សម្តេចនាយករដ្ឋមន្ត្រី ហ៊ុន សែន បានព្រមានមន្ត្រីនិងសមត្ថកិច្ចពាក់ព័ន្ធឲ្យចាត់វិធានការតឹងតែងលើជនបាញ់បោះសេរី ដើម្បីរក្សាសណ្តាប់ធ្នាប់សង្គម ប៉ុន្តែការអនុវត្តជាក់ស្តែង គេមិនដែលឃើញសមត្ថកិច្ចហ៊ានហើបមាត់ចំពោះជនបាញ់បោះសេរីជាអ្នកមានលុយមានអំណាចនោះទេ ហើយឪពុកម្តាយជនបាញ់បោះសេរីមួយចំនួនដែលមានតួនាទីធំៗក៏មិនដែលត្រូវបានដាក់ពិន័យឬដកហូតមុខតំណែងនោះដែរ។
មន្ត្រីនគរបាលតូចតាច នៅខេត្តកណ្តាល បានបង្ហើបឲ្យដឹងថា កូនប្រុសរបស់ស្នងការនគរបាលខេត្តកណ្តាលឈ្មោះ អ៊ាវ បញ្ញា បាននាំបក្ខពួកទៅផឹកស៊ីហើយបាញ់បោះសេរី កាលពីវេលាម៉ោង ១១និង២០នាទីយប់ថ្ងៃទី២៣ ខែធ្នូ ឆ្នាំ២០១២ នៅចំណុចមុខហាងផឹកស៊ីយីហោ ១១១ ស្ថិតនៅភូមិតាខ្មៅ ក្រុងតាខ្មៅ ខេត្តកណ្តាល។ សាក្សីដែលដឹងឮហេតុការណ៍នេះ បានបញ្ជាក់ថា ឈ្មោះ អ៊ាវ បញ្ញា និងបក្ខពួក ៤-៥នាក់ បានទៅផឹកស៊ីនៅហាង ១១១ ហើយក្រោយមកក្រុមនោះបានឈ្លោះប្រកែកគ្នាយ៉ាងខ្លាំងរំខានដល់អ្នកផឹកស៊ីក្បែរខាង ទើបអ្នកចាត់ចែងការងារទូទៅក្នុងហាង ១១១ ចូលទៅឃាត់។
បន្ទាប់មកឈ្មោះ អ៊ាវ បញ្ញា និងបក្ខពួកដែលមានជម្លោះជាមួយគ្នាបានឡើងរថយន្តម៉ាកកាមរីឆ្លាម ពណ៌ស្លែ ពាក់ស្លាកលេខ ភ្នំពេញ 2G-2087 ហើយបានដកអាវុធពីក្នុងរថយន្តបាញ់ចំនួន២គ្រាប់ ធ្វើឲ្យផ្អើលប្រជាពលរដ្ឋនិងភ្ញៀវដែលកំពុងផឹកស៊ីនៅទីនោះ ហើយគេឮសំឡេងផ្ទុះចំនួន២គ្រាប់ មុនពេលឈ្មោះ អ៊ាវ បញ្ញា បើករថយន្តចាកចេញពីហាង ១១១ ។ ភ្លាមៗនោះប្រជាពលរដ្ឋបានរាយការណ៍ទៅកាន់សមត្ថកិច្ចឲ្យចុះមកត្រួតពិនិត្យដល់កន្លែងកើតហេតុ ដើម្បីធ្វើរបាយការណ៍បញ្ជូនទៅថ្នាក់លើ ហើយក៏មានសេចក្តីរាយការណ៍ទៅកាន់អភិបាលខេត្តកណ្តាល និងមកកាន់ក្រសួងមហាផ្ទៃ ភ្លាមៗផងដែរ។
ក្រោយពេលបាញ់បោះសេរីរួច ឈ្មោះ អ៊ាវ បញ្ញា និងបក្ខពួកបានបើករថយន្តទៅច្រៀងនៅខារ៉ាអូខេយីហោ មហាអង្គរ យ៉ាងត្រជាក់ចិត្តផងដែរ ព្រោះអាងខ្លួនជាកូនប្រុសសំណព្វចិត្តរបស់ស្នងការនគរបាលខេត្តកណ្តាល គ្មាននរណាហ៊ានធ្វើអ្វីពួកគេទេ។ សមត្ថកិច្ចក្រុងតាខ្មៅបានតាមរកដានក្រុមជនបាញ់បោះសេរីទាំងនេះ ហើយក៏បានអញ្ជើញពួកគេពីហាងខារ៉ាអូខេ មហាអង្គរ មកកាន់អធិការដ្ឋានដើម្បីសួរនាំ ប៉ុន្តែគេមិនបានដឹងលម្អិតពីចម្លើយរបស់ជនបង្កហេតុនោះទេ។ ក្រោយពេលសួរនាំបានមួយសន្ទុះក្រុមជនបង្កហេតុទាំងនោះ បានចាកចេញមកវិញទាំងសើចសប្បាយធ្វើដូចជាគ្មានរឿងអ្វីកើតឡើងនោះទេ។
អំពើបាញ់បោះសេរី របស់ឈ្មោះ អ៊ាវ បញ្ញា និងបក្ខពួកដែលគ្មាននរណាហ៊ានហើបមាត់ បើទោះបីជាមិនមានការឃាត់ខ្លួនក៏ដោយ ប៉ុន្តែមន្ត្រីជាច្រើន បានរាយការណ៍ទៅក្រសួងមហាផ្ទៃហើយច្បាស់ណាស់ដែលថាអំពើបាញ់បោះសេរីមួយនេះ មិនអាចបិទបាំងពីភ្នែកត្រចៀករបស់មហាជនបានទេ ។ គេកំពុងរង់ចាំតាមដានយ៉ាងយកចិត្តទុកដាក់ ថាតើអំពើបាញ់បោះសេរីរបស់ឈ្មោះ អ៊ាវ បញ្ញា អាចធ្វើឲ្យមុខតំណែងរបស់លោក អ៊ាវ ចំរើន រង្គោះរង្គើរដែរឬអត់ ៕






