សកម្មភាពដឹកជញ្ជូនឈើបេង ធ្នង គគឺ និងឈើលេខ២តាមរថយន្តយីឌុបស្ទើជារៀងរាល់យប់ពីខេត្តព្រះវិហារមកខេត្តសៀមរាបដើម្បីធ្វើសាលប្រជុំមួយខ្នង ត្រូវបានគេមើលឃើញថា ឈើដែលដឹកនោះវាច្រើនលើសលុបពីតម្រូវការ ព្រោះដឹក២ឆ្នាំហើយនៅតែមិនទាន់គ្រប់ទៀត។
យោងតាមប្រភពព័ត៌មានពីពលរដ្ឋ និងសមត្ថកិច្ចតាមដងផ្លូវលេខ៦៧ (ផ្លូវហៃវ៉េ) បានអោយដឹកថា មានយប់ខ្លះរថយន្តដឹកឈើរបស់លោក សៀងណាំ អ្នកឧកញ្ញាតំណាងរាស្រ្តខេត្តសៀមរាប ដឹក២-៤រថយន្ត យប់ខ្លះ១-២រថយន្ត ស្ទើជារៀងរាល់យប់អស់រយៈពេល២ឆ្នាំហើយ ដោយលោកសៀងណាំធ្លាប់ឆ្លើយអះអាងតាមទូរស័ព្ទថា ជាឈើដែលលោកយកមកធ្វើសាលប្រជុំនៅសង្កាត់ក្របីរាល ខេត្តសៀមរាប។ ប្រភពបន្តថា ឈើដែលលោកសៀងណាំដឹកនេះវាច្រើនណាស់ រហូតពួកគាត់ចោទសួរថា តើដឹកដល់ថ្ងៃណា? ហើយគម្រោងធ្វើសាលប្រជុំនេះ ត្រូងការឈើប៉ុន្មានម៉ឺនម៉ែត្រគូបទើបគ្រប់?
លោក ម៉ុងប៊ុនលីម នាយផ្នែករដ្ឋបាលព្រៃឈើបានបកស្រាយប្រាប់អ្នកយកព័ត៌មានយើងដោយអះអាងតាមទូរស័ព្ទនៅព្រឹកថ្ងៃទី២៩មិនានេះថា គេហ៊ានដឹកឈើ ច្បាប់ជាគេមានច្បាប់ហើយ ហើយលោកមិនដែលឃើញច្បាប់ទេ ព្រោះគេយកទៅចម្លងជូនឯខណ្ឌរដ្ឋបាលព្រៃឈើ។ លោកម៉ុងប៊ុនលីមបន្តថា បើចង់ដឹកច្បាស់ទៅមើលឯក្របីរាលទៅ បើអ្នកកាសែតឯងខ្លាចគេយកឈើលក់ចេញក្រៅតាមដានមើលខ្លួនឯងទៅ បើឃើញជួយប្រាប់ផង។
យើងពុំអាចសុំការបំភ្លឺពីលោក ឧកញ្ញាសៀងណាំបានទេនៅព្រឹកថ្ងៃទី២៩មិនាដដែលនេះ ព្រោះទូរស័ព្ទចូលមិនមានអ្នកលើកទទួល។
មានប្រភពប្រជាពលរដ្ឋនៅឃុំក្របីរាលក្បែរកន្លែងធ្វើសាលប្រជុំបាននិយាយតាមតៀមកាហ្វេដែលមិនយកជាផ្លូវការណ៍ថា ឈើធ្វើសាលប្រជុំនេះទោះដឹក១០ឆ្នាំទៀតក៏មិនគ្រប់ដែរ ព្រោះមានគេបណ្តោះឈើដឹកចេញទាំងរថយន្តៗទៅទិសខាងលិចតាមផ្លូវក្រវាត់ក្រុង។ ពួកគាត់បន្តថា យើងអាចនិយាយបានតែតាមតៀមកាហ្វេតែប៉ុណ្ណោះ មិនអាចចេញមុខអះអាងជាផ្លូវការណ៍បានទេ ព្រោះលោកឧកញ្ញាសៀងណាំជាមនុស្សមានលុយមានអំណាច តាំពីគាត់ចាកចេញពីខេត្តសៀមរាបទៅរកស៊ីនៅឯខេត្តកោះកុង រហូតមានបាន ទើបត្រឡប់មកខេត្តសៀមរាបវិញ។
