ខេត្ត​កំពង់​ឆ្នាំនាំមុខ​ក្នុង​ការ​បង្ក្រាប​ការ​ចិញ្ចឹត្រីឆ្តោខុសច្បាប់

ការ​ចិញ្ចឹម​ត្រី​ឆ្តោ​គឺជា​អាជីវ​កម្ម​មួយ​ដែល​រដ្ឋ​ហាម​ឃាត់ ព្រោះ​ការ​ដាក់​ចិញ្ចឹម ក្នុង​បែ​ឱ្យ​បំផ្លាញ​ត្រី​ធម្មជាតិ​ផ្សេង​ទៀត  ដើម្បី​យក​ទៅ​លក់​របៀប​នេះ  ធ្វើឱ្យ​បាត់​បង់​កំណ​កំណើត​ត្រី​ផ្សេង​ទៀត ពោល​គឺ​បាត់​តុល្យ​ភាព​ផល​នេ​សាទ ។ 

យោងតាមហេតុផលនេះ  ហើយទើបផ្នែករដ្ឋបាលជលផល ក៏ដូចជាអាជ្ញា ធរដែនដីតែងតែចុះត្រួតពិនិត្យជាប្រចាំ ។ ជាក់​ស្តែង​នៅថ្ងៃទី ១៤ ខែធ្នូ ឆ្នាំ  ២០១២ វេលាម៉ោង៩និង៣០នាទីព្រឹកក្រុមចម្រុះដែលដឹកនាំ ដោយលោក ឃួន សៅរុំ អភិ​បាល​រង​ស្រុក​បរិបូរណ៍ បានចុះត្រួតពិនិត្យទីតាំងចិញ្ចឹម​ត្រី​ឆ្តោ​លូចលាក់ចំនួន ០៦ បែ ដែលស្ថិតនៅភូមិឆ្នុកទ្រូ ឃុំឆ្នុកទ្រូ ស្រុក​បរិ​បូរណ៍ ខេត្តកំពង់ឆ្នាំង។

ម្ចាស់ចិញ្ចឹមត្រីឆ្តោ​ទាំងនោះ ភាគច្រើនជាជន​ជាតិវៀតណាម ហើយសរុប​ទាំង៦បែ​នេះមាន  ត្រីឆ្តោ ​ចំនួន៤៩០០​ក្បាល ។  កម្លាំង ចម្រុះក៏​បានស្រង់ត្រី​ទាំនោះព្រលែង​ចូលទន្លេ ហើយ​ក៏​បាន​ណែ​នាំ​ដល់​ជន​ជាតិ​វៀត​ណាម​ទាំង​នោះ​ត្រូវ​ឈប់​ចិញ្ចឹម​ត្រីឆ្តោ តទៅ​ទៀត ពីព្រោះការ​ចិញ្ចឹមត្រីឆ្តោជាអំពើល្មើស​ច្បាប់ ដែលរដ្ឋហាមឃាត់​យ៉ាងតឹងរ៉ឹងបំផុត ។

កន្លងមកសមត្ថកិច្ចចម្រុះដែលរួមមានអាជ្ញាធរដែនដី,  រដ្ឋបាលជលផល, កងរាជអាវុធហត្ថ និង​នគរបាល​បាន​ធ្វើការ​បង្ក្រាប​ទៅលើ​ ទីតាំង​ចិញ្ចឹមត្រី ឆ្តោខុសច្បាប់​យ៉ាងសកម្ម​ស្ទើរ ទូទាំង​ប្រទេស ។ ប៉ុន្តែមជ្ឈដ្ឋាន​ជាទូ​ទៅបាន​ធ្វើការ​កត់សម្គាល់​ថាក្រោយ​ពីការ​បង្ក្រាប យ៉ាងក្តៅទឹក​ប្រហែលមួយដណ្តើម​ចង្រិតប៉ុណ្ណោះ ក៏ស្រាប់​តែកើត​មាន​កន្លែង​ចិញ្ចឹម​ត្រីឆ្តោផុស​ឡើង​ព្រោង​ព្រាតស្ទើរ​លើស​ដើម​​ថែម ទៀត។  សួរថា ការកើតឡើងនូវ​ករណីដូច​បានបញ្ជាក់ខាង​លើនេះ បណ្តាល​មក​ពី​មូល​ហេតុ​អ្វី ?

យ៉ាងណាក៏ដោយ “ខ្មែរម្ចាស់ស្រុក” សូមរួមចំណែកលើកទឹកចិត្តចំពោះអាជ្ញាធរស្រុកបរិបូរណ៍ ដែល​ជំ​នះ​គ្រប់​ឧប​សគ្គ​ក្នុង​ការ​ចុះ​ បង្ក្រាប បទល្មើសទីតាំងចិញ្ចឹម ត្រីឆ្តោដូចខាងលើនេះ ៕ ប្រភព​ពី ខ្មែរម្ចាស់ស្រុក