ប្រធានស្តីទីបណ្តាញសហគមន៍សុខដុមរមនារងការចោទថា ដកលុយចាយស្ងាត់ៗ គ្មានការឯកភាព

បណ្តាញសហគមន៍សុខដុមរមនា(បសដរ)ដែលជា សហគមន៍កាត់មន្ថយភាពក្រីក្រក្រុងដែលហៅកាត់ថា CDFបានលេចធ្លាយរឿងអាស្រូវថា ប្រធានស្តីទីនៃសហគមន៍នេះ បានឃុបឃិតគ្នាដកលុយសហគមន៍យកទៅចំណាយដោយស្ងាត់ៗមិនឆ្លងកាត់ ការប្រជុំឯកភាព នឹងមិនបានឆ្លងកាត់ពីប្រធានគណនេយ្យត្រឹមត្រូវនោះទេ។

សហគមន៍សុខដុមរមនា (Community Development Fund) គឺជាសហគមមួយដែលបានបង្កើតឡើងកាលពីថ្ងៃទី០១ ខែ០៦ ឆ្នាំ២០០៤ ហើយសហគមន៍នេះមាននាទីផ្តល់ប្រាក់កំចីដល់សមាជិកក្រីក្រនៅក្នុង សហគមន៍ នឹងធ្វើលូ ផ្លូវថ្នល់ ដែលជា គំរោង AF ក្រោមការផ្តល់ឥណទានរបស់មូលនិធិពី អ.ម.ក.ក-UPDF រាជធានីភ្នំពេញ ដែលជាជំនួយឥតសំណង។

បើតាមការលួចបង្ហើបពីក្រុមសមាជិកនៅក្នុងសហគមនេះបានអោយដឹង ថា នៅពេលប្រធានសហគមបានសុំច្បាប់ទៅស្រុកក្រៅមួយរយះ ប្រធានបានតែងតាំងលោក ពេជ្រ-គន្ធា ជាអនុប្រធានអោយឡើងជាប្រធានស្តីទីជំនួសនៅក្នុងសហគមខាងលើ។ ប្រភពបានបន្តថា កាលពីថ្ងៃទី១៤ខែសីហាឆ្នាំ២០១២UPDF បានវេលុយចូល CDF ចំនួន១០លានរៀល នឹងថ្ងៃទី២៤ ខែឆ្នាំដដែល UPDF បានវេលុយចូលកុង CDF ចំនួន៤លានរៀល បន្ថែមដែលនេះជាថវិការចុងក្រោយនៃគំរោងឧបត្ថមរបស់UPDFមកលើCDF។ ប្រភពបានបន្តទៀតថា លោកពេជ្រ-គន្ធាប្រធានស្តីទី និងប្រពន្ធឈ្មោះ សយ-តុលា មាននាទីជាប្រធានរដ្ឋបាលបានត្រូវរូវគ្នាចុះហត្ថលេខាដកប្រាក់ ពីកុងធនាគារស្ងាត់ៗ ដោយមិនបានឆ្លងកាត់ការប្រជុំ នឹងមិនបានឆ្លងកាត់ការព្រព្រៀងពីប្រធានគណនេយ្យនោះទេ ទាល់តែចំណាយលុយអស់ទើបកាន់វិក័យប័ត្រមកប្រគល់អោយខាគណនេយ្យចុះ បញ្ជី។ ប្រភពបន្ថែមថា លោកប្រធានស្តីទី និងលោកស្រីប្រធានរដ្ឋបាលធ្វើខុសគោលការណ៍ ដកលុយយកទៅចំណាយគ្មានគោលដៅច្បាស់លាស់ ហើយមិនឆ្លងកាត់ប្រធានគណនេយ្យបែបនេះ វាអាចមានការចន្លោះប្រហោងណាមួយដោយចេតនា ហើយគេសង្ស័យថាមានការកឹបកេងថវិការរបស់សហគមន៍ក៏អាចថាបាន ព្រោះនៅពេលប្រធានគណនេយ្យ និងសមាជិកសាកសួរលោកលោកស្រីខាងលើ យកលុយទៅធ្វើនេះធ្វើនោះមិនច្បាស់លាស់ទាល់តែសោះ ហើយថែមទាំងគំរាមអ្នកក្នុងសហគមន៍ថា បើអ្នកណាហ៊ានយករឿងខាងលើទៅនិយាយផ្តេសផ្តាសលោកប្រធានស្តីទី នឹងធ្វើការកោះប្រជុំដកក្បាលចោលជាមិនខាន។

កម្ពុជាសុវណ្ណភូមិ មិនទាន់អាចសុំការបំភ្លឺពីលោក ពេជ្រ-គន្ធា ប្រធានស្តីទី និងលោកស្រី សយ-តុលា ជាភរិយា មានទួនាទីជាប្រធានរដ្ឋបាលបានទេ តែអ្នកយកព័ត៌មានយើងនឹងព្យាយាមសុំការបំភ្លឺជុំវិញការចោទប្រ កាន់ខាងលើនេះ។

លោកស្រី ស្តើង-វណ្ណវីនីយុត្តិ ប្រធាន UPDF រាជធានីភ្នំពេញបានមានប្រសាសន៍នៅព្រឹកថ្ងៃទី១០ ខែកញ្ញានេះថា លោកស្រីធ្លាប់បានតាមដានពីសកម្មភាពចំណាយរបស់ CDF ខេត្តសៀមរាបដែរកន្លងទៅ ហើយរាល់ការចំណាយរបស់សហគមន៍នេះ ត្រូវតែមានគំរោងច្បាស់លាស់ទើបខាង UPDF ឯកភាពបើធ្វើខុសគោលការណ៍ខាងលោកស្រីនឹងអោយសង់ប្រាប់ជំនួយនោះទៅ វិញ។ លោកស្រីបន្ថែមថា នឹងចុះត្រួតពិនិត្យជាបន្តទៅទៀតចំពោះរាល់ការចំណាយចុងក្រោយ នេះ។

យើងក៏ពុំទាន់អាចសុំការបំភ្លឺពីលោកស្រី តាន់-គន្ធា ប្រធានគណនេយ្យ CDF បានដែរព្រោះនៅព្រឹកនេះលោកស្រីកំពុងជាប់សិក្ខាសាលានៅឯរាជធានីភ្នំ ពេញ៕