កម្មករនាំគ្នាមកកូដកម្មមុខក្រសួងសង្គមកិច្ច ក្រោយពីនយោជករើសអើងសហជីព

កម្មករកម្មការនីរោងចក្រ ណីចធីអឹមភើរៀលខាមបូឌា ដែលមានអស្រ័យដ្ឋាននៅ​ភូមិមល​ សង្កាត់ដង្កោ ខណ្ឌដង្កោ រាជធានីភ្នំពេញ មានគ្នាប្រមាណជាង៣០០នាក់ក្នុងចំណោម​កម្មករជា១០០០នាក់បាន​ដង្ហែក្បួនកូដកម្មរបស់ខ្លួនមករកអន្តរាគមពីថ្នាក់ដឹកនាំក្រសួងសង្គមកិច្ច​ដើម្បី​ឲ្យជួយអន្តរាគមការទា​របស់ខ្លួន ក្រោយពីបរាជ័យក្នុងការទាមទានាពេលកន្លងមក។

លោក ប៊ុត ប៊ុនឈាន​ មន្រ្តីសម្ពន័សហជីព C.CAWDU បានឲ្យដឹងថាក្រោយពី​បរាជ័យក្នុងការ​ទាមទា​កម្មករបានដាក់លិខិតជូនដំណឹងដើម្បីធ្វើកូដកម្មតាំងពីថ្ងៃទី១៣ ខែវិច្ឆិការ ឆ្នាំ២០១២ រហូតមក​ដល់​បច្ចុប្បន្ន គ្មានដំណោះស្រាយណាមួយដែលកម្មករអាចទទួលយកបាននោះទេ ។លោក​បានបន្តថា​ចំណុចសំខាន់ដែលកម្មករធ្វើការទាមទានោះមាន៨ចំណុចក្នុងនោះមាន៣ចំណុចសំខាន់ទី១សុំឲ្យ​រោងចក្រទទួលយកថ្នាក់ដឹកនាំសហជីព និងសកម្មជនសហជីព ចូលធ្វើការវិញ ទី២ ការឈប់សម្រាក​របស់កម្មករសុំឲ្យរោងចក្រកាត់លុយព្រីមទៅតាមសមាមាត្រ មិនត្រូវកាត់ទាំងអស់នោះទេ ទី ៣សុំ​ឲ្យ​រោង​ចក្ររក្សាអត្ថប្រយោជន៏ផ្សេងៗសម្រាប់កម្មករនៅពេលដែលកម្មករឈប់មានសំបុត្រពេទ្យ​ត្រឹម​ត្រូវ។​

យោងតាមសេចក្តីប្រកាសបង្គាប់របស់ក្រុមប្រឹក្សារអជ្ញាកណ្តាល បានបង្គាប់ឲ្យកម្មករ​ទាំងអស់​ចូល​ធ្វើការងារវិញ ដោយរងចាំដោះស្រាយនៅពេលក្រោយដើម្បីរក្សារប្រយោជន៏ទាំងអស់គ្នា។ដោយ​ឡែក លោក ប៊ុត ប៊ុនឈាន បានបញ្ជាក់ថាក្រោយពីកម្មករចួលធ្វើការវិញហើយ ខាងរោងចក្របាន​បដិសេដ្ឋមិនឲ្យថ្នាក់ដឹកនាំសហជីព និងសកម្មជនសហជីព ចូលធ្វើការទើបកម្មករបន្តកូដកម្មរហូត​មកដល់ពេលនេះ។

អ្នកស្រី ចាន់ សម្បត្តិ រដ្ឋបាលប្រចាំរោងចក្រ ណីចធីអឹមភើរៀលខាមបូឌា បានឲ្យដឹងថាលោក​ស្រីមិនដឹងថាអ្នកដែលរោងចក្រមិនឲ្យចូលធ្វើការនោះជាថ្នាក់ដឹកនាំសហជីពនោះទេ ដោយសារតែ​សហជីពនោះមិនមានការបញ្ជូនដំណឹង និងគ្មានបញ្ជីការត្រឹមត្រូវ។អ្នកស្រីបានបញ្ជាក់ថា​ក្រុមប្រឹក្សារ​អជ្ញា​កណ្តាលបានចេញសេចក្តី​បង្គាប់ឲ្យចូលធ្វើការវិញមែន តែកម្មករដែលខាងរោងចក្របញ្ឈប់​នោះគឺ​ដល់ពេលបញ្ចប់កិច្ចសន្យាការងារ​។

លោក ប៊ុត ប៊ុនឈាន ឲ្យបន្តឲ្យដឹងថា​សម្ព័នសហជីពលោកបានបញ្ជូនដំណឹងឲ្យរោងចក្រដឹង​មុនហើយពីសមភាពសហជីព ដែលតាមច្បាប់គឺថ្នាក់ដឹកនាំសហជីពត្រូវបានរក្សារការពារមុនចំនួន​៤៥ថ្ងៃ និងក្រោយការជូនដំណឹងចំនួន៤៥ថ្ងៃ លើកលែងតែថ្នាក់ដឹកនាំនោះមានកំហុសធ្ងន់ទើបអាច​បញ្ឈប់ ​ដោយឡែកសម្រាបរោងចក្រលើកហេតុផលថាដល់កំណត់ថេរវេលាបញ្ចប់កិច្ចសន្យាការងារ​នោះ​វាជាការពិត ប៉ុន្តែរោងចក្រអាចបន្តវិញបានដោយរូបភាពពិតរោងចក្រមានការងារជាច្រើនសម្រាប​ឲ្យកម្មករធ្វើហេតុអ្វីបានជាបញ្ជប់នៅពេលដែលដឹងថាពួកគេជាថ្នាក់ដឹកនាំសហជីព ដែលនាំឲ្យ​កម្មករ​ដឹងយ៉ាងច្បាស់ថាក្រុមហ៊ុនរើសអើងសហជីព ទើបមានកូដកម្មរហូតមកដល់ពេលនេះ។​

គួបញ្ជាក់ផងដែរថ្នាក់ដឹកនាំក្រសួងសង្គមកិច្ចយុទ្ធជន និងយុវនិតិសម្បទា គឺមានសមាសភាព​ក្នុងក្រុមគណៈកម្មការដោះស្រាយកូដកម្ម បាតុកម្ម ថ្នាក់ជាតិ ទើបខាងកម្មករបាននាំគ្នាមករកអន្តរាគម​ពីស្ថាប័នមួយនេះ៕​ដោយ៖យាយពេញ