លោកសមរង្ស៊ីដកពាក្យបណ្ដឹងសំណុំរឿងលោក ហោណាំហុងចេញពីសាលាឧទ្ធរណ៏

លោក ជូ​ង ជូ​ងី មេធាវី​ការពារ​ក្ដី​ឲ្យ​លោក​សម រង្ស៊ី ប្រធាន​គណបក្ស​សង្គ្រោះ​ជាតិ ជា​គណបក្សប្រឆាំង​ក្នុង​ប្រទេស​កម្ពុជា ដែល​កំពុង​រស់​និរទេស​បាន​ថ្លែង​ប្រាប់​ក្រុម​អ្នក​រាយ​ការណ៏ព័ត៌មាន​កាលពី​ព្រឹក​មិញថា​ដោយសារតែ​លោក​សម រង្ស៊ី មិន​ចង់ឲ្យ​មាន​រឿង​វែងឆ្ងាយ , ម្យ៉ាង​ដោយសារតែ​តុលាការ​ប្រទេស​បារាំង​ធ្លាប់​បាន​សម្រេច​ក្ដី​នេះ​ឲ្យ​លោក​សម រង្ស៊ី ឈ្នះ​លោក​ហោ​ណាំហុង ម្ដង​រួចមកហើយ​។​

ខណៈ​ដែល​ដល់​ថ្ងៃ​ត្រូវ​ចូល​ខ្លួន​សាកសួរ​នា​ថ្ងៃ​ទី​១២​មីនា​នេះ​មេធាវី​ការពារ​ក្ដី​ឲ្យ​មេដឹកនាំ​គណបក្សប្រឆាំង​បែរជា​បាន​ដក​ពាក្យបណ្ដឹង ប្រឆាំង​សាលក្រម​របស់​តុលាការក្រុង​ភ្នំពេញ​ដែល​បាន​សម្រេច​ឲ្យ​មេដឹកនាំ​គណបក្សប្រឆាំង​ជាប់ពន្ធនាគារ​២​ឆ្នាំ​ទាក់ទង​សំណុំរឿង​បរិហាកេរ្តិ៏លោ​ក ហោ ណាំហុង រដ្ឋមន្ត្រី​ក្រសួង​ការបរទេស​កម្ពុជា​។​

​​គួរបញ្ជាក់​ថា លោក សម រង្ស៊ី បាន​អត្ថាធិប្បាយ​នៅក្នុង​សៀវភៅ​ដែល​មាន​ចំណងជើង​”​ប្ញ​ស​ដុះ​ក្នុង​ថ្ម​”​ដោយ​បាន​ហៅ​លោក​លោក ហោ ណាំហុង ជា​មេ​គុក​បឹងត្របែក ដែល​វា​បាន​ក្លាយជា​ដើមចម​ទៅរក​ការប្ដឹងប្ដល់​យ៉ាង​ចម្រូងចម្រាស​៕