ពិធីប្រកាសតែងតាំងមុខតំណែង និងផ្ទេរភារកិច្ចមន្ត្រីនគរបាលជាតិជាច្រើនរូប បានធ្វើឡើង នៅស្នងការដ្ឋាននគរបាលរាជធានីភ្នំពេញ នារសៀលថ្ងៃទី៣ តុលា ឆ្នាំ២០១២ ខណៈស្នងការនគរបាលខេត្តស្វាយរៀង ត្រូវបានឲ្យដឹងថា នឹងប្រពឹត្តទៅនៅថ្ងៃទី៥ ខែតុលា ឆ្នាំ២០១២ នៅស្នងការដ្ឋាននគរបាល ខេត្តស្វាយរៀង នេះបើតាមដំណឹង ដែលផ្សព្វផ្សាយដោយប៉ូលិស។
វេបសាយប៉ូលិស បានឲ្យដឹងនៅរសៀលថ្ងៃទី៣ ខែតុលា ឆ្នាំ២០១២ ថា បើតាមព្រះរាជក្រឹត្យ លេខ នស/រកត/១០១២/៨៨៧ ចុះថ្ងៃទី១ ខែតុលា ឆ្នាំ២០១២ ដែលឡាយព្រះហស្ថលេខាដោយ ព្រះមហាក្សត្រនៃព្រះរាជាណាចក្រកម្ពុជា នរោត្តម សីហមុនី និងអនុក្រឹត្យ ស្តីពី ការផ្ទេរភារកិច្ច និងតែងតាំងមុខតំណែង នាយនគរបាលជាតិ លេខ១២០៨ អនក្រ តត ចុះថ្ងៃទី២៨ ខែកញ្ញា ឆ្នាំ២០១២ ដែលចុះហត្ថលេខា ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ឲ្យដឹងថា នាយនគរបាលជាតិជាន់ខ្ពស់នៃក្រសួងមហាផ្ទៃ ដែលត្រូវតែងតាំងមុខតំណែង ផ្ទេរភារកិច្ច និងតម្លើងឋានន្តរស័ក្តិមាន លោកឧត្តមសេនីយ៍ឯក ជឹម សារឿន ពីប្រធាននាយកដ្ឋានអង្គរក្ស ទៅជាប្រធាននាយកដ្ឋាននគរបាលការពារ លោកឧត្តមសេនីយ៍ទោ ជា សារ៉េត ពីប្រធាននាយកដ្ឋាននគរបាលការពារ ទៅជាអនុប្រធាននាយកដ្ឋានកណ្តាលសណ្តាប់ធ្នាប់សាធារណៈ។
លោកឧត្តមសេនីយ៍ត្រី ទូច ណារ៉ុថ ពីស្នងការនគរបាលរាជធានីភ្នំពេញ ទៅជាប្រធាននាយកដ្ឋានអង្គរក្ស និងតម្លើងឋានន្តរស័ក្តិជាឧត្តមសេនីយ៍ទោ លោកឧត្តមសេនីយ៍ត្រី ប្រាជ្ញ រឹម ពីស្នងការនគរបាលខេត្តស្វាយរៀង ទៅជាអនុប្រធាននាយកដ្ឋានកណ្តាលនគរបាលព្រំដែន និងតម្លើងឋានន្តរស័ក្តិជាឧត្តមសេនីយ៍ទោ លោកឧត្តមសេនីយ៍ត្រី សុខ ខេមរិន ពីអនុប្រធាននាយកដ្ឋាននគរបាលព្រហ្មទណ្ឌ ទៅជាប្រធានអង្គភាពតម្រួតបទបញ្ជា និងតម្លើងឋានន្តរស័ក្តិជាឧត្តមសេនីយ៍ទោ លោកឧត្តមសេនីយ៍ត្រី ប៉ុល ភិធេយ្យ ស្នងការរងនៃស្នងការដ្ឋាននគរបាលរាជធានីភ្នំពេញ ទៅជាប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន និងតម្លើងឋានន្តរស័ក្តិជាឧត្តមសេនីយ៍ទោ។
