កម្លំាំងចំរុះដែលចូលរួមដោយ សាលាក្រុងសៀមរាប អធិការក្រុងសៀមរាប ព្រហ្មទណ្ឌកំរិតស្រាលនៃស្នងការនគរបាលខេត្ត មន្ទីរប្រៃសណីទូរគមនាគមន៍ខេត្ត ប៉ុស្តិ៍រដ្ឋបាល និងអាជ្ញាធរដែនដី បានចុះធ្វើការនែនាំហាមប្រាមដល់ម្ចាស់ដែលបើកបំរើសេវាកម្មអ៊ីនធឺណិត អោយគោរពគោលការណ៍បីចំណុចរបស់សាលាក្រុងនៅរសៀលថ្ងៃទី៧ ខែគុម្ភៈ ឆ្នាំ២០១៣នេះ។
លោក អឿន ពៅ អភិបាលរងក្រុងសៀមរាបបានមានប្រសាសន៍អោយដឹងនៅរសៀលថ្ងៃទី៧គុម្ភៈនេះថា ខាងសាលាក្រុងនិងសមត្ថកិច្ចពាក់ព័ន្ធបាននឹងកំពុងចុះធ្វើការនែនាំដល់ម្ចាស់ហាងអ៊ីនធឺណិតជំហ៊ានទី១ចាប់ពីថ្ងៃទី៧នេះពេញមួយថ្ងៃ និងថ្ងៃទី៨មួយព្រឹកទៀតក្នុងសង្កាត់សំខាន់ៗចំនួន៤ គឺសង្កាត់ស្លក្រាម សង្កាត់ស្វាយដង្គំ សង្កាត់គោគចង និងសង្កាតសាលាកំរើក។
លោកអឿនពៅ បានបន្តថា ខាងសាលាក្រុងមានគោលការណ៍បីចំណុះគឺ ទី១-ហាងអ៊ីធឺណិតណាដែលនៅជិតសាលារៀនក្រោម៥០០ម៉ែត្រគឺនែនាំអោយបិទ ទី២-ហាងបំរើសេវាកម្មអ៊ីនធឺណិតហាមមិនអោយក្មេងៗលេងហ្គេមជាដាច់ខាត ទី៣-អ្នកមានលិខិតអនុញ្ញាតិ ឬហៅថា(Licenses) ដែលបើកហាងអ៊ីនធឺណិតជិតសាលាអាចប្តូរទីតាំងទៅបើកកន្លែងផ្សេងបាន ដែលមានចម្ងាយលើសពី៥០០ម៉ែត្រ។ រីឯអ្នកបើកអ៊ីនធឺណិតមិនទាន់មានច្បាប់សូមប្រញាប់ទៅធ្វើច្បាប់ជាបន្ទាន់។
លោកអឿនពៅ បានបន្តថា ជំហ៊ានទី២សមត្ថកិច្ចនឹងចុះនែនាំដល់សង្តាត់ចំនួន៩ទៀតដែលនៅឃ្លាតពីកណ្តាលទីក្រុង ហើយមូលហេតុដែលសមត្ថកិច្ចបានចុះអនុវត្តគោលការណ៍បីចំណុចខាងលើនេះ គឺបណ្តាលមកពីមាតាបិតាអាណាព្យាបាលសិស្សបានត្អូញត្អែថា កូនរបស់ពួកគាត់មិនសូវចូលសាលារៀន ព្រោះរវល់វគ់វង្វេងនិងហ្គេមតាមហាងអ៊ីនធឺណិតទាំងនោះ។ លោកអឿនពៅបានបន្ថែមថា ជាពិសេសលោកគ្រូអ្នកគ្រូតាមសាលារៀននានាបានរាយការថា បាត់កូនសិស្សខ្លះមិនសូវចូលរៀន ដល់តាមដានឃើញកំពុងលេងហ្គេមតាមហាងអ៊ីនធឺណិតយ៉ាងងុបងុលពុលពេញធឹង។
ស្រ្តីម្នាក់មានវ័យប្រហែលជាង៤០ឆ្នាំអង្គុយដកដើមត្រកួនដែលដាំនៅក្នុងរងបណ្តើរនិយាយប្រាប់អ្នកសារព័ត៌មានយើងបណ្តើរថា ទោះជាជីវភាពរបស់គាត់មិនសូវធូធាក៏ដោយ ក៏សព្វថ្ងៃខិតខំរកប្រាក់អោយកូនបានទៅសាលារៀនគ្រប់ៗគ្នា តែមានកូនប្រុសអាយុ៩ឆ្នាំរបស់គាត់ម្នាក់វាតែងតែជិះកង់ជាមួយមិត្តភ័ក្តិទៅលេងហ្គេមនៅតាមហាងអ៊ីធឺណិត ហើយកូនគាត់រៀនក៏មិនសូវពូកែ ព្រោះវាបានចំណាយពេលដែលមានតំលៃទៅវគ់និងហ្គេមទៅវិញ។ ស្រ្តីរូបនេះបាននិយាយទាំងញញឹមថា ”ខ្ញុំសប្បាយចិត្តដែលសមត្ថកិច្ចគិតគូបានដិតដល់អំពីបញ្ហាបិទហ្គេមតាមហាងអ៊ីនធឺណិតនេះ ហើយបន្ទាប់ពីនេះខ្ញុំសង្ឃឹមថា កូនខ្ញុំយកពេលវេលាដែលទំនេរ ទៅរៀនគួរ ឬស្វ័យសិក្សាជាមួយមិត្តភក្តិរបស់វាវិញ“។
