សហព័ន្ធសហជីបទៅសាលា​ក្រុង​ទាមទារឲ្យសកម្មជនសហជីបចូលធ្វើការវិញ

ក្រុមសកម្មជន សហព័ន្ធសហជីបកម្មករខេត្តសៀមរាបនៅព្រឹកថ្ងៃច័ន្ទទី១៦នេះកំពុង ចូលដោះស្រាយជាមួយក្រុមហ៊ុនឌឹប៊្លូផាំឃីននៅសាលាក្រុងសៀម រាបដើម្បីទាមទាអោយបុគ្គលិក២នាក់ចូលធ្វើការវិញ។

តំណាងសកម្មជនសហព័ន្ធសហជីបលោកម៉ម-រិទ្ធីជាអនុប្រធានសហព័ន្ធ សហជីបកម្មករនិយោជិតវិស័យទេសចរណ៏សេវាកម្ពុជាដែលដឹកនាំ ធ្វើកូដកម្មកាលពីថ្ងៃទី១៥ម្សិលមិញមានប្រសាសន៏ថាសកម្មជន សហព័ន្ធសហជីបមានជាង៣០នាក់ បានធ្វើកូដកម្មដោយអហឹង្សានៅខាងមុខក្រុមហ៊ុនឌឺប៊្លូផាំឃីន ដើម្បីទាមទារឲ្យសកម្មជនរបស់គេចូលធ្វើការនៅក្នុងហាង ឌឺប៊្លូផាំឃីនវិញចំនួនពីរនាក់ដែលត្រូវបានប្រធានក្រុមហ៊ុន ឈ្មោះឌឹប៊្លូផាំឃីននៅខេត្ដសៀមរាបបញ្ជប់ពីការងាររយៈពេលជិត ៣ខែដោយចោទពួកគេថាចុះឈ្មោះម៉ោងធ្វើការឲ្យគ្នាទៅវិញទៅមក ។

លោកម៉ម-រិទ្ធីបញ្ជាក់ថាសកម្មជនសហជីបទាំងពីរនាក់នោះមាន ឈ្មោះបៀ-សំនៀងជាអនុប្រធានសហជីបនិងឈ្មោះអៀម-សារ៉ាត់ជាសកម្ម ជនសហជីបហើយពួកគេធ្វើការឲ្យក្រុមហ៊ុនឌឹប៊្លូផាំឃីននេះ។

ពាក់ព័ន្ធករណីនេះប្រធានក្រុមហ៊ុនឌឺប៊្លូផាំឃីនកាលពីម្សិលមិញបាន មានប្រសាសន៍ថានឹងជួបជុំគ្នានៅពេលល្ងាចដែលមានថៅកែជាជនជាតិ បរទេសឈ្មោះArnaud-Curtatនិងភរិយាជាជនជាតិថៃ។ពួកគាត់បន្តថា ក្រុមហ៊ុនពុំអាចទទួលយកបុគ្គលិកទាំងពីរនាក់នោះចូលធ្វើការ វិញបានទេដោយសារពួកគេបានប្រព្រឹតខុសការងារច្រើនលើកច្រើន សារដូចជាផឹកស្រាស្រវឹង និងស្នាក់នៅកន្លែងធ្វើការជាដើម។

រហូតមកដល់ព្រឹកម៉ោង១០និង៣៩នាទីថ្ងៃទី១៦នេះការសម្រប សម្រួលរវៀងក្រុមសហជីពនិងក្រុមហ៊ុនឌឹប៊្លូផាំឃីននៅឯសាលាក្រុង សៀមរាបពុំទាន់បានទទួលផ្លែផ្កានៅឡើយទេបើតាមការរាយការរបស់អ្នកយក ព័ត៌មានយើង៕