ពិធីការិនី យុគ ចិន្តា នៃស្ថានីយ៍ទូរទស្សន៍ CTN ដ៏ល្បីឈ្មោះ បានចេញមុខមកធ្វើការបកស្រាយហើយជុំវិញការចោទប្រកាន់ដែលថា នាងបានកាន់កាប់លុយរបស់សមាគមសិល្បករខ្មែរជាង១ម៉ឺនដុល្លារ ដោយមិនឱ្យសមាគមប្រើប្រាស់ក្នុងកម្មវិធីមនុស្សធម៌ផ្សេងៗនោះ។
ក្នុងបទសម្ភាសមួយដែលធ្វើឡើងនៅក្នុងបរិវេណសមាគមសិល្បករខ្មែរនាពេលថ្មីៗនេះ ពិធីការិនីយុគ ចិន្តា បានអះអាងថា ប្រាក់ដែលសមាគមមាននាពេលសព្វថ្ងៃនេះ គឺស្ថិតនៅក្នុងការគ្រប់គ្រងរបស់នាង និងលោក យុត្ថារ៉ា ឆានី ចាប់តាំងពីអាណត្តិរបស់លោក អៀង ស៊ីធុល រហូតមកដល់អាណត្តិនេះ។ ហើយកាលពីអាណត្តិមុនដើម្បីប្រើប្រាស់ថវិការបស់សមាគមបាន គឺលុះត្រាតែមានការចុះហត្ថលេខាពីលោក មិញ សុធីវណ្ណ លោក យុត្ថារ៉ា ឆានី នាងសឿ សុធារ៉ា និងរូបនាងផ្ទាល់សិន។
នាង យុគ ចិន្តា បានបញ្ជាក់ថា កាលក្នុងអាណត្តិដែលគ្រប់គ្រងដោយលោក មិញ សុធីវណ្ណ សមាគមមានលុយតែ៥០ដុល្លារប៉ុណ្ណោះ នៅក្នុងធនាគារ ហើយក្រោយមកគ្មានលុយអ្វីទាំងអស់ ។ ដោយសារបែបនេះហើយ សមាគមបានមូលមតិគ្នារៀបចំកម្មវិធីរាត្រីសមោសរមួយ ដើម្បីស្វែងរកប្រាក់ដាក់នៅក្នុងសមាគមសម្រាប់ទុកប្រើប្រាស់ក្នុងសកម្មភាពផ្សេងៗ។ ប្រាក់ដែលរកបាននាពេលនោះគឺមានចំនួនជាង៤ម៉ឺនដុល្លារ។
នាង យុគ ចិន្តា បានបន្តថា ក្នុងកាលៈទេសៈនោះដោយសារត្រូវមានភារកិច្ចជួយដល់កងទ័ពនៅសមរភូមិមុខ ក៏ផ្ទេរប្រាក់ប្រមាណ៧០ភាគរយ យកទៅទិញសម្ភារជួយដល់កងទ័ព។ ចំណែកលុយដែលនៅសល់ជាងមួយម៉ឺនដុល្លារគឺទុកនៅក្នុងធនាគារក្រោមការគ្រប់គ្រងរបស់នាង និងលោក យុត្ថារ៉ា ឆានី។
លុះមកដល់អាណត្តិដែលគ្រប់គ្រងដោយលោក សុះ ម៉ាច លុយទាំងនោះគឺត្រូវផ្ទេរទៅលោក ឆានី តែដោយសារមានការពិគ្រោះគ្នាពីថ្នាក់លើឱ្យមានការរក្សាលុយដែលមាននោះនៅក្នុងសមាគមកុំឱ្យបាត់បង់ ហេតុដូច្នេះហើយលុយទាំងនេះត្រូវយកមកប្រើប្រាស់សម្រាប់បង់ថ្លៃទឹក ភ្លើងនៅក្នុងសមាគម និងមួយចំណែកតូចទៀតគឺប្រើប្រាស់សម្រាប់ជួយដល់សិល្បករដែលមានជំងឺ និងបាត់បង់ជីវិត។
