បន្ទាប់ពីភ្លើងឆេះផ្សារាត្រីកាលពីយប់ថ្ងៃទី៧ឈានចូលទី៨ ខែធ្នូ ឆ្នាំ២០១២ ដែលបណ្តាលអោយមនុស្សសរុប៩នាក់បានបាត់បង់ជីវិត លុះព្រឹកឡើងលោក ប៊ុនម៉េង ដែលត្រូវជា បង បងថ្លៃ និងជាឪពុកមាសាកសពបានយកទូដែក១គ្រឿង ទូរទស្សន៍LCD១គ្រឿង កុំព្យូទ័រ១គ្រឿង និងបង្វិចគ្រឿងអល័ង្គការមួយចំនួនមកផ្ទះរបស់ខ្លូន ដែលជាហេតុធ្វើអោយមានការ តវាពីសំណាក់ឪពុកក្មេកសាកសពរហូតមានការប្តីផ្តល់គ្នាដល់ថ្ងៃនេះមិនទាន់ចប់។
លោក អ៊ាតាំង ដែលត្រូវជាឪពុក ឪពុកក្មេក និងជីតា ជនរងគ្រោះខាងលើមួយក្រុមគ្រួសារដែលមានប្ដីឈ្មោះ ហ៊ូ តឹកអន, អ៊ា ឡៃហ៊ាង ដែលជាប្រពន្ធបានអះអាងថា ការដែលលោក ប៊ុនម៉េង យកទូដែកចេញពីផ្ទះឆេះរបស់សព ហ៊ូ តឹកអន និងសពប្រពន្ធឈ្មោះ អ៊ា ឡៃហ៊ាង គឺលោក ប៊ុនម៉េង មិនបានពិភាក្សាជាមួយរូបលោកទេ។ លោកអ៊ាតាំងបានបន្តថា លោកបានតាមទៅដល់ផ្ទះលោក ប៊ុនម៉េង ដើម្បីពិនិត្យទូដែក និងសំភារៈមួយចំនួនទៀតថាមានអ្វីខ្លះ ប៉ុន្ដែលោក ប៊ុនម៉េង ចាក់សោរទ្វាររបងជាប់ មិនអោយលោកចូល ដូច្នេះលោកក៏ត្រឡប់មកកន្លែងភ្លើងឆេះវិញ។
ប្រភពពីប្រជាពលរដ្ឋនៅកន្លែងកើតហេតុបានអោយដឹងថា គេឃើញលោក ភាគីខាង លោកអ៊ាងតាំង និងភាគីខាងលោក ប៊ុនម៉េង ដណ្តើមទ្រព្យសម្បត្តិខាងលើទៅវិញទៅមក។ ប្រភពបន្តថា ឃើញដូច្នេះទើបសមត្ថកិច្ចតាមទៅសុំយកវត្ថុតាងទាំងនោះដើម្បីធ្វើកំណត់ហេតុ ថាមានអ្វីខ្លះនៅសេសសល់។
សមត្ថកិច្ចបានប្រាប់ថា ខាងសមត្ថកិច្ច និងលោក សំរិទ្ធសុខុន ព្រះរាជអាជ្ញារងអមសាលាដំបូងខេត្ដសៀមរាប ដែលមានវត្ដមាននៅកន្លែងកើតហេតុដែរនោះក៏បានដឹងរឿងទូដែក ក៏បានឯកភាពគ្នាជាមួយលោក អ៊ាតាំង ហៅលោក ប៊ុនម៉េង ធ្វើដំណើរទៅផ្ទះលោក ប៊ុនម៉េង ក្នុងគោលបំណងធ្វើកំណត់ហេតុឱ្យបានត្រឹមត្រូវអំពីរបស់ទាំងនោះ ប៉ុន្ដែនៅពេលទៅដល់ផ្ទះលោក ប៊ុនម៉េង ស្រាប់តែលោកប៊ុនម៉េងបានរារាំងមិនឱ្យសមត្ថកិច្ចចូលទៅត្រួតពិនិត្យរបស់ទាំងនោះទេ ហើយលោក ប៊ុនម៉េង បានចាក់សោររបងជាប់មិនអោយនរណាចូលបានឡើយ ហើយជិះរថយន្តទៅបាត់។ សមត្ថកិច្ចបន្តថា ដោយមានពាក្យបណ្តឹងពីលោក អ៊ាតាំង ទើបព្រះរាជអាជ្ញាក៏ដឹកនាំសមត្ថកិច្ចនគរបាលជាច្រើនរូប ហើយក៏មានដីកាឆែកឆេរលំនៅដ្ឋាន ចេញដោយលោកចៅក្រម គី រិទ្ធី ទើបឃើញក្មេងស្រីជំទង់ម្នាក់បើកសោរឱ្យសមត្ថកិច្ចចូលទៅឆែកឆេរតាមសំរួល។ សមត្ថកិច្ចបន្ថែមថា ទូដែក និងសំភារៈទាំងអស់ត្រូវបានសមត្ថកិច្ចយកទៅរក្សាទុកនៅស្នងការ នគរបាលខេត្ដសៀមរាប ដើម្បីទុកដោះស្រាយ។
លោក ប៊ុនម៉េង បានបដិសេធថា លោកពុំបានយកទូដែក និងសំភារៈមកផ្ទះដោយចិត្តឯងនោះទេ គឺមានការឯកភាពពីលោក អ៊ាតាំង ដែរ។ លោកប៊ុនម៉េងបានបន្ថែមថា លោកយកទូដែក និងសំភារៈទាំងនោះមកផ្ទះគឺក្នុងគោលបំណង យកទៅទុកជាសវាងបាត់បង់តែប៉ុណ្ណោះ មិនមែនលោកចង់បានទេ។