ពលរដ្ឋខេត្តសៀមរាបរិះគន់ទៅលើលោក ម៉ុងប៊ុនលីម នាយផ្នែករដ្ឋបាលព្រៃឈើថា ខ្លូនជាមន្ត្រីជំនាញមិនធ្វើការតាមទួនាទីអោយបានត្រឹមត្រូវ បែជាអោយអ្នកកាសែតជាអ្នកស៊ើបអង្កេតករណីបទល្មើសព្រៃឈើជំនួសខ្លួនទៅវិញ នេះ ពិតជាស៊ីបាយ ចាយបំផ្លាញតែលុយរដ្ឋាភិបាលមែន ចាំតែហៃអើហៃអើដូចអាជ័យធ្លាក់ទឹកអញ្ចឹង៕ ដោយ៖ ផ្លុងរ៉េត






មន្ត្រីរាជការនៃមន្ទីរធម្មការខេត្តពោធិ៍សាត់បានឲ្យដឹងថា ការដែលឈ្មោះ ពេជ្រ ចន្ថា ប្រព្រឹត្តអំពើពុករលួយតាមរយៈកេងប្រវ័ញ្ចថវិកាជាតិ និងថវិកាចំណាយលើគម្រោងផ្សេងៗនោះគឺមានការបើកដៃពីលោក នូ...Read more
លោក ឯម មុន្នី នាយរងរដ្ឋបាលព្រៃឈើខាងជើងបឹងទន្លេសាប ក្រោមការដឹកនាំរបស់លោក សំរិទ្ធសុខុន ព្រះរាជអាជ្ញារងតំណាងអយ្យការសាលាដំបូងខេត្តសៀមរាប បានចាប់រថយន្តឡិចស៊ិសដឹកឈើក្រញូង ១គ្រឿ...Read more
គេសង្កេតឃើញថា មានបុគ្គលមួយចំនួននៅបំរើការក្នុងក្រសួងសង្គមកិច្ចមានបក្ខពួកនិយម បណ្តាលអោយមានភាពអយុត្តិធម៌លើមន្ត្រីរាជការ ដូច្នេះលោក ចេង ដារ៉ាវុធ (អតីត) ប្រធានស្តីទីនាយកដ...Read more
សិប្បកម្មឈ្មោះ ទូ ហៀង (យាយម៉ាប់)កំពុងក្លាយទៅជាទីតាំងស្តុកឈើនិងលក់ឈើប្រណិតនៅក្នុងឃុំមេម៉ង់ ស្រុកកែវសីមា ខេត្តមណ្ឌលគីរី ហើយក៏ជាជើងខ្លាំងល្បីឈ្មោះបោះសំឡេងជាច្រើនឆ្នាំមកហើយ...Read more
ក្រុមហ៊ុន ម៉េងឌីលែន ត្រាវកុដ្ធិ បើកលក់ហើយ!
១-គម្រោងដីឡូតិ៍
២-ផ្ទះល្វែងអាជីវកម្ម
៣-ផ្ទះវីឡាលំហែបែបថៃ
សូមអានព័ត៌មានលម្អិតដែលមាននៅក្នុងខិតប័ណផ្សព្វផ្សាយខាងក្រោម និងទំនាក់ទំនងសាកសួរព័ត៌មានលម្អ...Read more
មេឆ្នោតឬហៅថាជាមេកន្ទុយលេខដែលកំពង់ប្រព្រឹត្តយ៉ាងសកម្មនិងដុះស្លែរក្នុងផ្សាកំពង់ស្ពឺក្បែរភ្នែកលោកប៉ូលីស៏និងប៉េអឹម ថែមទាំងក្បែរសាលា ខេត្តកំពង់ស្ពឺផងនោះ ពេលនេះមេឆ្នោតទាំងនេះនៅតែបន្តកត់និងប្រមូលលុយព...Read more
| ថ្ងៃនេះ | 468 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6629 | នាក់ |
| ខែនេះ | 6629 | នាក់ |
| ឆ្នាំនេះ | 289281 | នាក់ |
| សរុប | 57640677 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 05:55 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