អ្នកនាង យុគ ចិន្តា បញ្ជាក់ទៀតថា រាល់ការចំណាយទាំងអស់សម្រាប់ប្រាក់នៅក្នុងសមាគមគឺត្រូវមានការចុះហត្ថលេខាពីលោក ឆានី និងរូបនាងផ្ទាល់ ប៉ុន្តែនាងមិនបានកាន់កាប់ក្បាលបញ្ជីរបស់សៀវភៅធនាគារឡើយ សូម្បីតែលេខកូដធនាគារក៏នាងមិនបានចាំដែរ គ្រាន់តែមានសិទ្ធិចុះហត្ថលេខាប៉ុណ្ណោះ។ ប៉ុន្តែក្រោយពីសង្កេតឃើញថា នៅក្នុងរយៈពេលមួយឆ្នាំចុងក្រោយនេះការចំណាយរបស់សមាគមមានចំនួនច្រើន ទើបនាង និងលោក ឆានី បានពិគ្រោះយោបល់គ្នាដើម្បីធ្វើយ៉ាងណាកុំឱ្យប្រាក់នោះចេះតែខើចទៅៗ។ ក្រោយមកនាងក៏សម្រេចចិត្តមិនចុះហត្ថលេខាដើម្បីដកប្រាក់របស់សមាគមប្រើប្រាស់បន្តទៀតឡើយ ដោយត្រូវរង់ចាំពិគ្រោះយោបល់ពីលោកសុះ ម៉ាច ដែលជាប្រធានសមាគម។
ពិធីការិនីរូបនេះអះអាងថា លុយដែលសល់មិនបាត់បង់ទៅណាទេ គឺនៅក្នុងធនាគារក្រោមការគ្រប់គ្រងរបស់លោក ឆានី និងរូបនាងផ្ទាល់។
ចំពោះបញ្ហានេះ លោក សុះ ម៉ាច ប្រធានសមាគមសិល្បករខ្មែរបានឱ្យដឹងថា កន្លងមកការប្រើប្រាស់លុយនៅក្នុងសមាគមពិតជាមានការលំបាកដោយសារតែលោកមិនបានដឹងច្បាស់ថា លុយដែលនៅសល់ក្នុងសមាគមនោះមានចំនួនប៉ុន្មាន ហើយលោកក៏គ្មានសិទ្ធិក្នុងការដកលុយទាំងនោះដែរ ។ ប៉ុន្តែឆ្លងតាមការបកស្រាយរបស់អ្នកនាង យុគ ចិន្តា ដែលជាហេរញ្ញិករបស់សមាគមទើបលោកយល់ច្បាស់អំពីបញ្ហានេះបន្ទាប់ពីមានមន្ទិលកន្លងមក៕ ប្រភពពី The Free Press Magazine
.jpg)
.jpg)
.jpg)
.png)
.jpg)
.jpg)
ការចិញ្ចឹមត្រីឆ្ដោរល្មើសច្បាប់ច្រើនហួសប្រមាណ ធ្វើអោយមានតម្រូវការត្រីល្អិតយកមកធ្វើជាចំណីត្រីឆ្តោរទាំងនោះច្រើនឡើងៗ ដោយការប្រើឧបករណ៍នេសាទចាប់យកត្រីល្អិតច្រើនជាងគេក្នុង...Read more
ជំនួញឈើប្រណិតប្រភេទធ្នុងកំពុងសម្រុកដឹកជញ្ជូនយ៉ាងគំហុកអាណាធិបតេយ្យទៅប្រទេសវៀតណាមតាមរយៈរថយន្តសាំយ៉ុង និងរថយន្តស៊េរីទំនើបដូចជា លុច្សស៊ីស បាឡែន ធុនត្រា ឡង់គ្រីស័រ ហាយឡែនដ័រជា...Read more
យោងតាមប្រភពព័ត៌មានបានរាយការណ៍បានឲ្យដឹងថា នៅម៉ោង ៣ រំលងអាធ្រាត្រថ្ងៃទី៥ឈានចូលថ្ងៃទី៦ ខែកញ្ញា ឆ្នាំ២០១៥ យប់មិញនេះ រថយន្តយីឌុបរបស់ ក្រុមហ៊ុនដីសម្បទាន ហួតម៉េងរីតា បានក្រឡាប់ខ្ជាក់ចេញសុទ្...Read more
