ឧត្តម​សេនីយ៏យោធា ​​​ដែល​ពាក់ព័ន្ធ​គ្រឿងញៀន ​​ត្រូវ​បាន​​ដោះលែង​

ឧត្តមសេនីយ៏​​យោធា​នៃ​កង​ពលតូច​ង​៧០​​ដែល​ត្រូវ​បាន​​ចាប់​ខ្លួន​​​កាល​ពី​ថ្ងៃ​ទី​​៧​ខែ​តុលា​ក្រោម​បទ​សង្ស័យ​​ថា ​ពាក់ព័ន្ធ​គ្រឿងញៀន​​និង​អំពើ​​រត់ពន្ធខុស​​ច្បាប់ ​ត្រូវ​​បាន​​តុលាការ​សម្រេច​​ដោះលែង​ឲ្យ​មាន​សេរីភាព​​វិញ​​ហើយ​​កាល​ពី​រសៀល​ថ្ងៃ​ចន្ទ​ម្សិលមិញ​ តែ​អង្គ​រក្ស​​របស់​គេ​​៥​នាក់​​ត្រូវ​​បាន​​បន្ត​ឃុំ​​ខ្លួន​ពី​បទជេរ​ប្រមាថ​​និង​រារាំងការអនុវត្តន៏ច្បាប់​​ ។

ឧត្តមសេនីយ៏ទោ​ ហាក់ ម៉ៅ ត្រូវ​បាន​​ដោះលែង​​ឲ្យ​មាន​សេរីភាព​​វិញ​​បន្ទាប់​ពី​មាន​ការ​​សាកសួររយៈពេលខ្លី​ដោយ​តុលាការ​ក្រុង​ភ្នំពេញ​ ​ពាក់ព័ន្ធ​សំណុំ​​រឿង​គ្រឿងញៀន ប៉ុន្តែ​ក្រុម​អង្គរក្ស​របស់​គាត់​​ដែល​​ក្នុង​នោះ​​មាន​​ថ្នាក់​វរៈសេនីយ៏​ទោ​ម្នាក់​ឈ្មោះ កែវ តុង ផង​ពុំ​​មាន​​វាសនា​​ដូច្នេះ​ឡើយ ។​ពួក​គេ​ត្រូវ​​បាន​បញ្ជូន​ទៅ​​កាន់​ពន្ធនាគារ​ព្រៃស​វិញ​ ក្រោម​​បទ​​​ថា បាន​​​ប្រមាថ​​​និង​​ចាត់​​វិធានការ​​​រារាំង​​​​ការ​អនុវត្ត​​​​​ន៍​ច្បាប់​​​ទាក់​ទង​​ការ​​​ចាក់សោរ​ទ្វារ​របង ​ពេល​សមត្ថកិច្ច​​​ចុះ​​ឆែក​​ឆេរ​ទីតាំង​ ក្របួច.ក​អាវក្រឡាបញ្ជី និង ជេរ​ប្រមាថ​នគរបាល ។​

នេះ​ជា​លើក​ទីពីរ​​ហើយក្នុងឆ្នាំនេះ​​​ដែល​ស្ថាបន​តុលាការ ​បាន​​សម្រេច​ធ្វើ​ការ​ដោះលែង​​មន្ត្រី​យោធា​ថ្នាក់​ឧត្តម​សេនីយ៏​​មក​ពី​កង​ពល​តូច ង ៧០ ដែល​ជា​ក្រុម​អង្គរក្ស​​របស់​​លោក​​នាយករដ្ឋមន្ត្រី ​ហ៊ុន សែន ខណៈ​កាល​ពី​​ខែ ឧសភា កន្លងទៅ​​ឧត្ដម​សេនីយ៏ទោ​ឈ្មោះ​ ប៊ុន សុខា ដែល​ប្រើ​អំពើ​ហិង្សា​​យ៉ាង​ឃោរឃៅ​ទៅ​​លើ​​មនុស្ស​​៤​នាក់ ​ឯសណ្ឋាគារ​មួយ​​ក្នុង​ខេត្ត កោះកុង ត្រូវ​​បាន​​ដោះ​លែង​​នោះ ៕