គ្រោះថ្នាក់ចរាចរណ៍មួយបានកើតឡើងរវាងរថយន្តដឹកសំរាមឈ្មោះ Gaea និងម៉ូតូ១គ្រឿងជិះគ្នា២នាក់ កាលពីវេលាម៉ោង១និង២០នាទីយប់រំលងអធ្រាតឈានចូលថ្ងៃទី១៥ ខែកុម្ភៈ ឆ្នាំ ២០១៣ នៅតាមបណ្តោយផ្លូវជាតិលេខ៦ មុខហ៊ុយគាំងប្តូរប្រាក់ ផ្សារលើធំថ្មី ស្ថិតក្នុងភូមិដកពោធិ៍ សង្កាត់ស្លក្រាម ក្រុងសៀមរាប បណ្តាលអោយមនុស្ស២នាក់ស្លាប់បាត់បង់ជីវិត។
ប្រភពពីកន្លែងកើតហេតុបានអោយដឹងថា ទាំងរថយន្តបង្កហេតុ និងម៉ូតូជនរងគ្រោះបើកបរលឿនដូចគ្នា ធ្វើដំណើរបញ្ច្រាសទិស ពីលិចទៅកើត និងពីកើតទៅលិច បុកគ្នាលាន់លឺសូគ្រាំង បន្ទាប់មកឃើញមនុស្សដួលដេកលើថ្នល់ ទើបពួកគាត់នាំគ្នារតទៅមើលកន្លែងកើតហេតុភ្លាមៗ ស្រាប់តែឃើញជនរងគ្រោះម្នាក់ក្នុងចំណោមពួកគេស្លាប់បាត់ទៅហើយ និងម្នាក់ទៀតត្រូវបានពលរដ្ឋជួយដឹកយកទៅមន្ទីរពេទ្យ ឯតៃកុងរថយន្តរតបាត់ស្រមោល។
នាយរងការិយាល័យចរាចរផ្លូវគោក និងជាប្រធានវេនប្រចាំការពេលយប់បានឲ្យដឹង ថា ជនរងគ្រោះដែលស្លាប់ដោយសារគ្រោះថ្នាក់ចរាចរណ៍ខាងលើនេះ ទី១-ឈ្មោះ សឿនចន ភេទប្រុសអាយុ១៦ឆ្នាំ រស់នៅភូមិចុងកៅស៊ូ សង្កាត់ស្លក្រាម ក្រុងសៀមរាប (ជាអ្នកបើកម៉ូតូម៉ាកសេ១២៥ពណ័ ខ្មៅ ស៊េរីឆ្នាំ២០១២ ពាក់ផ្លាកលេខសៀមរាប1L-7339) ចំណែកម្នាក់ទៀតឈ្មោះ ធី ភេទប្រុស អាយុ២៣ឆ្នាំ រស់នៅភូមិជាមួយគ្នាបានស្លាប់បាត់បង់ជីវិតនៅពេលបញ្ជូនទៅសង្គ្រោះនៅមន្ទីរពេទ្យរយៈ២ម៉ោងក្រោយកើតហេតុ។
សមត្ថកិច្ចបានបន្តថា អ្នកបើកបរឡានដឹកសំរាមរបស់ ក្រុមហ៊ុន Gaea មានឈ្មោះ រតនៈ ភេទប្រុសអាយុ២៦ឆ្នាំ រស់នៅភូមិជ្រាវ សង្កាត់ជ្រាវ ក្រុងសៀមរាប បានរត់គេចខ្លួន បន្សល់ទុករថយន្តម៉ាក DAEWOO ពាក់ផ្លាកលេខសៀមរាប 3A-0860 នៅកន្លែងកើតហេតុ។
សមត្ថកិច្ចបានប្រគល់សាកសពជនរងគ្រោះទៅឲ្យ ម្តាយឈ្មោះ សំរិទ្ធសុភក្រ ភេទស្រី អាយុ៣៤ឆ្នាំ ដើម្បីយកទៅធ្វើបុណ្យតាមប្រពីណៃ។ ចំណែកឯរថយន្តបង្កហេតុ ដែលតៃកុងបើកបររត់ចោល ខាងលើនេះ សមត្ថកិច្ចជំនាញបន្ទាប់ពីមានការវាស់វែងរួចរាល់ហើយ បានបញ្ជូនទៅរក្សាទុកនៅស្នងការនគរបាលខេត្តសៀមរាប ដើម្បីចាត់ការទៅតាមផ្លូវច្បាប់។
បើយោងតាមសម្តីរបស់មេការក្រុមហ៊ុនដឹកសំរាមខាងលើនេះបានឲ្យដឹងថា អ្នកបើកបររថយន្តខាងលើទើបតែមកធ្វើការបានរយៈពេល២ខែប៉ុណ្ណោះ។
លោក ជឹមសុវណ្ណ ប្រធានចរាចរណ៍ផ្លូវគោគនៃស្នងការដ្ឋានខេត្តសៀមរាបបានប្រាប់តាមទូរស័ព្ទ នៅរសៀលថ្ងៃទី១៥ ខែគុម្ភៈ ឆ្នាំ២០១៣នេះថា ខាងជំនាញកំពុងធ្វើការ ពុំទាន់ដឹងថា ខាងណាខុសខាងណាត្រូវនៅឡើយទេ។
ពលរដ្ឋនៅក្រុងសៀមរាបបានរិះគន់ថា រថយន្តដឹងសំរាបរបស់ក្រុមហ៊ុន Gaea នេះបើកបរដឹកសំរាមក្នុងល្បឿនលឿនដូចហោះជារៀងរាល់ថ្ងៃ ដែលធ្វើអោយពួកគាត់តែងតែមានការព្រួយបារម្ភខ្លាចបង្កគ្រោះថ្នាក់ចរាចរណ៍ តែឥឡូវគ្រោះថ្នាក់ដូចការគិតមែន៕






