គណបក្ស​ទាំង​ពីរ​ព្រម​ព្រៀង​គ្នា​ ៣​ចំណុច

ក្រោយ​កិច្ច​ប្រជុំ​ជិត ៤ម៉ោង​នៅ​ក្នុង​រដ្ឋសភា គណបក្ស​ជាប់​ឆ្នោត​ទាំង​ពីរ​បាន​ចេញ​សេចក្តី​ប្រកាស​រួម ដោយ​សម្រេច​ព្រម​ព្រៀង​គ្នា​ចំនួន ៣​ចំណុច។

១- ឯកភាព គោរព និង​អនុវត្ត​យ៉ាង​ម៉ឹងម៉ាត់ ចំពោះ​ព្រះ​រាជសារ​របស់​ព្រះមហាក្សត្រ កាល​ថ្ងៃទី​១៦ ខែ​កញ្ញា ឆ្នាំ​២០១៣ ដើម្បី​កុំឲ្យ​មាន​អំពើ​ហិង្សា​រវាង​ក្រុម​បាតុករ និង​ក្រុម​សមត្ថកិច្ច។

២-​ឯកភាព ធ្វើ​ការ​កែទម្រង់​សម្រាប់​ការ​បោះ​ឆ្នោត​ខាងមុខ​។

៣-​ថ្នាក់ដឹកនាំ​គណបក្ស​ទាំងពីរ បាន​ឯកភាពគ្នា​ថា នឹង​មាន​ការជួបប្រជុំ​គ្នា​តទៅទៀត តាម​គ្រប់​កំរិត​។​

សេចក្តី​ប្រកាស​រួម​ពី​លទ្ធផល​នៃ​កិច្ចប្រជុំ​កំពូល​រវាង​គណបក្ស​ប្រជាជន​ កម្ពុជា និង​គណបក្ស​សង្គ្រោះ​ជាតិ ត្រូវ​បាន​ចុះ​ហត្ថលេខា​ដោយ​ថ្នាក់​ដឹក​នាំ​កំពូល​នៃ​គណបក្ស​ទាំង​ពីរ ដោយ​ខាង​គណបក្ស​ប្រជាជន​កម្ពុជា មាន​លោក ​ហ៊ុន ​សែន លោក ​ស ​ខេង លោក ​សាយ ​ឈុំ និង​ខាង​គណបក្ស​សង្គ្រោះ​ជាតិ ចុះ​ហត្ថលេខា​ដោយ​លោក សម រង្ស៊ី លោក​ កឹម ​សុខា និង​លោក ប៉ុល ហំ​ម​។​

តំណាង​គណបក្ស​ទាំង​ពីរ​នឹង​ធ្វើ​សន្និសីទ​សារព័ត៌មាន​រួម​គ្នា​នៅ​រសៀល​ថ្ងៃ​នេះ៕