អត្រាគ្រោះថ្នាក់ចរាចរណ៍ប្រចាំឆមាសទី១ ឆ្នាំ២០១២ កើតមាន១១៦លើកថយចុះ៨៨លើក

យោងតាមរបាយការណ៍ប្រចាំត្រីមាសទី១ ឆ្នាំ២០១២ គ្រោះថ្នាក់ចរាចរណ៍នៅទូទាំងខេត្តបន្ទាយមានជ័យ កើតមានចំនួន ១១៦លើក ក្នុងនោះស្រុកម៉ាឡៃកើតមាន៣លើក ស្រុកអូរជ្រៅ៣លើក ស្រុកស្វាយចេក ២លើក ស្រុកថ្មពួក ២លើក ស្រុកភ្នំស្រុក ១០លើក ស្រុកព្រះនេត្រព្រះ ១១លើក ស្រុកមង្គលបូរី ២៦លើក ក្រុងប៉ោយប៉ែត ២២លើក និងក្នុងខេត្ត៣៧លើក បណ្តាលឲ្យមនុស្សស្លាប់ចំនួន៥១នាក់ ស្រី១១នាក់ របួសធ្ងន់១៣២នាក់ ស្រីចំនួន៣២នាក់ និងរបួសស្រាលចំនួន៧៧នាក់ស្រី២៦នាក់ ខូចម៉ូតូធ្ងន់ចំនួន៥៣គ្រឿង និងខូចស្រាលចំនួន៥៩គ្រឿង រថយន្តតូចខូចធ្ងន់ចំនួន១៦គ្រឿង និងស្រាល៣៥គ្រឿង ធ្ងន់រថយន្តធំខូចធ្ងន់ ចំនួន៨គ្រឿង និងស្រាល១២គ្រឿងយានផ្សេងៗខូចធ្ងន់ចំនួន៥គ្រឿងខូចស្រាលចំនួន១១ គ្រឿង ។ ក្នុងនោះបើកបរម៉ូតូមិនពាក់មួកសុវត្ថិភាពចំនួន៣០ករណី ករណីបុករួចមានជនគេចខ្លួន២៩នាក់ អ្នកចូលរួមគ្រឿងថ្នាក់ចំនួន ២៦០នាក់ ។

របាយការណ៍បានបង្ហាញទៀតថា បើប្រៀបធៀបទៅនឹង ឆមាសទី១ឆ្នាំ២០១១ គ្រោះថ្នាក់ចរាចរណ៍ប្រចាំឆមាសទី១ កើតមានចំនួន ២០៤លើក ឃើញថាមានការថយចុះ៨៨លើក ស្មើ៤៣% ។ ក្នុងគ្រោះថ្នាក់ប្រភេទធ្ងន់ថយចុះចំនួន៤០លើក ស្មើ៣០% (ឆមាសទី១ ឆ្នាំ២០១១ គ្រោះថ្នាក់ប្រភេទធ្ងន់កើតមានឡើង១៤៦លើក) ។ គ្រោះថ្នាក់ប្រភេទស្រាល ថយចុះចំនួន៤៨លើក ស្មើ៨៣% (ឆមាសទី១ ឆ្នាំ២០១១ កើតមានចំនួន៥៨លើក) ។ ស្លាប់ថយចុះ៣នាក់ ស្មើ៦% (ឆមាសទី១ឆ្នាំ២០១១ស្លាប់៥៤នាក់ ស្រី១០នាក់) របួសធ្ងន់ថយចុះ២០នាក់ ស្មើ១៣% (ឆមាសទី១ ឆ្នាំ២០១១ របួសធ្ងន់១៥២នាក់ ស្រី៤៣នាក់) ។ របួសស្រាល ១០២នាក់ស្មើ៦២% (ឆមាសទី១ឆ្នាំ២០១១ របួសស្រាល១៧៩នាក់ ស្រី៥៤នាក់) ។ ខូចម៉ូតូធ្ងន់ថយចុះ ២៣គ្រឿង និងស្រាលថយចុះ៦៤គ្រឿង ឆមាសទី១ឆ្នាំ២០១១ ខូចធ្ងន់៧៦គ្រឿង និងស្រាល១២៣គ្រឿង ។ រថយន្តធុនតូចខូចធ្ងន់ថយចុះ៧គ្រឿង និងស្រាលថយចុះ២០គ្រឿង(ឆមាសទី១ ឆ្នាំ២០១១ ខូចធ្ងន់២៣គ្រឿង និងស្រាល៥៥គ្រឿង) ។ រថយន្តធុនធំខូចកើនឡើង៤គ្រឿង និងខូចស្រាលថយចុះ៥គ្រឿង(ឆមាសទី១ ឆ្នាំ២០១១ ខូចធ្ងន់៤គ្រឿង និងស្រាល១៧គ្រឿង) ។ យានផ្សេងៗខូចធ្ងន់កើនឡើង៣គ្រឿង និងស្រាលស្មើគ្នា (ឆមាសទី១ ឆ្នាំ២០១១ខូចធ្ងន់៣គ្រឿង និងស្រាល១១គ្រឿង)។

លោកវរសេនីយ៍ទោ ឈៀម សុផុន បានបញ្ជាក់ថា កត្តាដែលបញ្ហាគ្រោះថ្នាក់ចរាចរណ៍ ក្នុងត្រីមាសទី១ឆ្នាំ២០១២នេះ មានការថយចុះ គឺកម្លាំងជំនាញបានធ្វើការអប់រំដល់ប្រជាពលរដ្ឋ និងសិស្សានុសិស្សតាមសាលារៀន រួមទាំងអ្នកបើកបរយានយន្តគ្រប់ប្រភេទឲ្យចេះគោរពច្បាប់ចរាចរណ៍ និងមានការយោគយល់ចេះអាធ្យាស្រ័យគ្នាទៅវិញទៅមក ជាមួយគ្នានោះដែរ រាល់ការធ្វើវេទិការសេរីទាក់ទងនឹងភូមិ ឃុំមានសុវត្ថិភាព នគរបាលមូលដ្ឋានក៏បានបញ្ជៀតឲ្យប្រជាពលរដ្ឋ ក្នុងសហគមន៍នាំគ្នាគោរពច្បាប់ចរាចរណ៍នេះផងដែ រ៕(ដកស្រង់ពី គេហទំព័រអគ្គនគរបាលជាតិ)