រថយន្តដឹកសាំងដែលមានស្លាកយីហោ សូគឺម៉ិច ដែលត្រូវបានគេស្គាលថា ជារបស់លោកសុកគង់មហាសេដ្ឋីស្រុកខ្មែរ លួចដឹកឈើក្រញូងពេញស៊ីតេនសាំង ត្រូវបានកម្លាំងសមត្ថកិច្ចបង្ក្រាបបាន...Read more
បន្ទាប់ពីធ្វើការស្រាវជ្រាវអស់រយៈពេលជាច្រើនថ្ងៃក្នុងករណីគ្រួសារប៉ូលីសប៉ុស្តិ៍ពុលទាំងគ្រួសារកាលពីថ្ងៃទី២៤ ខែឧសភា ឆ្នាំ២០១៥ ក្រុងសមត្ថកិច្ច ជំនាញបានឲ្យដឹងថា នាយរងប៉ុស្ដិ៍នគរបាល សង្កាត...Read more
លោក យិន ប្រសិទ្ធ នៅតែមានសិទ្ធិអំ ណាចធំធេងក្នុងការចាត់តាំងមន្ត្រីជំនិតៗឲ្យចុះប្រមូលលុយពីក្រុមឈ្មួញរកស៊ីដឹកជញ្ជូនទំនិញគេចពន្ធនិងអ្នករកស៊ីដឹកឈើខុសច្បាប់មិនដែលឈឺក្បាលវិលមុខពីចំណ...Read more
យោងតាមមន្ត្រីតុលាការថ្លែងអោយដឹងថា នៅរសៀលថ្ងៃទី១៨ ខែកក្កដា ឆ្នាំ២០១៥ លោក លាងសំណាត់ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនលោក សុខ ប៊ុន អតីតប្រធានក្រុមហ៊ុន TEHO Devel...Read more
ពាក្យស្លោកមួយបានពោលថា កូលាបតែងមានបន្លា រីឯស្នេហាតែងមានឧប្បសក្តិ អ្នកខ្លះមានស្នេហាមានសេចក្តីសុខ អ្នកខ្លះមានស្នេហាបែជាមានទុក្ខ ដោយសាការព្រាត់ប្រាស បែកបាក់ មិនទទួលប...Read more
អ្នកមិនឯកោទេប្រសិនបើលោកអ្នកមានបុត្រធីតាធ្វើរោគវិនិច្ឆ័យទៅកើតមាននូវជំងឺ ទឹកនោមផ្អែម។ ជារៀងរាល់ឆ្នាំ នៅសហរដ្ឋអាមេរិក មានកុមារប្រមាណជាង ១៣០០០ នាក់ កើតមានជំងឺទឹកនោមផ្អែមប្រភេទ...Read more
ជំនួញឈើប្រណិតប្រភេទធ្នុងកំពុងសម្រុកដឹកជញ្ជូនយ៉ាងគំហុកអាណាធិបតេយ្យទៅប្រទេសវៀតណាមតាមរយៈរថយន្តសាំយ៉ុង និងរថយន្តស៊េរីទំនើបដូចជា លុច្សស៊ីស បាឡែន ធុនត្រា ឡង់គ្រីស័រ ហាយឡែនដ័រជា...Read more
យោងតាមប្រភពព័ត៌មានពីបណ្តាញសង្គម (Facebook) ដែលអាចជឿងទុកចិត្តនៅព្រឹកថ្ងៃទី២១ ខែតុលា ឆ្នាំ២០១៥នេះបានអោយដឹងថា លោក សខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានសម្រេចប...Read more
លោក ចាបសុផារិទ្ធ មេប៉ូលីសសេដ្ឋកិច្ចខេត្តបន្ទាយមានជ័យ កំពុងតែសប្បាយ ក្នុងការប្រមូលលុយក្រោមតុពីក្រុមឈ្មួញរកស៊ីនាំទំនិញខុសច្បាប់ចូលពីប្រទេសថៃ មកកម្ពុជាតាមច្រកមួយចំនួន...Read more
យោងតាមរបាយការណ៍នៃស្នងការដ្ឋាននគរបាលខេត្តបាត់ដំបហបានអោយដឹងថា យ៉ាងហោចណាស់មានមនុស្សប្រុសស្រីចំនួន១០៣នាក់ បានស្លាប់ និង៤៥៦នាក់ផ្សេងទៀតបានរងរបួសធ្ងន់ស្រាលក្នុងករណីគ្រោះថ្...Read more
| ថ្ងៃនេះ | 558 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6719 | នាក់ |
| ខែនេះ | 6719 | នាក់ |
| ឆ្នាំនេះ | 289371 | នាក់ |
| សរុប | 57640767 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 06:55 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