ប្រជាពលរដ្ឋនៅខេត្តសៀមរាប និងអ្នកលេងបណ្តាញសង្គម (Facebook) នៅកម្ពុជា បានធ្វើការរិះគន់ខ្លាំងៗថា ក្រុមអ្នករៀបចំកម្មវិធីអង្គរសង្ក្រានឆ្នាំនេះ បានធ្វើខ្លោងទ្វារពីរនៅចំផ្លូវចូលទៅប្...Read more
ដួងចិត្តស្រ្តី ១០យ៉ាង
ស្រ្តីមានចរិតចូលចិត្តធ្វើការមិនចេះស្ងៀមទេ
ស្រ្តីមានការយកចិតទុកដាក់ទៅលើការងារលើសពួកបុរស
ស្រ្តីមានចិត្តអត់ធ្មត់ជាងបុរស
ស្រ្តីយកពេលទំនេដើម្បីធ្វើក...Read more
អ្នកមិនឯកោទេប្រសិនបើលោកអ្នកមានបុត្រធីតាធ្វើរោគវិនិច្ឆ័យទៅកើតមាននូវជំងឺ ទឹកនោមផ្អែម។ ជារៀងរាល់ឆ្នាំ នៅសហរដ្ឋអាមេរិក មានកុមារប្រមាណជាង ១៣០០០ នាក់ កើតមានជំងឺទឹកនោមផ្អែមប្រភេទ...Read more
ប្រភពព័ត៌មានពីមន្ត្រីស្និទ្ធនឹងគណៈកម្មាធិការជាតិអូឡាំពិកកម្ពុជា និងមន្ត្រីស្និទ្ធនឹងឯកឧត្តម នុត សាអាន រដ្ឋលេខាធិការក្រសួងមហាផ្ទៃ បានឲ្យដឹងថា កាលពីវេលាម៉ោង១៥រសៀល នាថ្ង...Read more
វីរបុរស់អ្នកការពារព្រៃឈើលោក ឈុត-វុទ្ធី បានលាចាកលោកយើងនេះទៅហើយក្តី តែកិត្តិនាមដ៏ឧត្តុងឧត្តមល្បីសុះសាយគ្រប់ទិសទី អំពីស្នាដៃរបស់លោក នៅតែដក់ជាប់ក្នុងក្រអៅហេះដូងជនជាតិខ្ម...Read more
កម្មករជនជាតិវៀតណាម២៣នាក់ ដែលឆ្លងដែនខុសច្បាប់ចូលមកកម្ពុជា ហើយបានមកលាក់ខ្លួន និងធ្វើការនៅក្នុងក្រុមហ៊ុនសំណង់មួយឈ្មោះថា ហត្ថពលកម្ម ក្នុងក្រុងស្ទឹងសែន ខេត្តកំពង់ធំ ត្រូវបានក្រុម...Read more
លោកអគ្គនាយកដ្ឋានទូរគមនាគមន៍កម្ពុជា មិនទាន់បានធ្វើកំណែទម្រង់ឱ្យបានស៊ីជម្រៅទៅតាមទិសដៅ របស់រាជរដ្ឋាភិបាលអាណត្តិទី ៥ នៅឡើយ ។ ការគ្រប់គ្រងនឹងដឹកនាំរបស់អគ្គនាយកបច្ចុប្បន្នកំពុងបង្កើត បក្...Read more
យើងខ្ញុំចាងហ្វាងសារព័ត៌មាន កម្ពុជាសុវណ្ណភូមិ មានកិត្តិយសសូមជំរាបជូនដំណឹងដល់សាធារណជន អាជ្ញាធរដែនដី និងមន្ត្រីរាជការគ្រប់ជាន់ថ្នាក់អោយបានជ្រាបថា អង្គភាពសារព័ត៌មាន កម្ពុជាសុ...Read more
ក្បួនរថយន្ដរបស់សម្ដេចក្រុមព្រះដែលកំពុងធ្វើដំណើរត្រឡប់ទៅទីក្រុងភ្នំពេញវិញ ត្រូវបានរថយន្ដដឹកដីមួយគ្រឿងបានបើកចូលក្បួនរថយន្តរបស់ព្រះអង្គ ហើយគៀររថយន្ដរបស់ព្រះអង្គបណ្តាលអោ...Read more
| ថ្ងៃនេះ | 278 | នាក់ |
| ម្សិលមិញ | 1433 | នាក់ |
| សប្ដាហ៍នេះ | 4362 | នាក់ |
| ខែនេះ | 5582 | នាក់ |
| ឆ្នាំនេះ | 50961 | នាក់ |
| សរុប | 57402357 | នាក់ |
| ថ្ងៃទី 05 ខែ 02 ឆ្នាំ 2026 ម៉ោង 04:33 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

