នាយករដ្ឋមន្ដ្រី ហ៊ុន សែន បាន ចេញបទបញ្ជាឱ្យមន្ដ្រី និងអាជ្ញា ធរគ្រប់ជាន់ថ្នាក់យកចិត្ដទុកដាក់ ទប់ស្កាត់បទល្មើសជលផលដើម្បី អភិរក្សធនធានមច្ឆជាតិ ដែល ក្នុងនោះមានការប្រកាសលុប ចោលដែនឡូត៍នេសាទ បញ្ឈប់ ឱ្យក្រុមឈ្មួញធ្វើអាជីវកម្ម ប៉ុន្ដែ បទបញ្ជារបស់លោក ហ៊ុន សែនមិនត្រូវបានមន្ដ្រីថ្នាក់ក្រោមអនុ វត្ដន៍ឱ្យមានប្រសិទ្ធភាពនោះទេ ពួកគេបែរជាយកបទបញ្ជានេះ ទៅស្វែងរកផលប្រយោជន៍ច្រក ហោប៉ៅផ្ទាល់ខ្លួនទៅវិញ ។
សេចក្ដីរាយការណ៍ពីខេត្ដកំពង់ ធំបានឱ្យដឹងថា បច្ចុប្បន្ននេះបទ ល្មើសនេសាទកំពុងកើតមានពេញ បន្ទុក ក្នុងភូមិសាស្ដ្រស្រុកស្ទោង ខេត្ដកំពង់ធំតាំងពីផ្នែកខាងលើ រហូតដល់ដែនទន្លេ ពោលគឺមន្ដ្រី ជំនាញជលផលប្រចាំសង្កាត់ស្ទោង និងពាមបាង កំពុងសប្បាយក្នុង ការប្រមូលលុយពីបទល្មើសនេ សាទទាំងនោះតាមរយៈការជំរិត ទារប្រាក់ពីប្រជាពលរដ្ឋក្រីក្រ ដែលចេញធ្វើនេសាទជាលក្ខណៈ គ្រួសារនៅតាមដែនឡូត៍ និងព្រៃ លិចទឹកដែលរដ្ឋាភិបាលបានដក ហូតពីឈ្មួញ ។ មន្ដ្រីជំនាញជល ផលមិនដែលខ្វល់ខ្វាយចាត់វិធាន ការបង្ក្រាបបទល្មើសជលផល នោះទេ គឺពួកគេសម្ងំយ៉ាងស្ងាត់ ស្ងៀមក្នុងការប្រមូលលុយពីបទ ល្មើសយកទៅធ្វើមានធ្វើបានផ្ទាល់ ខ្លួន ហើយលោក ប៉ែន វណ្ណារិទ្ធ ជានាយខណ្ឌរដ្ឋបាលជលផល កំពង់ធំ កំពុងសើមមាត់សើមក ពីបទល្មើសនេសាទទាំងនោះ ។
មានការរំលឹកផងដែរថា ប្រ ធានផ្នែកបរិស្ថានប្រចាំដែនទន្លេ ដែលមានស្នាក់ការនៅក្នុងភូមិ ដូនស្ដើង នៃឃុំពាមបាង ស្រុក ស្ទោង ខេត្ដកំពង់ធំ គឺលោក ប៉ែន ភារ៉ាត់ ដែលជាសាច់ញាតិរបស់ នាយខណ្ឌរដ្ឋបាលជលផលកំពង់ធំ គឺជាមនុស្សសកម្មបំផុតក្នុងការ ប្រមូលលុយពីបទល្មើសនេសាទ យកទៅជូនបងរបស់គាត់ជានាយ ខណ្ឌ ហើយក្នុងនាមជាមន្ដ្រីបរិ ស្ថានលោក ប៉ែន ភារ៉ាត់ បាន បោះមេធ្វើជាអ្នកចាត់ចែងប្រមូល លុយពីប្រជាពលរដ្ឋ និងក្រុមឈ្មួញ ដែលប្រើប្រាស់ឧបករណ៍នេសាទ ល្មើសច្បាប់យកទៅបែងចែកតាម