អជ្ញាធរថៃពង្រឹងការទប់ស្កាត់ការរីករាលដាលជម្ងឺEV-71 លើកុមារនៅច្រកទ្វារអន្តរជាតិអារញ្ញ័

អជ្ញាធរថៃពង្រឹងការទប់ស្កាត់ការរីករាលដាលជម្ងឺEV-71 លើកុមារនៅច្រកទ្វារអន្តរជាតិ អារញ្ញ័ប្រាថេត និងប៉ោយប៉ែត កាលពីថ្ងៃទី១៩ខែកក្កដា ឆ្នាំ២០១២នេះ ក្នុងគោលបំណងជួយសង្រ្គោះដល់កុមារក្រីក្រ និងក្មេងអណាថា តាមជាយដែនកម្ពុជា ថៃ។

នៅព្រឹកនេះអាជ្ញាធរ ខេត្តស្រះកែវ ប្រទេសថៃបានចាត់ក្រុមគ្រូពេទ្យជំនាញធ្វើការត្រួតពិនិត្យលើ កុមារតូចៗ រួមមានកុមារកម្ពុជា និងថៃដែលឆ្លងដែនទៅមកវាងកម្ពុជាថៃ ពិសេសកុមារដែលទៅទេសចរណ៍ជាមួយឪពុកម្តាយ កុមារដែលជាកូនដែលទៅតាមឪពុកម្តាយដែលធ្វើការនៅទឹកដីថៃ និងកុមារដែលជាកូនរបស់បងប្អូនអាជីវករលក់ដូរក្នុងផ្សាររោង គ្លឿ តែម្តង។

ទន្ទឹមគ្នានេះការត្រួតពិនិត្យនេះ គេសង្កេតឃើញពលរដ្ឋខ្មែរបាននាំកូនតូចៗរបស់ខ្លួនរាប់រយនាក់ទៅ ទទួលសេវ៉ា ការព្យាបាល និងថ្នាំបង្ការ ពីក្រុមគ្រូពេទ្យថៃខាងលើ នៅខាងលិចស្ពានមិត្តភាព កម្ពុជា ថៃ ព្រំដែនខាងថៃ។

បងស្រី សុភា ដែលជាអាជីវករលក់ដូរក្នុងផ្សាររោងគ្លឿ បច្ចុប្បន្នរស់នៅក្រុងប៉ោយប៉ែតបានឲ្យដឹងថា ( គាត់មានការសប្បាយចិត្តណាស់នៅពេលឃើញអាជ្ញាធរថៃជាប់ព្រំដែន កម្ពុជា បានយកចិត្តទុកដាក់លើពិនិត្យសុខភាពកុមារតាមជាយដែនដោយមិនប្រ កាន់ពូជសាសន៍ ពណ៌សប្បុរសបែបនេះ)។បងស្រីសុភា បានបន្តនៅព្រឹកនេះ កូនប្រុសស្រីរបស់គាត់ពីរនាក់ក៏បាននាំទៅទទួលការពិនិត្យសុខ ភាព និងទទួលថ្នាំបង្ការផងដែរ ក្នុងនោះក្រុមគ្រូពេទ្យមិនគិតប្រាក់ទេ។

សូមបងប្អូនតាមជាយដែន ដែលមានកូនតូច ក្នុងករណីសង្ស័យថាកូនលោកអ្នកអាចកើតមានជម្ងឺ EV-71 សូមប្រញ៉ាប់រួសរាន់យកកូនទៅព្យាបាលជាបន្ទាន់៕