ពិ​ធី​ប្រកាស​​ផ្ទេរ​ភារ​កិច្ច​និង​​តែង​​តាំង​​មុខ​តំណែង​​មន្ត្រី​នគរ​បាល​​នៃ​​ស្នង​ការ​ដ្ឋាន​​​នគរ​ប

ពិធី​ប្រកាស​ផ្ទេរ​ភារកិច្ច និង​តែង​តាំង​មុខ​តំណែង​ស្នងការ​និង​ស្នងការ​រង នៃ​ស្នងការ​ដ្ឋាន​នគរ​បាល​រាជធានី​ភ្នំពេញ ធ្វើឡើង​នៅ​ថ្ងៃ​ទី៣ ខែ​តុលា ឆ្នាំ​២០១២ វេលា​ម៉ោង៣​​និង​៣០នាទី​រសៀល ក្រោម​អធិបតីភាព ឯកឧត្តម នាយ​ឧត្តម​សេនីយ៍ នេត សាវឿន អគ្គស្នងការ​នគរបាល​ជាតិ និង​ជាទី​ប្រឹក្សា​ផ្ទាល់ សម្តេច​អគ្គមហា​សេនា​បតី​តេជោ ហ៊ុន សែន នាយក​រដ្ឋមន្រ្តី នៃ​ព្រះរា​ជាណាចក្រ​កម្ពុជា ឯកឧត្តម កែប ជុតិមា អភិបាល​រាជធានី​ភ្នំពេញ និងមាន​ការ​អញ្ចើញ​ចូលរួម​ជាគណៈ​អធិបតី​ពី​ឯកឧត្តម ដែល​ជាថ្នាក់​ដឹកនាំ នៃ​អគ្គស្នងការ​ដ្ឋាន​នគរបាល​ជាតិ និង​ក្រសួង​មហាផ្ទៃ ឯកឧត្តម​ប្រធាន​សាលា​ដំបូង​រាជធានី​ភ្នំពេញ ឯកឧត្តម​ព្រះរាជ​អាជ្ញា​សាលា​ដំបូង មេបញ្ជាការ​កង​រាជអាវុធ​ហត្ថ​រាជធានី​ភ្នំពេញ និង​មេបញ្ជាការ​ភូមិភាគ​ពិសេស​។

ប្រភព​ពីពិធី​ខាងលើ​តាមរយះ ​ព្រះរាជ​ក្រឹត្យ និង​អនុក្រឹត្យ​ស្តី និងប្រកាសក្នុងឧិកាសនោះ បាន​បញ្ជាក់​ឲ្យដឹង​ថា នាយ​នគរបាល​ជាតិ​ជាន់ខ្ពស់​នៃ​ក្រសួង​មហាផ្ទៃ ដែលត្រូវតែង​តាំង​មុខ​តំណែង ផ្ទេរភារ​កិច្ច និង​តម្លើង​ឋានន្តរស័ក្តិ​ក្នុងឧិកាសនោះមានការ​ប្រគល់​ភារកិច្ច​ជូន​ឯក​ឧត្តម ឧត្តមសេនីយ៍ឯក ជួន សុវណ្ណ​ អគ្គស្នងការ​រង នគរបាល​ជាតិ ជាស្នងការ​នៃ​ស្នងការ​ដ្ឋាន នគរបាល​រាជ៊ធានី​ភ្នំពេញ លោក​ឧត្តម​សេនីយ៍ត្រី ទូច ណារ៉ុថ ពីស្នងការ​នគរបាល រាជធានី​ភ្នំពេញ ទៅ​ជា​ប្រធាន​នាយក​ដ្ឋាន​អង្គរក្ស និង​ត្រូវ​តម្លើង​ឋានន្តរ​ស័ក្តិ​ជាឧត្តម​សេនីយ៍​ទោ  លោក​ឧត្តម​សេនីយ៍ត្រី ប៉ុល ភិធេយ្យ ស្នងការ​រង​នៃ​ស្នងការ​ដ្ឋាន​នគរបាលរាជ​ធានី​ភ្នំពេញ ទៅជា​ប្រធាន​នាយកដ្ឋាន​ប្រឆាំង​ការជួញ​ដូរមនុស្ស និង​ការពារ​អនីតិជន និង​តម្លើង​ឋានន្តរស័ក្តិ​ជាឧត្តម​សេនីយ៍ទោ ។

មន្ត្រី​នគរបាលជាតិ​៣​រូប​ទៀត​ត្រូវបាន​តែងតាំង​មុខតំណែង​ដោយ​អនុក្រឹត្យ និង​ប្រកាស មាន​លោកវរសេនីយ៍ឯក យឹម សំណាង ត្រូវ​បានតែង​តាំង​មុខ​តំណែង​ជាប្រធាន​នាយក​ដ្ឋាន​កិច្ចការ​ប៉ុស្តិ៍ន​ គរបាលរដ្ឋបាល នៃអគ្គស្នង​ការដ្ឋាន​នគរបាល​ជាតិ ក្រសួង​មហាផ្ទៃ ដែល​ត្រូវតែង​តាំង​ដោយ​អនុក្រឹត្យ លេខ១១៦៣ អនក្រ​ តត និងតែង​តាំង​លោក​វរសេនីយ៍ទោ ជួន ណារិននាយការិយា​ល័យ​ព្រហ្មទណ្ឌ​កំរិតធ្ងន់ ទៅជាស្នង​ការរង​និង​ជាប្រធាន​ការិយាល័យ​កណ្តាល​នគរបាល​ព្រហ្មទណ្ឌ នៃស្នង​ការដ្ឋាននគរបាល​រាជ​ធានី​ភ្នំពេញ ដែល​ការតែង​តាំង​នេះ​នឹង​ធ្វើឡើង​តាម ប្រកាស​លេខ​៤៣០០ប្រក ចុះ​ថ្ងៃទី២៨ ខែកញ្ញា ឆ្នាំ២០១២។ តាម​ប្រភព​ខាងលើ​បន្តទៀត​ថា លោក​វរសេនីយ៍ទោ​ បេង ដាណារ៉ា នាយការិយាល័យ ​ផែនការ​គណនេយ្យ ទៅជា​ស្នងការ​រង និង​ជាប្រធាន​ការិយាល័យ​កណ្តាល​ភស្តុភារ និង​ហិរញ្ញវត្ថុ នៃ​ស្នងការដ្ឋាន​នគរបាល​រាជធានី​ភ្នំពេញ ដែលការ​តែងតាំង​នេះធ្វើ​ឡើង​តាម​រយះប្រកាស​៕