ជំនាញ និងសមត្ថកិច្ចពាក់ព័ន្ធ ដើម្បីកុំឱ្យចុះទៅបង្ក្រាបបទល្មើស នេសាទនៅឃុំពាមបាងនោះ ។ ពលរដ្ឋបានរអ៊ូរទាំថា មន្ដ្រីបរិស្ថាន និងជលផលបានត្រូវដៃត្រូវជើង គ្នាក្នុងការចេញប្រមូលលុយពីបទ ល្មើសនេសាទ ហើយសម្រាប់ពួក គាត់ជារាស្ដ្រក្រីក្រ បើគ្មានប្រាក់បង់ ឱ្យក្រុមមន្ដ្រី និងសមត្ថកិច្ចពាក់ ព័ន្ធទេនោះ ច្បាស់ណាស់ដែលថា គេរារាំងមិនឱ្យចូលទៅធ្វើការនេ សាទជាលក្ខណៈគ្រួសារនោះទេ។
បើតាមការអះអាងរបស់ប្រ ជាពលរដ្ឋមួយចំនួនបានឱ្យដឹងថា មានបទល្មើសឆ្នុករាប់រយកន្លែង ដែលឆ្នុកនីមួយៗត្រូវតែបង់លុយ ប្រមាណ១,២លានរៀល ឱ្យទៅ ប៉ែន ភារ៉ាត់ ហើយសម្រាប់ឆ្នុក ធំៗត្រូវបង់ប្រាក់ចំនួន១,៥លាន រៀលឱ្យទៅលោក ប៉ែន ភារ៉ាត់ ដើម្បីចៀសផុតពីការបង្ក្រាប ហើយនៅមានសាច់ដៃអួនក្រឡា ញឹក ត្រូវបានគេដាក់ពាសពេញ ព្រៃលិចទឹក និងអតីតតំបន់ឡូត៍ នេសាទដែលរដ្ឋាភិបាលបានរំ សាយចោល គឺសុទ្ធតែមានការ បង់លុយឱ្យក្រុមមន្ដ្រី និងសមត្ថ កិច្ចពាក់ព័ន្ធ ទើបក្រុមឈ្មួញ និង ប្រជាពលរដ្ឋអាចធ្វើការនេសាទ ក្នុងរដូវបិទនេសាទ ក៏ដូចជាការ ប្រើប្រាស់ឧបករណ៍ល្មើសច្បាប់ គ្មានការបង្ក្រាបពីមន្ដ្រីជំនាញ និង សមត្ថកិច្ចពាក់ព័ន្ធ ។ ភាពអនាធិប តេយ្យនៃបទល្មើសនេសាទនៅត្រង់ ចំណុចឃុំពាមបាងនោះ បានចាប់ ផ្ដើមកក្រើកឡើងវិញចង់ខ្លាំងជាង សម័យមុនទៀតផង ដូចដែល ពលរដ្ឋមួយចំនួនបានអះអាងថា ដង្ខៅឡូត៍នេសាទមួយចំនួនបាន ចាប់ត្រីធ្វើអាជីវកម្មដោយមិនខ្វល់ ខ្វាយអ្វីទាំងអស់ឱ្យតែបានលុយ និងបង់លុយឱ្យសមត្ថកិច្ច និងមន្ដ្រី ជំនាញកុំឱ្យចុះមកបង្ក្រាប ។
នៅពេលដែលរដ្ឋាភិបាលបាន ប្រកាសរំសាយចោលដែនឡូត៍ នេសាទតាមយុទ្ធសាស្ដ្រអភិរក្ស ធនធានមច្ឆជាតិ គេសង្កេតឃើញ មន្ដ្រីជំនាញជលផល និងសមត្ថ កិច្ចពាក់ព័ន្ធដទៃទៀតបានយក បទបញ្ជារបស់រដ្ឋាភិបាលទៅធ្វើ ជាអាជ្ញាប័ណ្ណដើរប្រមូលលុយពី បទល្មើសយកទៅច្រកហោប៉ៅ ផ្ទាល់ខ្លួន ពោលគឺទាំងការរក្សា