លោក តេង សួនប្រធានក្រុមនគរបាលបង្ក្រាបបទល្មើសដែនសមុទ្រខេត្តកំពតកំពុង ត្រូវគេ រិះគន់យ៉ាងចាស់ដៃពាក់ព័ន្ធនឹងករណីឃុបឃិតគ្នាប្រព្រឹត្តអំពើពុករលួយបិទបាំងបទ ល្មើសដែនសមុទ្រដោយគ្មានកោតញញើតពីច្បាប់ទម្លាប់ឬបទបញ្ជារបស់អគ្គស្នងការនគរបាលជាតិនោះឡើយ។ មន្ត្រីនគរបាលម្នាក់សុំមិនបញ្ចេញឈ្មោះបានប្រាប់ឲ្យដឹងថា លោក តេង សួន អត់ដែល បង្ហាញស្នាដៃបង្ក្រាបអ្វីធំដុំទេគឺសំងំតែប្រមូលលុយពីបទល្មើសនេសាទ ការដឹកជញ្ជូនឈើគ្រញូងខុសច្បាប់ និងការនាំចូលទំនិញគេចពន្ធនិងទំនិញខុសច្បាប់ដែលក្រុមឈ្មួញ ដឹកជញ្ជូនឆ្លងកាត់ផ្ទៃសមុទ្រខ្មែរដែលស្ថិតក្រោមការគ្រប់គ្រងរបស់ខ្លួនតែប៉ុណ្ណោះ។
គ្រាន់តែការចំណាយ លុយបេសកកម្មសម្រាប់ក្រុមបង្ក្រាបបទល្មើសលើផ្ទៃសមុទ្រ នេះក្នុងមួយខែៗរាប់សិបលានរៀល តែគ្មានផលប្រយោជន៍អ្វីនោះទេ ដូច្នេះហើយបានជាមន្ត្រីតូចតាចមួយចំនួន បានសំណូមពរឲ្យអគ្គស្នងការនគរបាលជាតិ ប្រកាសរំសាយក្រុមបង្ក្រាបបទល្មើសលើផ្ទៃសមុទ្រនៅខេត្តកំពតចោលទៅប្រសើរជាងដើម្បីសន្សំសំចៃថវិកាជាតិ ព្រោះថវិកានោះប្រៀបបានជាការជួយចេញការចាយវាយឲ្យលោកតេង សួនក្នុងពេលចេញប្រព្រឹត្តអំពើពូករលួយលើដែនសមុទ្រតែប៉ុណ្ណោះ។ ប្រភពដដែលបានបន្តថា តាំងពីលោកតេង សួន ក្លាយជាមេបង្ក្រាបបទល្មើសលើផ្ទៃសមុទ្រ កាលណាមក គេឃើញមានការបង្ក្រាបក្រុមឈ្មួញដែលរកស៊ីដឹកជញ្ជូនទំនិញគេច ពន្ធម្តងម្កាលដែរ ប៉ុន្តែមិនធំដុះទេ ហើយយូរៗធ្វើម្តងគ្រាន់ឲ្យអ្នកកាសែតជួយ ផ្សព្វផ្សាយពីស្នាដៃ ល្អ ដើម្បីបិទបាំងរឿងអាស្រូវរបស់ខ្លួនកុំឲ្យថ្នាក់លើដឹងព្រោះអាចជ្រុះស័ក្តិ៍ពីស្មាប៉ុណ្ណោះ។
ប្រភពដដែលបានបន្តថា ម្ចាស់បទល្មើសឆ្លងកាត់លើផ្ទៃសមុទ្រជារៀងរាល់យប់តែងបង់លុយកាក់អោយមន្ត្រី ប៉ូលីសព្រំដែនទឹកអស់ហើយ ជាពិសេស លោក តេង សួន បានដាក់មន្ត្រីជំនិតៗរបស់គាត់មាន ជំនាញខាងស៊ីលុយពីក្រុម ឈ្មួញស្ងាត់ៗមិន ខ្វល់ខ្វាយពីការបង្ក្រាបបទល្មើសលើផ្ទៃសមុទ្រនោះទេដែលក្នុងមួយខែៗរាប់សិបលានរៀលយកទៅចែកគ្នាដាក់ហោប៉ៅផ្ទាល់ខ្លួនយ៉ាងរំ ភើយ ។ សេចក្តីរាយការណ៏ដោយឡែកបានអោយដឹងថា នៅលើផ្ទៃសមុទ្ររបស់កម្ពុជា ចាប់ពីខេត្តកំពត កោះកុង និងខេត្តព្រះសីហនុ គឺមានបទល្មើសគ្រប់ប្រភេទដូចជាទូកដឹកជញ្ជូនឈើគ្រញូងចេញពី ខេត្តកោះកុងយ៉ាងគគ្រឹកគគ្រេងនាំយកទៅលក់នៅស្រុកយួន ប្រព្រឹត្តដោយឈ្មួញធំ។ ដោយឡែក មានទូកដឹកជញ្ជូនប្រេងសាំងគេចពន្ធ រួមទាំងប្រេងម៉ាស៊ូត មកពីស្រុកសៀម ចូលខេត្តកោះកុង ខេត្តកំពត និងខេត្តព្រះសីហនុ មួយថ្ងៃៗចំណុះរាប់សិបតោន គេមិនដែលឃើញក្រុមបង្ក្រាបបទល្មើសលើផ្ទៃសមុទ្ររបស់លោក តេង សួន យកចិត្តទុកដាក់គិតគូរបង្ការបង្ក្រាបទប់ស្កាត់បទល្មើសទាំងនេះទេ។
សូម្បីតែទូកដឹកជញ្ជូនទំនិញគេចពន្ធនិងទំនិញខុសច្បាប់មកពីស្រុកយួន និងស្រុកសៀមរបស់ក្រុមឈ្មួញទាំងធំទាំងតូច ជាពិសេសទូកដឹកទំនិញមកពីចំណុចខ្លងស៊ុន នៃស្រុកសៀម មកលើកដាក់ទំនិញនៅចំណុចផែស្រែអំបិល ផែកែវផុស សុទ្ធតែមានទំនាក់ទំនងបង់លុយឲ្យលោក តេង សួន ជាប់ជាប្រចាំទើបមិនដែលមាននរណាហ៊ានប៉ះពាល់។ សម្រាប់ទូកនេសាទរបស់ សៀម និងយួន ដែលបានចូលមកនេសាទដោយប្រើប្រាស់ឧប ករណ៍នេសាទល្មើសច្បាប់ក្នុងដែនសមុទ្រខ្មែរយ៉ាងអនាធិបតេយ្យនោះ ត្រូវបានមន្ត្រីខ្លះបង្ហើបឲ្យដឹងថា ទូកនេ សាទ របស់សៀម យួន មួយគូៗត្រូវបង់លុយឲ្យលោក តេង សួន មិនតិចជាង ១០ម៉ឺនបាតនោះទេក្នុងមួយខែៗទើបគ្មានការបង្ក្រាប។ បើរួមបញ្ចូលទាំងទូក និងសាឡង់ ដែលដឹកជញ្ជូនឈើគ្រញូងយកទៅលក់នៅស្រុកយួនរបស់ឈ្មួញធំៗមួយចំនួនក៏ ក្រុមឈ្មួញបានបង់លុយឲ្យក្រុមបង្ក្រាបបទល្មើសលើផ្ទៃសមុទ្រមិនតិច ដែរ ទើបអ្វីៗអាចដំណើរការដោយរលូន។ លោក តេង សួន មិនអាចទាក់ទងតាមទូរស័ព្ទដើម្បីសុំការអធិប្បាយពាក់ព័ន្ធការចោទប្រកាន់ ដូចខាងលើនេះបានទេកាលពីរសៀលថ្ងៃទី១១ម្សិលមិញនេះ៕
.jpg)
.jpg)
.jpg)
.png)
.jpg)
.jpg)
នគរបាល ប្រឆាំងបទល្មើស សេដ្ឋកិច្ច នៃស្នងការនគរបាល ខេត្តសៀមរាប នៅព្រឹកថ្ងៃអាទិត្យនេះ ទី២៩មីនានេះ បានចុះត្រួតពិនិត្យ នូវទីតាំង អាជីវកម្ម ឡនំបុ័ង ១កន្លែង ក្រោយពីរមាន ប្រជាពលរដ្ឋ ជាង៥០០នាក់ បានពុលនោះ។
...Read more
.JPG)
សេចក្តីប្រកាសព័ត៌មានស្តីពី លទ្ធផលនៃសម័យប្រជុះវិសាមញ្ញព្រឹទ្ធសភា នីតិកាលទី៣ ថ្ងៃទី៩ ខែមិថុនា ឆ្នាំ២០១៥។ សូមចុះលើរូបភាពដើម្បីអានព័ត៌មានលំអិត...Read more