ចំពោះតំណែងស្នងការនគរបាលរាជធានីភ្នំពេញ ត្រូវជំនួសដោយលោកឧត្តមសេនីយ៍ឯក ជួន សុវណ្ណ អគ្គស្នងការរង នៃអគ្គស្នងការដ្ឋាននគរបាលជាតិ នេះបើតាមប្រកាសស្តីពីការប្រគល់ភារកិច្ចជូននាយនគរបាលជាតិលេខ៤២៩៨ ប្រក ចុះថ្ងៃទី២៨ ខែកញ្ញា ឆ្នាំ២០១២ ចុះហត្ថលេខាដោយលោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
មន្ត្រីនគរបាលជាតិ២រូបទៀតត្រូវបានតែងតាំងមុខតំណែងដោយអនុក្រឹត្យ និងប្រកាស មានលោកវរសេនីយ៍ឯក យឹម សំណាង ត្រូវបានតែងតាំងមុខតំណែងជាប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល នៃអគ្គស្នងការដ្ឋាននគរបាលជាតិ ក្រសួងមហាផ្ទៃ ដែលត្រូវតែងតាំងដោយអនុក្រឹត្យ លេខ១១៦៣ អនក្រ តត និងតែងតាំងលោកវរសេនីយ៍ទោ ជួន ណារិន នាយការិយាល័យព្រហ្មទណ្ឌកំរិតធ្ងន់ ទៅជាស្នងការរងនិងជាប្រធានការិយាល័យកណ្តាលនគរបាលព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ ដែលការតែងតាំងនេះនឹងធ្វើឡើងតាម ប្រកាសលេខ៤៣០០ប្រក ចុះថ្ងៃទី២៨ ខែកញ្ញា ឆ្នាំ២០១២។
ចំពោះនាយនគរបាលជាតិជាន់ខ្ពស់ថ្នាក់ឧត្តមសេនីយ៍៣រូប នៃក្រសួងមហាផ្ទៃ ដែលត្រូវដាក់ឲ្យចូលនិវត្តន៍ មានលោក ឧត្តមសេនីយ៍ឯក គន្ធ សំអឿន លោក ឧត្តមសេនីយ៍ឯក ប៊ិត គឹមហុង លោក ឧត្តមសេនីយ៍ទោ គឹម សាម៉ន។ ការដាក់ឲ្យចូលនិវត្តន៍នេះ គឺតាមរយៈព្រះរាជក្រឹត្យលេខ នស/រកត/១០១២/៨៩៤ ចុះថ្ងៃទី១ ខែតុលា ឆ្នាំ២០១២៕
.jpg)
.jpg)
.jpg)
.png)
.jpg)
.jpg)
សហភាពអឺរ៉ុប (EU) បានព្រមានជាបន្តទៀត សម្រាប់បន្លែរបស់វៀតណាមដែលនាំចូលទៅក្នុងតំបន់របស់ខ្លួនដោយសារតែ EU រកឃើញថាមានបាក់តេរីដែលបង្កគ្រោះថ្នាក់ដល់សុខភាពអ្នកប្រើប្រាស់នៅក្នុងបន្លែទាំ...Read more
អស់រយៈពេលជាយូរឆ្នាំណាស់មកហើយជំងឺអសកម្ម និងភាពកំសោយរបស់អាជ្ញាធរខេត្តសៀមរាប និងរដ្ឋបាលជលផល ដែលជាមន្រ្តីជំនាញ នៅតែកើតមានឡើងតាំងពីអាណត្តិរបស់លោក ស៊ូ-ភិរិន រហូតមកដល់លោក ឃឹ...Read more
យោងតាមប្រភពពីប្រជាពលរដ្ឋអ្នករកស៊ីដឹកដំណាំកសិផលយកទៅលក់នៅទឹកដីថៃ បានត្អូញត្អែរទាំងទឹកភ្នែកថា មានមត្ថកិច្ចប្រចាំនៅច្រកទ្វារអន្តរជាតិព្រំ ចំណុះខេត្តប៉ៃលិន៣ទៅ៤ស្ថាប័ន បាន...Read more
