សុំអំពាវនាវដល់អង្គភាពមជ្ឈមណ្ឌលព័ត៌មានវិទ្យសាស្រ្តខ្មែរមេត្តាបើកលុយឲ្យអ្នកយកព័ត៌មាន

ក្រុម​អ្នក​យក​ព័ត៌​មាន​ឲ្យ​ការ​សែត​វិទ្យា​សាស្រ្ត​ខ្មែរ​តាម​បណ្តា​ខេត្ត​ និង​តាម​ខណ្ឌ​មួយ​​ចំ​នួន​បាន​ឲ្យ​ដឹង​ថា​ថ្នាក់​ដឹក​នាំ​កា​សែត​វិទ្យា​សាស្រ្ត​ខ្មែរ​ មិន​បាន​បើក​លុយ​អត្ថ​បទ​ជូន​ពួក​គាត់​​ តាំង​ពី​​ខែ​មិ​នា​ ឆ្នាំ២០១២​ មក​ដល់​បច្ចុប្បន្ន​ ដែល​នាំ​ឲ្យ​ពួក​គាត់​អត់​ទ្រាំ​និ​យាយ​ពុំ​បាន។​

លោក គឹម ហៃ អ្នកយកព័តិមាននៅខេត្តព្រះសីហនុបានឲ្យដឹងថាលោកមិនបាន​បើកប្រាក់​អត្ថបទ​ពីអង្គ​ភាពកាសែតវិទ្យាសាស្រ្តខ្មែរជាច្រើនខែកន្លងមកហើយ តាំងពីនិពន្ធនាយកមុននៅកាន់ដោយឮ​តែគេថាថ្ងៃនេះថ្ងៃនោះរហូតមកដល់ពេលនេះ​។

ទាក់និងបញ្ហាខាងលើនេះ លោក បូរិន្ទ និពន្ធនាយកការផ្សាយបានឲ្យដឹងថាលុយគឺលោក ជា ចំរើន ដែលជាម្ចាស់អង្គភាពនោះមិនទាន់ទម្លាក់លុយមកទេ ហើយគណនីចូលថ្មីនោះកំពុងតែគិត​ប្រហែល​ជា​ចុង​ខែ​វិច្ឆិកា ឆ្នាំ២០១២ ឬ ដើមខែធ្នូ អាចនិងបើកបាន។

ក្រុមអ្នកយកព័ត៌មាន បានឲ្យដឹងថាការនិយាយដោះសានេះមិនមែនជាលើកទីមួយទេសម្រាបថ្នាក់​ដឹក​នាំ​​អង្គភាពនេះ តាំងពីជំនាន់និពន្ធនាយកមុនៗមកម្លេះ។

លោក អ៊ុង សេរីវុទ្ធ គណនីទើបនិងឡើងថ្មី​បាន​ឲ្យដឹង​ថា​មូល​ហេតុ​ដែល​នាំ​ឲ្យ​កើត​រឿង​បែប​នេះ​គឺ​ដោយ​សា​តែ​ថ្នាក់​ដឹក​នាំ​មុនៗ​មួយ​ចំ​នួន​ធ្វើ​ការ​​មាន​ភាព​មិន​ប្រក​តី។ សម្រាប​លោក​មក​ថ្មី​ គ្មាន​ឯក​សារ​គ្រប់​គ្រាន់​សម្រាប​ផ្ទៀង​ផ្ទាត់​ថា​អត្ថ​បទ​អ្នក​យក​​ព័ត៌​មាន​នោះ​មាន​ប៉ុន្មាន​នោះ​ទេ​។ លោក​បាន​បន្ត​ថា​សូម​ឲ្យ​រង​ចាំ​ប្រ​សិន​បើ​គិត​រួច​ហើយ​យក​ទៅ​ឲ្យ​​លោក​​ ​ជា ចំរើន​ មើល​ហើយ​គាត់​ចុះ​ហត្ថ​លេខ​នោះ​ និង​ត្រូវ​បើក​ជា​ (មូលប្បទានប័ត្រ)អោយ។

អ្នក​ស្រី ផល្លី ​ជាបុគ្គ​លិក​រដ្ឋ​បាល​នៅ​កា​សែត​វិទ្យា​សាស្រ្ត​ខ្មែ​រ​ បាន​ឲ្យ​ដឹង​ថា​ឯក​សារ​ដែល​ពាក់​ព័ន្ធ​​ចំ​នួន​អត្ថ​បទ​កា​សែត និង​ចំ​នួន​ចុះ​តាម​គេ​ហទំ​ព័រ អ្នក​ស្រី​បាន​សរុប រួច​រាល់​ហើយ​បញ្ជូន​ទៅ​លោក ​អ៊ុង សេរីវុទ្ធ​ គណនី​នោះ​យូ​ហើយ។

ព័ត៌មានពី ​លោក ភាវុន​ អតីត​ជា​អ្នក​យក​ព័ត៌​មាន​បានឲ្យដឹងថា ​ក្រោយពីលោកតវាយ៉ាងតឹង​សសៃក​ជាមួយ​គណនីលោក អ៊ុង​ សេរីវុទ្ធ ទើបព្រមបើកលុយអោយ។លោកបានបន្តថាលោកមិនដឹងថាខ្លួនឯង​ត្រូវគេបញ្ឈប់​នោះទេ ព្រោះក្រោយពីទទួលលុយហើយខាងអង្គភាពមិនបានបញ្ជូនដំណឹង​ពីការ​បញ្ឈប់ (ច្ចឹងបានខ្ញុំខល​ទៅ​លោកបូរិន្ទ និពន្ធនាយកគាត់មិនលើក)។

លោក បូរិន្ទ បានប្រាប់អ្នកយក​ព័ត៌មាន​យើងថាលោក ភាវុន នោះ​ត្រូវបានបញ្ឈប់ពីការងារហើយ ដោយលោកមិនបានបញ្ជាក់​អំពី​មូល​ហេតុ​នោះទេ។

គួបញ្ជាក់ផងដែរថាកន្លងទៅអង្គភាពកាសែតមួយនេះបានរុះរើថ្នាក់ដឹកនាំជាច្រើនដងមកហើយតាម​ប្រភពបានបង្ហើបថាដោយសាតែការគ្រប់គ្រងមិនប្រកតីទៅលើការចំណាយ។ដោយឡែក​ក្រុមបុគ្គ​លិក​​​ក្នុងការិយាល័យបាននាំគ្នាផ្តិតមេដៃស្នើទៅថ្នាកដឹកនាំ​ក្រសួង​ដែលពាក់​ព័ន្ធមួយចំនួនឲ្យ​ជួយអន្តរា​គម​ទើបបើកលុយឲ្យ ក្រោយមកបុគ្គលិកដែលផ្តិតមេដៃ​នោះ​ត្រូវ​ឈប់​ ទាំងអស់​ដោយសារតែរឿង​ដ៏ចំរូង​ចំរាស់​នេះ នៅតែអ្នកយកព័ត៌មានតាមខេត្ត និងតាមខណ្ឌមួយចំនួននៅក្រុងភ្នំពេញ​ដែលអង្គភាព​នេះ​មិន​បើកលុយឲ្យនៅឡើយ៕ ដោយ៖សុភា