រថយន្តដឹក ស្រាបៀរ ANCHOR បើកបុករបាំងថ្ម

របាំងថ្មចែកទ្រូងផ្លូវ ចំនួនបីកំណាត់ ត្រូវបែកបាក់ខ្ទេចខ្ទី ពេញផ្លូវក្នុងខណៈដែល បុរសម្នាក់ ស្រវឹង ស្រាហើយបើករថយន្ត ដឹកស្រាបៀរ ANCHOR បុកពេញទំហឹង កាលពីវេលាម៉ោង ២១ និង៣០នាទី យប់ថ្ងៃទី ២៧ ខែតុលា ឆ្នាំ ២០១២ នៅចំណុចមុខរោងចក្រ អ៊ីខាង តាមបណ្តោយផ្លូវវេងស្រេង ក្នុងសង្កាត់ស្ទឹងមានជ័យ ខណ្ឌមានជ័យ។

មុនពេលកើតហេតុគេ សង្កេតឃើញ រថយន្តបង្កហេតុ ជាប្រភេទរថយន្តតួរីស របស់ក្រុមហ៊ុន ស្រាបៀ ANCHOR ដែលបើកបរ ដោយបុរសម្នាក់ ស្ថិតក្នុង ស្ថានភាពស្រវឹងស្រាធ្លាក់ភ្នែក បានបើករថយន្តនេះក្នុងល្បឿនយ៉ាងលឿន ពេលមកដល់កន្លែង កើតហេតុ ក៏បានរេចង្កូតទៅបុករះរបាំងថ្មចែកទ្រូងបណ្តាលឲ្យបាក់បែកខ្ទាតខ្ទេចខ្ទី៕