ទុកដែនឡូត៍នេសាទ ក៏ដូចជាការ រំសាយដែនឡូត៍ទាំងនោះគេ សង្កេតឃើញជំនាញជលផលនៅ តែមានឱកាសប្រមូលផលប្រ-យោជន៍ពីអំពើល្មើសច្បាប់ទាំង នោះយ៉ាងស្ងៀមស្ងាត់ ។ សូម្បី តែលោក សុជាតិ ជាប្រធានស្នាក់ ការកងរាជអាវុធហត្ថប្រចាំដែន ទន្លេនៅតំបន់នោះ ត្រូវគេដឹងថា ជាមនុស្សដ៏មានឥទ្ធិពលបំផុតក្នុង ការប្រមូលលុយពីបទល្មើសនេ សាទយកទៅធ្វើមានធ្វើបានផ្ទាល់ ខ្លួន និងបែងចែកមកថ្នាក់លើ ហើយបើតាមការប៉ាន់ប្រមាណ គឺសមត្ថកិច្ច និងមន្ដ្រីជំនាញអាច ប្រមូលលុយពីបទល្មើសនេសាទ ក្នុងមួយឆ្នាំៗមិនតិចម៉ឺនដុល្លារ នោះទេ ចង់វិនាសហិនហោចធន ធានធម្មជាតិដោយសារការប្រើ ប្រាស់ឧបករណ៍នេសាទល្មើស ច្បាប់ ក៏ពួកគេមិនខ្វល់ខ្វាយ ។
លោក ប៉ែន វណ្ណារិទ្ធ ជានាយ ខណ្ឌរដ្ឋបាលជលផលកំពង់ធំទទួល បានផលប្រយោជន៍ក្រាស់ក្រែល ពីបទល្មើសនេសាទតាមបណ្ដា ស្រុក ព្រោះភូមិសាស្ដ្រខេត្ដកំពង់ ធំបានលាតសន្ធឹងជាប់មាត់បឹង ទន្លេសាបធំជាងគេ ពោលគឺទាំង ការដឹកជញ្ជូនត្រី កង្កែប អន្ទង់ ក្នុងស្រុកសុទ្ធតែសុំអាជ្ញាប័ណ្ណពី លោក ប៉ែន វណ្ណារិទ្ធ ហើយក៏ត្រូវ ចំណាយប្រាក់ច្រើនក្រាស់ក្រែល ជាពិសេសមានមនុស្សជាច្រើន ថ្នាក់មូលដ្ឋានកំពុងចេញប្រមូល លុយពីបទល្មើសនេសាទយកទៅ ជូនលោក ប៉ែន វណ្ណារិទ្ធ យ៉ាង ប្រសេចប្រសាច ដែលទាមទារ ឱ្យអង្គភាពប្រឆាំងអំពើពុករលួយ ពិនិត្យមើលបញ្ហានេះឡើងវិញ ជាបន្ទាន់ ។ លោក ប៉ែន វណ្ណារិទ្ធ មានឱកាសមកកាន់តំណែងជា នាយខណ្ឌរដ្ឋបាលជលផលខេត្ដ កំពង់ធំ ក្រោយពេលដែលរដ្ឋាភិ បាលប្រកាសរំសាយដែនឡូត៍នេ សាទ ហើយប្អូនរបស់គាត់ គឺ លោក ប៉ែន ភារ៉ាត់ ក៏សកម្មបំផុត ក្នុងការប្រមូលលុយពីបទល្មើស ជលផលយកទៅជូនបងរបស់គាត់ តាមរបៀបពុករលួយ។
អ្នកយកព័ត៌មានយើងពុំទាន់អាចសុំការបំភ្លឺពី លោក ប៉ែនវណ្ណារិទ្ធ និង លោក ប៉ែនភារ៉ាត់ បានទេនៅព្រឹកថ្ងៃទី២៩ ខែវិច្ឆកា ឆ្នាំ២០១២នេះ៕
.jpg)
.jpg)
.jpg)
.png)
.jpg)
.jpg)
