ដេប៉ូទិញឈើលេខ២មួយកន្លែងស្ថិតក្នុងភូមិជន្លង់ សង្កាត់សាលាកំរើក ក្រុងខេត្តសៀមរាបដែលមានថៅកែឈ្មោះចែឈុន ហៅចែពៅ កំពុងទទួលទិញឈើខុសច្បាប់ទាំងយប់ទាំងថ្ងៃ ក្រោមក្រសែភ្នែកលោកទាគឹមសុទ្ធនាយខណ្ឌរដ្ឋបាលព្រៃឈើខេត្តសៀមរាប។
យោងតាមប្រភពព័ត៌មានពីអ្នករកទិញលក់ឈើនៅក្បែរៗដេប៉ូរបស់ចែឈុនបានអោយដឹងថា ចែឈុនបើកដែប៉ូទិញលក់ឈើនេះ មិនដែលទិញឈើរបស់ក្រុងហ៊ុនដីសម្បទានសេដ្ឋកិច្ចទេ គឺទិញតែឈើគេដឹកតាមរថយន្តទាហ៊ាន រថយន្តសាន់យ៉ុង និងរឺម៉កខុសច្បាប់តែប៉ុណ្ណោះ។
ជាក់ស្តែងកាលពីព្រឹកថ្ងៃទី២២ខែមករាឆ្នាំ២០១៣ ចែឈុនបានទិញឈើមួយរថយន្តសាន់យ៉ុងពេញ ដែលរថយន្តដឹកឈើនោះត្រូបបានគេស្គាល់ថា ជារបស់ ចែផល្លី ដែដឹកចេញពីស្រយ៉ងកោះកេរ្តិ៍ ខេត្តព្រះវិហារមក។
នៅយប់ថ្ងៃទី២៦ ខែមករា ឆ្នាំ២០១៣ ចែឈុនបានទទួលទិញឈើមួយរឺម៉កពេញ ដែលរឺម៉កនោះត្រូវបានប្រភពរាយការណ៍ថា ដឹកឈើកមពីខេត្តព្រះវិហារឆ្លងកាត់ ស្រុកស្វាយលើមកខេត្តសៀមរាបដូចគ្នា។ នៅ
នៅព្រឹកថ្ងៃទី៥ ខែមករា ឆ្នាំ២០១៣នេះ ចែឈុនបានទទួលទិញឈើពីរថយន្តសាន់យ៉ុងពណ៍លឿងរបស់ចែផល្លីដដែល ដោយលែអោយរថយន្តនេះឈប់ពីមុខដេប៉ូដូចមុនៗ តែបែជាអោយរថយន្តដឹកឈើចូលទៅខាងក្រោយដេប៉ូ ដើម្បីទំលាក់ឈើចុះ ព្រោះខា្លចគេថតរូប។
នៅព្រឹកថ្ងៃទី៥នេះ អ្នកយកព័ត៌មានយើងនៅតែព្យាយាមរាយការណ៍ជូនលោក យឹមស៊ីវន នាយសង្កាត់រដ្ឋបាលព្រៃឈើក្រុងសៀមរាប និងស្រុកប្រាសាទបាគង លោកនៅតែមានប្រសសន៍ថា លោកនៅឆ្ងាយជាប់វាស់វែងដីធ្លីជាមួយយុវជនស្ម័កចិត្ត សុំអោយខលទៅអ្នកផ្សេង។
លោក ឡឹងសុខា មន្រ្តីរដ្ឋបាលព្រៃឈើទទួលបន្ទុកផ្នែកបង្រ្កាបនៅក្រុងសៀមរាប មិនបានចុះបង្រ្កាបការរកស៊ីដឹកឈើខុសច្បាប់ខាងលើទេ ហើយតែងតែនិយាយយកលេសថាវាមានបញ្ហាបែបនេះ បែបនោះ និងបានបដិសេធជំនួសឈ្មួញដឹកឈើឈ្មោះ ចែផល្លី ថា ” រថយន្តចែផល្លីមិនមែនមករាល់ថ្ងៃទេ កាលពីម្សិលមិញ(ថ្ងៃទី៤) ម្សិលម្ងៃ(ថ្ងៃទី៣)មានបានមកឯណា“។
លោក យ៉ានស៊ីវ័ត នាយសង្កាត់រដ្ឋបាលព្រៃឈើស្រុកស្វាយលើខេត្តសៀមរាបក៏បានបដិសេធតាមទូរស័ព្ទនៅព្រឹកថ្ងៃទី៥នេះដែរថា ”ខ្ញុំមិនដែលដឹងថាមានរថយន្តដឹកឈើម៉ាកសាន់យ៉ុងឆ្លងកាត់តាមស្រុកស្វាយលើផង សុំទោសរវល់ជាប់ប្រជុំ“ រួចបិទទូរស័ព្ទបាត់ទៅ។
នៅព្រឹកថ្ងៃទី៥នេះ យើងពុំអាចសុំការបំភ្លឺពីលោក ម៉ុងប៊ុនលីម នាយផ្នែករដ្ឋបាលព្រៃឈើ និងលោក ទាគឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាបបានទេ ព្រោះទូរស័ព្ទនៅក្រៅតំបន់សេវា។
