កម្មករ រោងចក្រ អារីឃ្វេសិន ដួលសន្លប់ ជាច្រើននាក់បន្តបន្ទាប់

កម្មករោង​ចក្រកាត់​ដេរ យីហោ ​អារីឃ្វេសិន​ នៅ សង្កាត់​ឃ្មួញ ខណ្ឌសែន​សុខ​ មាន​កម្ម​ករ នាក់​ដួលសន្លប់​ជាច្រើន​នាក់ ត្រូវ​បាន ភាគីរោង​ចក្រដឹក​បញ្ជូន​ ទៅសម្រាក​ព្យា​បាល​ជំង​តាមមន្ទីរ​ពេទ្យ​លោក​សង្ឃ និង​មន្ទីរពេទ្យ​មួយ​ចំនួន​ទៀតរ​ជធានីភ្នំពេញ។ លោក សយ ចាន់ធូ មន្រ្តីសហជីពសេរីកម្មករ បានឲ្យដឹងថា ចាប់តាំងពីព្រឹកថ្ងៃទី៣១ ខែសីហា មកដល់ល្ងាចថ្ងៃដដែល មានកម្មករបានដួលសន្លប់ ប្រហែល១០០នាក់ ហើយក៏ត្រូវបានបញ្ជូន ទៅកាន់មន្ទីរពេទ្យ ដើម្បីធ្វើការព្យាបាល ក្នុងនោះមន្ទីរពេទ្យលោកសង្ឃមានកម្មករ ចំនួន២០នាក់ ត្រូវបានព្យាបាលជំងឺផងដែរ ហើយមានអ្នក ផ្សេងទៀតបញ្ជូន ទៅសម្រាកនៅឯមន្ទីរពេទ្យដទៃទៀត។ លោកបន្តថា បើតាមការអះអាងពីក្រុមកម្មករ មូលហេតុនាំ ឲ្យមានការដួលសន្លប់ ជាបន្តបន្ទាប់ ដោយសារតែនៅថ្ងៃទី៣១ ជាថ្ងៃសែនក្បាលទឹក ប៉ុន្តែនៅក្នុងរោង ចក្រនេះ គេមិនបានធ្វើពិធីសែនព្រេនអ្វីឡើយ។ ប៉ុន្តែបើតាម មន្រ្តីអាជ្ញាធរមូលដ្ឋាន បានឲ្យដឹងថា កម្មករដែលដួលសន្លប់ អាចបណ្តាលមកពីខ្យល់ចេញ ចូលមិនគ្រប់គ្រាន់ ។