្មើសមកផ្តន្ទាទោសនោះទេតែបែរជាល្បីរន្ទឺខាង ចាប់រថយន្តផ្សេងមកធ្វើជាកំណត់ហេតុបណ្តាលអោយប្រជារាស្រ្តខាតបង់ការងារបាត់បង់ចំណូលមានញ្ហាផ្លូវចិត្តអស់ ជំនឿទៅលើសមត្ថកិច្ចកាន់តែខ្លាំងឡើងៗពី១ថ្ងៃទៅ១ថ្ងៃ។

នៅល្ងាចថ្ងៃទី២៨ខែមិថុនាឆ្នាំ២០១២មានគ្រោះថ្នាក់ចរាចរណ៍មួយបានកើតឡើងរវៀងរថយន្តធួររីសពណ៍សនិងម៉ូតូ ម៉ាកឌ្រីមពណ៍ខ្មៅឆ្នាំ២០១២នៅលើដងផ្លូវជាតិលេខ៦ក្នុងភូមិដំណាក់ស្លាញឃុំសរសរស្តំស្រុកពួកខេត្តសៀមរាប បណ្តាលអោយមនុស្សស្រីម្នាក់ស្លាប់នៅហ្នឹងកន្លែងនឹងស្រ្តីម្នាក់រងរបួរស្រាលតែប៉ូលីសចរាចរណ៍ស្រុកពួកចាប់មិន បានរថយន្តបង្កហេតុបែជាទៅចាប់រថយន្តកាមរីឆ្នាំ៩៣របស់ម្ចាស់ឈ្មោះនូម-ឆាត់ណាដែលមិនដឹងអីទៅវិញ។

បើយោងតាមសម្តីលោកនួម-ឆាត់ណាជាម្ចាស់រថយន្តកាមរីឆ្នាំ៩៣បានអោយដឹងថាលោកជាអ្នករតតាក់ស៊ីពី ខេត្តបាត់ដំបងមកខេត្តសៀមរាបលុះមកដល់ចំណុចកើតហេតុខាងលើបានឈប់រថយន្តអែបខាងស្តាំដៃដោយមិន បានពន្លត់ម៉ាស៊ីនទេដើម្បីអោយអ្នកជិះក្នុងរថយន្តក្អួតតែប្រហែល១០នាទីក្រោយមកស្រាប់តែមានម៉ូតូម៉ាកឌ្រីមជិះ មកទន្ទឹងរថយន្តរបស់លោកហើយមានរថយន្តធួរីសពណ៍សបើកមកបុកពីក្រោយបណ្តាលអោយម៉ូតូជនរងគ្រោះ វិល៣-៤ជុំមកបុកបែកកង់ក្រោយរថយន្តរបស់គាត់។លោកឆាត់ណាបន្តថាទោះជាស្រ្តីម្នាក់ដែលរងរបួសស្រាលនឹង ភ្ញៀវជិះលើរថយន្តរបស់លោកឆ្លើយអះអាងនៅមុខសមត្ថកិច្ចប៉ូលីសស្រុកពួកថារថយន្តដែលបង្កហេតុគឺជារថយន្ត ផ្សេងម៉ាកធួរីសមិនមែនរថយន្តរបស់លោកយ៉ាងណាក៏ដោយក៏ក្រុមប៉ូលីសទាំងនោះព្យាយាមយករថយន្តរបស់ លោកទៅសាកសួរតាំងពីម៉ោងប្រហែល៥និង៣០នាទីរហូតដល់ម៉ោង១០យប់ទើបដោះលែងរថយន្តរបស់ លោកតែប៉ូលីសបានដកយកកាតគ្រីដកប័ណ្ណបើកបរនិងតម្រូវអោយមានមនុស្សធានាដោយដកយកទាំង អត្តសញ្ញាណប័ណអ្នកធានាទុកទៀតផង។

លោកទេពពុំសែនអធិការស្រុកពួកបានប្រាប់អ្នកយកព័ត៌មានយើងយ៉ាងកំបុតឆ្កុយតាមទូរស័ព្ទនៅរសៀល ថ្ងៃទី២ខែកក្កដាថា(ខ្ញុំបានបញ្ជួនរឿងទៅតុលាការហើយចង់សួរនាំអីសួរតុលាការទៅ)រួចបិតទូរស័ព្ទប្លឹប។

លោកទី-សុវិនថាល់ព្រះរាជអាជ្ញាសាលាដំបូងខេត្តសៀមរាបបានមានប្រសាសន៍តាមទូរស័ព្ទនៅរសៀលដដែលថា ករណីគ្រោះថ្នាក់ចរាចរណ៍ខាងលើលោកបានដឹងហើយតែបើចង់ច្បាស់សាកសួរទៅលោកសុខ-កែវបណ្ឌិតព្រះរាជអាជ្ញារងប្រចាំស្រុកពួកព្រោះគាត់ជាអ្នកកាន់រឿង។

លោកសុខ-កែវបណ្ឌិតព្រះរាជអាជ្ញារងទទួលបន្ទុកស្រុកពួកបានប្រាប់អ្នកយកព័ត៌មានយើងតាមទូរស័ព្ទនៅម៉ោង៣និង១៦នាទី ថ្ងៃទី២ដដែលថា ករណីដែលលោកតម្រូវអោយមន្រ្តីយុត្តិធម៌បញ្ជួញសំណុំរឿងនិងឯកសារថយន្តរបស់លោកឆាត់ណាអ្នករតតាក់ ស៊ីទៅតុលាការគឺដើម្បីធ្វើការស៊ើបអង្កេតបន្ថែមក្នុងស្វែងរកយុត្តិធម៌ជូនជនរងគ្រោះដែលបានបាត់បង់ជីវិតទៅ។ លោកបន្តថា ខាងមន្រ្តីយុត្តិធម៌បានរាយការជូនលោកថា រថដែលបុកជនរងគ្រោះគឺជារថយន្តផ្សេងមិនមែនរថយន្តលោកនូម-ឆាត់ណាទេ តែទោះជាយ៉ាងណាក៏តុលាការមិនអាចស្តាប់តែសម្តីភាគីម្ខាងបានដែរត្រូវតែធ្វើការស៊ើបអង្កេតអោយច្បាស់លាស់។ លោកសុខ-កែវបណ្ឌិតបន្តថា ខាងតុលាការនឹងធ្វើការប្រគល់ឯកសាររថយន្តអោយទៅលោកឆាត់ណាម្ចាស់រថយន្តកាមរីឆ្នាំ៩៣នោះវិញបើការ ស៊ើបអង្កេតទៅឃើញថារថយន្តរបស់គាត់ពិតជាមិនបានបុកជនរងគ្រោះមែនដូចសម្តីរបស់សមត្ថកិច្ចស្រុកពួក ហើយការដកឯកសាររថយន្តខាងលើជាបណ្តោះអាសន្តនេះគឺគ្មានគោលបំណងផ្សេងទេគឺគោលបំណងតែមួយ គត់ស្វែងរកជនបង្កហេតុរកយុត្តិធម៌ជូនជនរងគ្រោះ។លោកសុខ-កែវបណ្ឌិតបន្ថែមថាខាងអ្នករតតាក់ស៊ីដែលសមត្ថកិច្ចដកយកឯកសារឡានអាចសុំអោយប៉ូលីសធ្វើលិខិតបញ្ជាក់ ទុកគ្រាន់បង្ហាញសមត្ថកិច្ចតាមដងផ្លូវត្រួតពិនិត្យជាបណ្តោះអាសន្ត៕