ក្នុងហេតុការណ៍ភ្លើងឆេះផ្សារាត្រីនេះ គេសង្កេតឃើញមានវត្តមានលោក សតណាឌី ស្នងការនគរបាលខេត្ដសៀមរាប បានចុះសំដែងការសោកស្តាយអាណិតអាសូដល់ជនរងគ្រោះដែលបានបាត់បង់ជីវិត។ លោកសតណាឌី បានដន្និដ្ឋានជាជំហ៊ានដំបូងថា ករណីឆេះផ្សារខាងលើ គឺកើតឡើងដោយសារទុសេខ្សែភ្លើង ប៉ុន្ដែទោះបីយ៉ាងណាក៏ដោយ លោកកំពុងតែពិនិត្យនិងស្រាវជ្រាវបន្ដទៀត ក្រែងមានមូលហេតុផ្សេងណាមួយ៕






បុណ្យអ៊ំទូកជាពិធីបុណ្យប្រវត្តិសាស្រ្តមួយដែលប្រជាជនខ្មែរតែងតែប្រារព្វធ្វើជារៀងរាល់ឆ្នាំនៅក្នុងប្រទេសកម្ពុជាតាំងពីយូរលុងណាស់មកហើយរហូតមកទល់និងបច្ចុប្បន្ន ហើយនៅឆ្...Read more
យោងតាមប្រភពព័ត៌មានបានអោយដឹងថា នៅព្រឹកថ្ងៃទី១២ ខែវិច្ឆកា ឆ្នាំ២០១៥នេះ សមត្ថកិច្ចក្រុងបាត់ដំបងចាប់បានជនសង្ស័យ ដែលបានចាប់ខ្លួននាងក្រមុំអាយុ១៨ឆ្នាំ កំពុងលាងសណ្តែកនៅផ្ទះ...Read more
លោក ចេង ដារ៉ាវុធ (អតីត) ប្រធានស្តីទីនាយកដ្ឋានសុខុមាលភាពមនុស្សចាស់នៃក្រសួងសង្គមកិច្ចគឺបន្ទាប់ពី រងភាពអយុត្តិធម៌ អំពីការតែងតាំងក៏ប្រតិកម្មស្នើសុំ ឯ/ឧនាយកខុទ្ទការល័យរដ្ឋមន្ត្រីជួយសម្របសម្រួល ប៉ុន្តែមិនទទ...Read more
គ្រួសារកសិករក្រីក្រ ដែលមានកូនប្រុស៤នាក់ សុទ្ធតែពិការ ត្រូវបានក្រុមការងារលេខាធិការដ្ឋានក្រុមប្រឹក្សាជាតិកម្ពុជា ដើម្បីកុមារ នាំយកអំណោយមួយចំនួនទៅផ្តល់ជូនដល់ផ្ទះរបស់គាត់ នៅព្រឹកថ្ងៃទី...Read more
ប្រជាពលរដ្ឋកម្ពុជា និងសហព័ន្ធនិស្សិតបញ្ញវន្តកម្ពុជា ស្នើសុំមអោយលោក នាយករដ្ឋមន្ត្រី ហ៊ុនសែន ដកលោក ហោណាំហុង រដ្ឋមន្ត្រីក្រសួងការបរទេសចេញពីដំណែង បន្ទាប់ពីមានប្រតិកម្មខ្លាំងៗ ចំពោ...Read more
ជារៀងរាល់ថ្ងៃគេសង្កេតឃើញថា ក្រុមឈ្មួញរកស៊ីដឹកឈើខុសច្បាប់តាមរថយន្តគ្រប់ប្រភេទ គោយន្តកន្រ្តៃ និងរទេះគោ បានចរាចរណ៍យ៉ាងអាណាធិប្បតេយ្យតាមដងផ្លូវពីចំណុចស្រុកគូលែនខេត្...Read more
កន្លែងស្កុកឈើរបស់ជនជាតិយួន២កន្លែងធំៗ នៅក្រុងបានលុងត្រូវបានកម្លាំងចំរុះរបស់ខេត្តចុះបង្រ្កាប ដែលដឹកនាំដោយ លោក ជាសុភ័ក្រ្ក ព្រះរាជអាជ្ញារងនៃសាលាដំបូងខេត្ត កាលពីថ្ងៃទី១៨ ខែមេសា ឆ្នា...Read more
ក្រុមប្រជាពលរដ្ឋរស់នៅ ឃុំស្រែគរ ស្រុកសេសាន ខេត្តស្ទឹងត្រែង បានសម្ដែងនូវការហួសចិត្ត ស្របពេលដែលសកម្មភាពដឹកជញ្ជូនឈើមកស្តុកក្នុងផ្ទៃអាងកើតមានឡើងជាច្រើនឆ្នាំកន្លងមករហូតដល់ពេលបច្ច...Read more
| ថ្ងៃនេះ | 468 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6629 | នាក់ |
| ខែនេះ | 6629 | នាក់ |
| ឆ្នាំនេះ | 289281 | នាក់ |
| សរុប | 57640677 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 05:58 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