ពលរដ្ឋនៅប៉ែកឧត្តរនៃប្រទេសកម្ពុជា បាននិយាយតៗគ្នាថា កាលពីលោក ទីសុគន្ធ នៅកាន់តំណែងព្រៃឈើកាប់បំផ្លាញខ្ចេចខ្ទី ដល់លោក ឆេងគឹមស៊ុន ឡើងកាន់តំណែងម្តងមិនត្រឹមតែខ្ទេចទេ គឺរលាយតែម្តង តែបើរលាយមានលុយចូលរដ្ឋ វារាងគ្រាន់បន្តិច តែនេះរលាយចូលតែហោប៉ៅពួកគ្រុមប្រព្រឹត្តអំពើពុករលួល ចូលតែហោប៉ៅឯកជនតែប៉ុណ្ណោះ។ ពលរដ្ឋសំនូមពរទៅលោក វណ្ណសុផាន់ណា អធិការដ្ឋានខាងជើងបឹងទន្លេសាប និងលោក ឆេងគឹមស៊ុន ប្រធានរដ្ឋបាលព្រៃឈើប្រចាំកម្ពុជា មេត្តាបើកភ្នែកមើលបទល្មើសព្រៃឈើទាំងតូចទាំងធំផងទាន៕ ដោយ៖ ផ្លុងរ៉េត (សូមជូយ share បន្តទៅ Face book របស់អ្នកបើស្រលាញ់ព្រៃឈើ)






មនុស្សម្នាក់ត្រូវបានស្លាប់ និងម្នាក់ទៀតបានរង របួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យទាំងយប់ ក្រោយពីជួបគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូ ហើយត្រូវរថយន្តយីឌុបកិនពីលើបន្ថែមទៀត កាលពីវេលាម៉ោង៦...Read more
លោក ឯម មុន្នី នាយរងរដ្ឋបាលព្រៃឈើខាងជើងបឹងទន្លេសាប ក្រោមការដឹកនាំរបស់លោក សំរិទ្ធសុខុន ព្រះរាជអាជ្ញារងតំណាងអយ្យការសាលាដំបូងខេត្តសៀមរាប បានចាប់រថយន្តឡិចស៊ិសដឹកឈើក្រញូង ១គ្រឿ...Read more
ច្បាប់ស្តីពីព្រៃឈើ
ជំពូក៨: ការហាមឃាត់ការប្រមូលផល អនុផលព្រៃឈើ និងការការពារព្រៃឈើ
មាត្រា ៣២: ព្រៃឈើត្រូវបានការពារប្រឆាំងនឹងរាល់សកម្មភាពដែលធ្វើអោយខូចខាត បណ្តាលមកពី...Read more
នគរបាលការិយាល័យអន្តោរប្រវេសន៍នៃស្នងការខេត្តសៀមរាបបានធ្វើការហៅសង្សជនជាតិយួន១អង្គរ មកធ្វើកិច្ចបញ្ឈប់លែងអោយដើរបិណ្ឌបាតបន្តទៅទៀតនេះបើយោងតាមការអោយដឹងពីសមត្ថកិច្ច។
មន្ត្រីនគរបាល ការិយាល...Read more
យោងតាមប្រភពព័ត៌មានបានអោយដឹងថា យុវជនក្លាហានជានិស្សិតសកល វិទ្យាល័យខេមរៈ ម្នាក់កំពុងជាប់ពន្ធនាគារព្រៃស រឿងប្រកាសធ្វើបដិវត្តន៍ពណ៌ក្នុងបណ្តាញទំនាក់ទំនងសង្គមហ្វេកប៊ុក បដិសេធ...Read more
កម្ពុជាជាប្រទេសដែលកំពុងអភិវឌ្ឈន៍បែបជំហ៊ានគីញគគ់ នេះបើយោងតាមប្រសាសន៍របស់លោកនាយកយករដ្ឋមន្ត្រី ហ៊ុនសែន ហើយគេសង្កេតឃើញថា មានប្រជាពលរដ្ឋកម្ពុជាជាច្រើនសែននាក់អត់ការងារធ្វើបានធ...Read more
ខ្សែភាពយន្តរឿងទុំទាវគឺជាកម្រងរឿងប្រវត្តិសាស្រ្តដែលដក់ជាប់ក្នុងក្រអៅបេះដូងកូនខ្មែរមិនអាចបំភ្លេចបានគ្រប់ៗជំនាន់ ធ្វើអោយអ្នកអាន អ្នកទស្សនា ស្រក់ទឹកភ្នែកដោយមិនដឹងខ្លួន ហើយថែមទាំងមានការកោដសរសើរតៗគ្នាមិនដាច...Read more
រថយន្តយីឌុបដឹកឈើក្រញូងបង្កប់ក្រោមដំឡូងមួយគ្រឿង ត្រូវបានកម្លាំង រដ្ឋបាលព្រៃឈើ សៀមរាប បានចាប់ ខណៈក្រុម ឈ្មួញដឹកចេញ ពីភូមិសាស្ត្រ ខេត្តឧត្តរមានជ័យ បម្រុងឆ្ពោះទៅ ទីផ្សារងងឹតឯព្រំប្រទល់ ប្រទ...Read more
| ថ្ងៃនេះ | 791 | នាក់ |
| ម្សិលមិញ | 1772 | នាក់ |
| សប្ដាហ៍នេះ | 9234 | នាក់ |
| ខែនេះ | 11027 | នាក់ |
| ឆ្នាំនេះ | 124544 | នាក់ |
| សរុប | 57475940 | នាក់ |
| ថ្ងៃទី 05 ខែ 03 ឆ្នាំ 2026 ម៉ោង 11:30 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

