លោកយ៉ានស៊ីវ័តនាយសង្កាត់រដ្ឋបាលព្រៃឈើ បើកដៃអោយឈ្មួញដឹកឈើ ឆ្លងកាត់ដោយរលូន

សកម្មភាពរថយន្តដឹកឈើគ្រប់ប្រភេទដឹកឆ្លងកាត់ពីស្រុកស្វាយលើមក ក្រុងសៀមរាប ដោយរលូនដែលឆ្លងកាត់ ស្នាក់ការមេព្រៃតាម ដងផ្លូវជា ច្រើនកន្លែងតែពុំមានការទប់ស្កាត់រឺបង្រ្កាបតាមផ្លូវច្បាប់ ណាមួយនោះទេបែជា លេចលឺថា ដាក់ស្នាក់ការយកតែលុយពីឈ្មួញទាំងនោះ ទៅវិញ។

តាមប្រភពព៍ត៌មានច្បាស់ការបានអោយដឹង ថា ជារៀងរាល់យប់មានរថយន្តដឹក ឈើរាប់សឹបគ្រឿង ដែលដឹកចេញ ពីស្រុក ស្វាយលើមកក្រុងសៀមរាបដូចជា រថយន្តធួរីស រថយន្តកាមរី រថយន្តនីកសាន់ដែលខ្លះ ដាក់បង្កប់ខ្លះ ដាក់ជាចំហរគ្របតង់ឈើប្រ ណិត ដូចជាបេង ធ្នង់ គគី នាងនួនយកមកចែកចាយតាមរោងសិប្បកម្ម អាណាធិបតេយ្យជាច្រើនកន្លែង ក្នុងក្រុងសៀមរាប។ប្រភពបន្តថា ឈើដែលក្រុមរថយន្ត ខាងលើដឹកជញ្ជួន នេះមិនមែនជាឈើស្របច្បាប់ របស់ក្រុមហ៊ុនណាមួយនោះទេ គឺជាឈើដែលគេលួចអារកាប់ពីកន្លែងហាមឃាត់ហើយឃុបឃិតជាមួយ មន្រ្តីជំនាញដើម្បីដឹកចេញ។ប្រភពលួចខ្សឹបបន្ថែមថា ឈ្មួញទាំងនោះមានឈ្មោះដូចជា ចែផាត់ថាណា ចែពៅ(ឡាននីកសាន់) លោកឃាន(ឡាននីកសាន់) លោកកុល(ឡានកាមរីពណ៍សំបកឪឡឹក) លោកសេត(ឡានកាមរីពណ៍ស) ចែញ៉ចប្រពន្ធលោកមិនចន្ថាអធិការស្រុកប្រាសាទបាគង(ឡានធួរីសពណ៍ស ជួនកាលយកឡានកូរ៉េ១តោនកន្លះ)របស់លោកភាពមេប៉េអឹមស្រុកស្វាយលើ ដឹកហ៊ុនគ្នា និងមានឈ្មួញផ្សេងជិង២០នាក់ទៀតដែលជួនដឹកជូនអត់។

លោកយ៉ាន់ស៊ីវ័តនាយសង្កាត់រដ្ឋបាលព្រៃឈើ ស្រុកស្វាយលើបានបដិសេធយករួចខ្លួនតាមទូរស័ព្ទនៅព្រឹកថ្ងៃទី១៣ នេះថា លោកពុំដែលដឹងថាមានគេដឹកឈើឆ្លងកាត់សង្កាត់របស់លោកនោះទេ។

លោកយឹមស៊ីវននាយសង្កាត់រដ្ឋបាលព្រៃឈើ ស្រុកប្រសាទបាគងក៏បានបដិសេធថា លោកមិនដឹងទេលោកនៅតែក្នុងការិយាល័យ ការងារទាំងនេះលោកប្រគល់អោយកូនចៅក្រោមឱវាទជាអ្នកមើល។

មជ្ឈដ្ឋានប្រជាពលរដ្ឋសូមសំនូមពរទៅ លោកម៉ុងប៊ុនលីមនាយផ្នែករដ្ឋបាលព្រៃឈើ និងលោកទាគឹមសុទ្ធនាយខណ្ឌរដ្ឋបាលព្រៃឈើខេត្តសៀមរាបមេត្តានែ នាំកូនចៅក្រោយឱវាទអោយទប់ស្កាត់សកម្មភាពដឹកឈើយ៉ាងអាណាធិប តេយ្យទាំងនោះផងក្រែងវាសល់ព្រៃឈើខ្លះអោយកូនចៅជំនាន់ក្រោយទាន ៕