ក្រុមក្មេងទំនើងពីរក្រុម បានបើកឆាកប្រយុទ្ធគ្នាយ៉ាងស៊ីសាច់ហុតឈាម បន្ទាប់ពីមានការឌឺដងដាក់គ្នាទៅវិញទៅមក បណ្តាលឲ្យអ្នកចាញ់២នាក់ របួសធ្ងន់ធ្ងរ ត្រូវបញ្ជូនសង្គ្រោះនៅមន្ទីរពេទ្យ។ ចំណែក...Read more
លោក ឧញ្ញា អ៊ឹង-ម៉េងជឺ ជាថៅកែស៊ីម៉ង់ពេជ្រ ត្រូវបានខ្មាន់កាំភ្លើងបាញ់សម្លាប់នៅមុខហាង ឡោតិចសេងភិភពផ្លែឈើនៅម៉ោងជាង៧យប់ នៅចំណុចបណ្តោយផ្លូវព្រះសីហនុ កែងផ្លូវ២៥០ សង្កាត់ទូលស្វាយព្រៃ២ ខណ...Read more
ប្រជាពលរដ្ឋនៅឃុំកណ្តែកមួយក្រុមបានលួចបង្ហើបអោយដឹងថា លោកខាំលឿមេឃុំកណ្តែកកំពុងតែកាប់រានដើមរាំងទឹក ព្រមទាំងចាក់ថ្នាំសំលាប់ដើមរាំងមិនអោយដុះឡើងវិញ ដើម្បីយកដីធ្វើស្រែប្រាំ...Read more
មានសេចក្តីរាយការណ៍មកថា មានប៉ូលិសផ្កាយបីម្នាក់ធ្វើការនៅក្រសួងមហាផ្ទៃ បានធ្វើការអន្តរាគមន៍ ទៅតុលាការខេត្តកណ្តាលអោយមានការដោះលែងមេឈ្មួញ ជាជនជាតិ យួន រកស៊ីកាត់តរថយន្ត ដំឡើងរថយន្ត...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា នាថ្ងៃសុក្រទី១០ខែតុលាឆ្នាំ២០១៤ (សូមចុចលើរូបភាពអត្ថបទខាងក្រោម ដើម្បីអានបន្ត)...Read more
ដីភ្នំនៅស្រុកមង្គលបូរីខេត្តបន្ទាយមានជ័យជាច្រើនកន្លែងកំពុងប្រឈមនឹងការឈូសឆាយ កាយយកអាចម៏ដីលក់យ៉ាងអណាធិបតេយ្យ បំភ្លេចបំផ្លាញភ្នំធម្មជាតិ ពីសំណាក់ក្រុមជនខិលខូច ដោយគេពុំដឹងថា ការ...Read more
នៅព្រឹកថ្ងៃទី១៥ ខែតុលា ឆ្នាំ២០១៤នេះ ព្រះរាជពិធីគោរពនិងឧទ្ទិសថ្វាយព្រះរាជកុសលដល់ព្រះវិញ្ញាណក្ខន្ធ ព្រះករុណា ព្រះបរមរតនកោដ្ឋគម្រប់២ឆ្នាំបានប្រារព្ធធ្វើ ដោយមានការចូលរួមពីរដ...Read more
យោងតាមមន្ត្រីតុលាការថ្លែងអោយដឹងថា នៅរសៀលថ្ងៃទី១៨ ខែកក្កដា ឆ្នាំ២០១៥ លោក លាងសំណាត់ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនលោក សុខ ប៊ុន អតីតប្រធានក្រុមហ៊ុន TEHO Devel...Read more
| ថ្ងៃនេះ | 648 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6809 | នាក់ |
| ខែនេះ | 6809 | នាក់ |
| ឆ្នាំនេះ | 289461 | នាក់ |
| សរុប | 57640857 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 08:07 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net