បែកធ្លាយរឿងអាស្រូវស្អុយបញ្ច្រាស់ខ្សល់មួយ ពីមន្ត្រីសាលាខេត្តថា អង្គភាពប្រឆាំងអំពើពុករលួយដែលមានលោក ឱម យិនទៀង ជាប្រធាន បានចេញលិខិតព្រមានប្រធានសាខាពន្ធដារនៅខេត្តបន្ទាយមានជ័យជាលើកទី២ ឲ្យបញ្ឈប់កា...Read more
លោក មង្គលទីណា តារាចម្រៀងផលិតកម្មថោនបាន បើករថយន្តស៊េរីទំនើបជ្រុលបុករនាំងដែកពុះចែកទ្រូវបាក់អស់១០ផ្ទាំង ដែលស្ថិតតាមបណ្តោយផ្លូវសហព័ន្ធរុស្ស៊ី ទល់មុខព្រលានយន្តហោះពោធិ៍ចិនតុង ស្ថិតក្ន...Read more
មន្ត្រីអាវុធហត្ថខេត្តបានឲ្យដឹងថា ម្ចាស់ផ្ទះសំណាក់យីហោ (ធួក ប៊ុនថុន) និងមនុស្សប្រុសស្រីចំនួន១៧នាក់ទៀត ត្រូវបានសមត្ថកិច្ចបញ្ជូនទៅតុលាការ នៅថ្ងៃទី១០ ខែឧសភា ឆ្នាំ២០១៥នេះ បន្ទាប់ពីរធ្វើកា...Read more
សត្វតិរិច្ឆាន គឺជាសត្វមួយប្រភេទ ដែលមិនស្គាល់បុណ្យបាប មិនស្គាល់ពូជពង្សវង្សសាវតារបស់ខ្លួន មិនមានឧត្តមគិតិ មិនមានចំណេះដឹង ស៊ីតែអាហារដែលជាកាកសំណល់ពីគេ រកស៊ីចិញ្ចឹមជីវិតតែមួយក្រពេះ មិន...Read more
យោងតាមបណ្តាញសង្គម (Face book) បានបង្ហោះតៗគ្នាថា អង្ករដែឡបានផលិតចេញពីប្លាស្ទិក (Plastic Rice) ពេលនេះកំពុងតែចរាចរណ៍នៅទីផ្សាអាស៊ីយើងនេះ ដូចជាមាននៅក្នុងប្រទេស ចិន និងកំពុងបោះជំហានចូលមកកា...Read more
ប្រជាពលរដ្ឋ មន្ត្រីគយ និងឈ្មួញធំតូច មួយចំនួនបានរអ៊ួរទាំថា ចរិកគយគឺដូចៗតែគ្នាហ្នឹងឯង ! គឺគេប្រើស្ទីលគោះថ្លៃបាយ ក្នុងការចចារស្គាល់គ្នាជាដំបូង តំលៃថ្លៃបាយទឹកគឺខ្ពស់...Read more
នគរបាលការិយាល័យអន្តោរប្រវេសន៍នៃស្នងការខេត្តសៀមរាបបានធ្វើការហៅសង្សជនជាតិយួន១អង្គរ មកធ្វើកិច្ចបញ្ឈប់លែងអោយដើរបិណ្ឌបាតបន្តទៅទៀតនេះបើយោងតាមការអោយដឹងពីសមត្ថកិច្ច។
មន្ត្រីនគរបាល ការិយាល...Read more
| ថ្ងៃនេះ | 398 | នាក់ |
| ម្សិលមិញ | 1919 | នាក់ |
| សប្ដាហ៍នេះ | 6388 | នាក់ |
| ខែនេះ | 76100 | នាក់ |
| ឆ្នាំនេះ | 473108 | នាក់ |
| សរុប | 57824504 | នាក់ |
| ថ្ងៃទី 23 ខែ 07 ឆ្នាំ 2026 ម៉ោង 05:01 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net