ការងារជាប៉ូលីសចរាចរណ៍ ឈរហាលក្តីហាលភ្លៀង ហាលខ្យល់ ដើម្បីការពារសន្តិសុខជូនប្រជារាស្ត្រ វាជាទង្វើមួយដ៏ល្អដែលមិនអាចកាត់ថ្លៃបាន។ ប៉ុន្តែក្នុងនោះក៏មានប៉ូលីសចរាចរណ៍មួយចំនួនតូចមិនគោរពក្រមសីលធម៌របស់...Read more
លោក ចេង ដារ៉ាវុធ (អតីត) ប្រធានស្តីទីនាយកដ្ឋានសុខុមាលភាពមនុស្សចាស់នៃក្រសួងសង្គមកិច្ចគឺបន្ទាប់ពី រងភាពអយុត្តិធម៌ អំពីការតែងតាំងក៏ប្រតិកម្មស្នើសុំ ឯ/ឧនាយកខុទ្ទការល័យរដ្ឋមន្ត្រីជួយសម្របសម្រួល ប៉ុន្តែមិនទទ...Read more
មានសេចក្តីរាយការពីរឿងអាស្រូវរបស់លោក លឹម សម្បត្តិ ប្រធានការិយាល័យគយនិងរដ្ឋាករច្រកអន្តរជាតិព្រំក្នុងខេត្តប៉ៃលិនបានធ្វើឲ្យមន្ត្រីគយទូទាំងប្រទេសមានការចាប់អារម្មណ៍យ៉ាងខ្លាំង ដោយហេត...Read more
iPhone 6 និង iPhone 6plus បង្ហាញខ្លួនលើទីផ្សារហើយ ដែលមានតម្លៃ ជាង ១០០០ដុល្លា។
iPhone 6 isn’t simply bigger — it’s better in every way. Larger, yet dramatically thinner. More power...Read more
ស្រ្តីម្នាក់ បានមកយំស្រែកប្តឹងភ្នាក់ងារសារព័ត៌មានអគ្គស្នងការនគរបាលជាតិ ប្រចាំខេត្តកំពង់ឆ្នាំង ឲ្យជួយផ្សាយព័ត៌មានរកកូនស្រី ដែលបានបាត់អស់រយៈពេល២០ថ្ងៃហើយ បន្ទាប់ពីយុវជនម្នាក់ នៅក្នុងភូមិជាមួយគ្...Read more
យោងតាមប្រភពពីសមត្ថកិច្ចបានឱ្យដឹងថាច្រក ដាក់ដាំ គឺជាច្រកដែលពោរពេញ ទៅដោយបទល្មើស ដឹកជញ្ជូនឈើប្រណិត ទៅលក់នៅស្រុកយួន យ៉ាងគគ្រឹកគគ្រេង ព្រោះតែឈ្មួញរកស៊ីឈើខុសច្បាប់ បានឃុបឃិតជាមួយម...Read more
មន្ត្រីរាជការនៃមន្ទីរធម្មការខេត្តពោធិ៍សាត់បានឲ្យដឹងថា ការដែលឈ្មោះ ពេជ្រ ចន្ថា ប្រព្រឹត្តអំពើពុករលួយតាមរយៈកេងប្រវ័ញ្ចថវិកាជាតិ និងថវិកាចំណាយលើគម្រោងផ្សេងៗនោះគឺមានការបើកដៃពីលោក នូ...Read more
| ថ្ងៃនេះ | 750 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6911 | នាក់ |
| ខែនេះ | 6911 | នាក់ |
| ឆ្នាំនេះ | 289563 | នាក់ |
| សរុប | 57640959 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 09:24 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net