ក្មេងប្រុសអាយុ១២ឆ្នាំម្នាក់បាននិយាយថា ”ខ្ញុមិនចង់ទៅលេងហ្គេមទេ តែពួកម៉ាកចេះតែបបួល ហើយពេលខ្ញុំលេងកាន់តែយូកាន់តែមិនចង់ឈប់ តែឥឡូវបានម៉ាកប៉ានែនាំខ្ញុំអោយខំរៀនផង ហើយជូនពេលសមត្ថកិច្ចហាមប្រាមទៀត ខ្ញុំសម្រេចចិត្តឈប់លេងហ្គេមហើយ បើទៅហាងអ៊ីធឺណិតខ្ញុំខំស្រាវជ្រាវឯកសារណាដែលពាក់ព័ន្ធនិងមេរៀនវិញ ព្រោះលេងហ្គេមអត់តែលុយអត់បានផលប្រយោជន៍អីសោះ“៕ដោយ៖ ផ្លុងរ៉េត






យោងតាមរបាយការណ៍នៃស្នងការដ្ឋាននគរបាលខេត្តបាត់ដំបហបានអោយដឹងថា យ៉ាងហោចណាស់មានមនុស្សប្រុសស្រីចំនួន១០៣នាក់ បានស្លាប់ និង៤៥៦នាក់ផ្សេងទៀតបានរងរបួសធ្ងន់ស្រាលក្នុងករណីគ្រោះថ្...Read more
ប្រជាពលរដ្ឋនៅក្រុងភ្នំពេញមានការសង្ស័យថា ក្រុមហ៊ុន ខូវ អៀងឡាយ ស្ថិតនៅចំណុច ប្រឡាយលូប្រាំ ក្នុងភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ កំពុងសាងសង់ផ្ទះល្វែងលើដីខុសច្បាប់ ខណៈក្រុម ហ៊ុន...Read more
ច្បាប់ស្តីពីព្រៃឈើ
ជំពូក៨: ការហាមឃាត់ការប្រមូលផល អនុផលព្រៃឈើ និងការការពារព្រៃឈើ
មាត្រា ៣២: ព្រៃឈើត្រូវបានការពារប្រឆាំងនឹងរាល់សកម្មភាពដែលធ្វើអោយខូចខាត បណ្តាលមកពី...Read more
នៅរសៀលម៉ោង១២និង២៧នាទី ថ្ងៃទី២៧ ខែកក្កដា ឆ្នាំ២០១៣នេះ មានបុរស់ម្នាក់ខលទូរស័ព្ទជេរប្រមាត និងគំរាមកំហែងដល់លោក ផ្លុង-រ៉េត ចាងហ្វាងសារព័ត៌មានកម្ពុជាសុវណ្ណភូមិ នេះបើតាមការអោយដឹងព...Read more
ឈើក្រញូងខុសច្បាប់ជិត២តោន ត្រូវបានលោក សំរិទ្ធសុខុន ព្រះរាជអាជ្ញារងអមសាលាដំបូងតំណាងអយ្យការ បញ្ជាអោយកម្លាំងរដ្ឋបាលព្រៃឈើខេត្តសៀមរាបរឹបអូសទៅតាមផ្លូវច្បាប់ នៅរសៀលថ្ងៃទី...Read more
ក្រុមប្រជាពលរដ្ឋបាននិយាយរិះគន់ខ្លាំងៗថាបន្ទាប់ពីលោក ស៊ឹមសំអាត ត្រូវបានតែងតាំង ជាមេប៉ូលិសអន្តោប្រវេសន៍ ប្រចាំច្រកទ្វារអន្តរជាតិ ប៉ោយប៉ែតជំនួសលោក សៅ ប៊ុនរិទ្ធ ដែលត្រូវ...Read more
ក្រោយពីមានការរិះគន់ខ្លាំងៗ ពីសំណាក់មហាជន និងអ្នកប្រើប្រាស់បណ្ដាញសង្គម Facebook ពីការរចនាក្លោងទ្វារអង្គរសង្គ្រានដែលត្រូវបានគេចោទថាមិនមែនជារចនាបទរបស់ខ្មែរ ហើយជារចនាបទរបស់យួន និងចិននោះនាថ្ងៃទី ០៦ ...Read more
| ថ្ងៃនេះ | 468 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6629 | នាក់ |
| ខែនេះ | 6629 | នាក់ |
| ឆ្នាំនេះ | 289281 | នាក់ |
| សរុប | 57640677 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 05:56 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

