មន្ទីរសំរាកព្យាបាលពន្លឺជ័យត្រូវបានប្រជាពលរដ្ឋគាំទ្រយ៉ាងពេញទំហឹង

មន្ទីរសំរាកព្យាបាលពន្លឺជ័យជាមន្ទីរពេទ្យឯកជនមួយដែលមានលិខិត អនុញ្ញាត្តពីក្រសួងសុខាភិបាលពិតប្រាកដ់ស្ថិតនៅផ្ទះលេខ452 ភូមិតាភុលសង្កាត់ស្វាយដង្គំក្រុង-ខេត្តសៀមរាបដែលត្រូវបានគេ ស្គាល់ថាថៅកែឈ្មោះយ៉ាង-ស៊ីអឹន(ហៅកាត់ថា លោកវិជ្ជបណ្ឌិត យ៉ាង)ជាជនជាតិចិនហើយក៏ជាវិជ្ជបណ្ឌិតពិនិត្យព្យាបាលជំងឺនៅ ទីនោះដោយផ្ទាល់ផងដែរ។

លោកវិជ្ជបណ្ឌិតយ៉ាងមានវ័យ៥៥ឆ្នាំជាជនជាតិចិនមានទឹកមុខរុះ រាយរាក់ទាក់ជាគ្រូពេទ្យម្នាក់ប្រកបទៅដោយក្រមសីលធម៌វិជ្ជា ជីវៈដែលជាហេតុធ្វើអោយមានអ្នកជំងឺជាច្រើនតែងតែគោរពកោតសរសើ មិនដាច់ពីមាត់ថាលោកពិតជាមិនដូចគ្រូពេទ្យមួយចំនួនស្គាល់តែ លុយៗនោះទេ។

លោកយ៉ាងបានប្រាប់អ្នកយកព័ត៌មានយើងថាលោកស្រលាញ់អាជីពជា គ្រូពេទ្យតាំងតែពីដឹងក្តីមកម្លេះហើយបានចូលបំរើការងារជា គ្រូពេទ្យនៅប្រទេសរបស់លោកតាំងតែពីឆ្នាំ១៩៧៧លុះនៅកំឡុងឆ្នាំ ២០០២-២០០៣មន្ទីរពេទ្យជីងហ៊ួបើកបំរើការព្យាបាលនៅខេត្តសៀមរាប គេក៏បានអញ្ជើញលោកមកធ្វើជាគ្រូពេទ្យនៅទីនោះ។ លោកយ៉ាងបន្តថា លោកបំរើការអោយមន្ទីរពេទ្យជីងហ៊ួបានប្រហែល២ឆ្នាំលោកក៏ សម្រេចចិត្តឈប់ពីទីនោះហើយបើកមន្ទីរពេទ្យឯកជនខ្លួនឯងមួយដែល មានឈ្មោះដូចខាងលើ។ លោកយ៉ាងបន្ថែមថា នាពេលបច្ចុប្បន្នលោកមានឧត្តមភរិយាជាជនជាតិខ្មែរនិងមានកូន ប្រុសម្នាក់ជាទីស្រលាញ់ ដូច្នេះលោកគ្មានបំណងត្រឡប់ទៅស្រុកចិនវិញទេ គឺលោកស៊ូរួមរស់នៅខេត្តសៀមរាបក្នុងអាជីពជាគ្រូពេទ្យអស់មួយ ជីវិត។

បើយោងតាមសម្តីស្រ្តីជាអ្នកបកប្រែបានអោយដឹងថា លោកយ៉ាងតែងមានចិត្តអាណិតដល់អ្នកក្រីក្ររហូតជួនពេលខ្លះលោក ពិនិត្យពិគ្រោះជំងឺឥតគិតលុយ និងជួនពេលខ្លះផ្តល់ថ្នាំគ្រាប់សំរាប់ជំងឺស្រាលៗដូចជាគ្រុន រាគរូសដល់អ្នកមានជីវភាពក្រខ្សត់ដោយឥតគិតថ្លៃ។ ស្រ្តីរូបនេះបន្ថែមថា ចំណែកឯតំលៃព្យាបាលវិញលោកយ៉ាងយកតំលៃទាបបំផុតបើប្រៀបធៀបទៅ និងមន្ទីរពេទ្យឯកជនផ្សេងទៀតមិនថាអ្នកជំងឺជាអ្នកក្ររឺអ្នក មាននោះទេគឺលោកតែងតែបន្ធូបន្ថយជានិច្ច។

លោកទីជាបុរស់ជនជាតិខ្មែរមានវ័យប្រហែលជាង៣០ឆ្នាំដែល ធ្លាប់ធ្វើជាបុគ្គលិគខាងផ្នែកបកប្រែជាមួយលោកយ៉ាងតាំងតែពី១០ ឆ្នាំមុនរហូតនាពេលបច្ចុប្បន្នបានក្លាយជាថៅកែភាគហ៊ុននៅមន្ទីរ ពេទ្យឯកជនមួយនៅខេត្តកំពុងធំបានបញ្ជាក់ប្រាប់អ្នកយកព័ត៌មាន យើងតាមទូរស័ព្ទថា លោកវិជ្ជបណ្ឌិតយ៉ាងពិតជាគ្រូពេទ្យដែលមានសញ្ញាប័ត្រទទួលស្គាល់ ពីស្រុកចិនពិតប្រាកដមែន។ លោកទីបន្ថែមថា លោកយ៉ាងមានចរិតស្លូតបូត ទៀងត្រង់ ចូលចិត្តរាប់អានមិត្ត ហើយការព្យាបាលអ្នកជំងឺយកចិត្តទុកដាក់ប្រកដប្រជាច្បាស់លាស់ ដែលជាហេតុធ្វើអោយមានអ្នកគាំទ្រទៅលើរូបគាត់ជាហែហូរ៕