លោករស់សេរី និងលោកស្រីឃ្លាំងយួនរងការចោទថា មិនអោយនិស្សិតវាស់ដីអោយពលរដ្ឋ

ប្រជាពលរដ្ឋរស់នៅភូមិអូអញ្ជា ឃុំតាសាល ស្រុក ឪរ៉ាល់ កំពុងតែសុំអំពាវនាវសុំអន្តរាគមពី​សម្តេចតេជោ ហ៊ុន សែន ឲ្យក្រុមនិស្សិតវាស់វែងដីជូនពួកគាត់ ខណៈពេលដែលក្រុមនិស្សិតមិនហ៊ាន​វាស់វែងដោយសារតែមានការរារាំងពី លោក រស់-សេរី ជាមេការក្រុមហ៊ុនសាងសងទំនប់ទឹកតាសាល​និងអ្នកស្រី ឃ្លាំង-យួង ជាអភិបាលរងស្រុក​ឪរ៉ា់ល់។

ទាក់ទងនិងបញ្ហាដីធ្លីនេះ លោក ច័ន្ទ-ភ័ណ្ឌ តំណាងឲ្យពលរដ្ឋទាំង៣៨គ្រួសារបាន មាន ប្រសាស៏ថា​ដី​ដែលមានទំហំសរុបជាង២០០ហិកតា គឺពលរដ្ឋរស់នៅនិង អាស្រ័យផលតាំង ពីឆ្នាំ ២០០០និង២០០៤​មកម្លេះដោយមានលិខិតស្នាមត្រឹមត្រូវចេញពីអាជ្ញាធភូមិ ឃុំ ប៉ុន្តែបច្ចុប្បន្នត្រូវ អ្នកស្រី ឃ្លាំង-យួង និង​លោក ​រស់-សេរី បានមករារាំងមិនឲ្យក្រុមនិស្សិតធ្វើការវាស់វែង​ ថែមទាំង យក គ្រឿង​ចក្រមក​ឈូស​ឆាយ​ដំណាំ និង ផ្ទះសម្បែងរបស់ពួកគាត់ ដោយចោទថា ពួកគាត់ រស់នៅលើ តំបន់បាតអាង ដែល​ក្រុមហ៊ុន​កំពុងសាងសង់​ហើយលោករស់​សេរីនេះថែមទាំងគំរាមកំហែងពួកគាត់ និងយកកម្លាំង​ប្រដាប់​អាវុធមកដាក់កុងត្រូលបិទផ្លូវធ្វើឲ្យពួកគាត់ពិបាក់ក្នុងការចេញចូលក្នុងភូមិ។​

លោករស់សេរី បានប្រាប់អ្នកយកព័ត៌មានយើងតាមទូរស័ព្ទថា លោកមិនបានធ្វើដូចការចោទ​ប្រកាន់​នោះទេ ដោយលោកចោទពលរដ្ឋថាបានមករស់នៅលើដីដែលរដ្ឋផ្តល់សម្បទានឲ្យក្រុមហ៊ុន​ធ្វើការ​អភិវឌ្ឍន៏ ហើយកន្លងមកក្រុមហ៊ុនធ្វើការឈូសឆាយនោះគឺកាយប្រឡាយជាប់និងចញ្ជើម​ផ្លូវដើម្បី​ការពារផ្លូវតែប៉ុណ្ណោះ។ សម្រាប់ការដាក់កម្លាំងប្រដាប់អាវុធយាមកាមនោះគឺដើម្បី​សុវត្ថិភាព​ទ្រព្យ​សម្បត្តិ​ក្រុមហ៊ុន ហើយលោកក៏មិនបានរារាំងក្រុមនិស្សិតវាស់វែងដីនោះ​ដែរ។លោកបានបញ្ជាក់​ផង​ដែរថាពលរដ្ឋមករស់នៅក្រោយពេលដែលក្រុមហ៊ុនសាងសង់ថ្នល់រួចរាល់នៅឆ្នាំ២០១១ សម្រាប់​លិ​ខិត​ស្នាម​ទទួលស្គាល់ដីរបស់អាជ្ញាធភូមិ ឃុំ ក៏លោកមិនបានដឹង។

លោកស្រី ឃ្លាំង​ យួង អភិបាលរងស្រុកឪរ៉ាល់បានមានប្រសាសន៏ថាបញ្ហាដែលកើតឡើងនោះគឺអ្នក​ស្រីទទួលបញ្ជាពីថ្នាក់លើ ដោយឡែកកាលពីល្ងាចថ្ងៃ១០ខែវិច្ឆិកា ឆ្នាំ២០១២​ អ្នកស្រីទទួលបញ្ជាថ្នាក់​លើសម្រេចឲ្យនិស្សិតចុះវាស់វៃងដីនៅពេលខាងមុខក្រោយពីបញ្ចប់បេសកម្មទទួលសម្តេចតេជោ​ហ៊ុន​សែន​ មកចែកប័ណ្ណកម្មសិទ្ធិដីនៅថ្ងៃទី១៤ ខែវិច្ឆិកា​ ឆ្នំា២០១២។លោកស្រីបញ្ជាក់បន្ថែមផងដែរថា​ការ​វាស់វែងដីនោះគឺធ្វើឡើងទៅតាមច្បាប់ភូមិបាលដោយមិនវាស់ចែកឲ្យតាមតែចិត្តចង់បានរបស់ពលរដ្ឋ​នៅចំនួនដីរបស់ខ្លួននោះទេ។

គួបញ្ជាក់ផងដែរថាពលរដ្ឋទាំង៣៨គ្រួសារខាងលើបានរងការចោទប្រកាន់ពីអាជ្ញាធ និង មន្រ្តីជំនាញ​ថារស់​​នៅលើដីក្រុមហ៊ុន និងមន្ត្រីទាំងនោះបានបដិសេដ្ឋមិនឲ្យក្រុមយុវវជនស្ម័គ្រចិត្តសម្តេចតេជោធ្វើ​ការ​វាស់​វែង​រហូត​ក្រុម​ពលរដ្ឋបានត្រៀមញ្ញាត្តិ ដើម្បីជូនសម្តេច នៅថ្ងៃដែលសម្តេចតេជោ​ទៅចែក​ប័ណ្ណ​កម្មសិទ្ធិដីដល់​ពលរដ្ឋ​​ផ្សេង​ទៀត​នៅ​ថ្ងៃទី​១៤ ខែ​វិច្ឆិការ ឆ្នាំ២០១២ ខាងមុខនេះ ទើបលោកស្រី​ឃ្លាំង យួងដែលរង​ការចោទប្រកាន់នោះទៅប្រាបនិងសន្យាជាមួយក្រុមពលរដ្ឋថាលោកស្រី​និងរៀប​ចំឲ្យក្រុមនិស្សិតចុះមកវាស់វែងឲ្យ​នៅពេលខាងមុខ ដោយមិនចាំបាច់ឲ្យអ្នកសារព័ត៌មានចុះនិង​យក​ញ្ញាត្តិនោះទៅជូន​សម្តេច​តេជោនោះទេ៕