បុរសជាមេខ្យល់ នាំស្ត្រីខ្មែរឆ្លងដែន ទៅរៀបការប្តីនៅឯស្រុកចិនម្នាក់ ក្នុងចំណោមពីរនាក់ បានត្រូវ នគរបាលប្រឆាំងការជួញដូរមនុស្ស និងការពារអនីតិជនខេត្តឃាត់ខ្លួនខណៈមេខ្យល់រូបនោះបានបញ្ជូនស្ត្រី រងគ្រោះ ទៅដល់ព្រលាន យន្តហោះអន្តរជាតិសៀមរាប តែត្រូវបែកការ។
ការឃាត់ខ្លួនមេខ្យល់រូបនោះ ធ្វើឡើងនៅម៉ោង២និង៣០នាទីរសៀល ថ្ងៃទី១៣ ខែវិច្ឆិកា ឆ្នាំ២០១៣ នៅ ចំណុចគល់ស្ពានថ្ម ព្រះរាជដំណាក់ផ្នែកខាងលិចស្ទឹង ពេលជនសង្ស័យជិះម៉ូតូត្រឡប់ទៅយកស្ត្រីរងគ្រោះវិញ។
មេខ្យល់ដែលឃាត់ខ្លួន មានឈ្មោះ យ៉ុង សុផាត អាយុ៣៦ឆ្នាំ ស្រុកកំណើតនៅខេត្តស្វាយរៀង។ មុនចាប់ខ្លួន រស់នៅភូមិខ្នារ សង្កាត់ជ្រាវ ក្រុងសៀមរាប ជិះម៉ូតូធុនវីវ៉ាពណ៏ខ្មៅស្លាកលេខ ភ្នំពេញID-៩២៧៧។ ចំណែកមេខ្យល់ម្នាក់ទៀតឈ្មោះ ហួង ភេទប្រុស អាយុប្រហែលជាង៣០ឆ្នាំ ជនរូបនេះបានរត់គេចខ្លួនបាត់ ក្រោយដឹងថាបែកការ។ រីឯស្ត្រីដែលបំរ៉ុងទៅយកប្តី ជាជនជាតិចិន ទី១-ឈ្មោះ នី សុខជា អាយុ៣៣ឆ្នាំ ទី២-ឈ្មោះ ធុក សុខា អាយុ២៥ឆ្នាំ អ្នកទាំងពីរ រស់នៅខេត្ត កំពង់ចាម។
លោកវរសេនីយ៏ត្រី ឆាយ ហាក់ឡុង បានឲ្យដឹងថា ដំបូងសមត្ថកិច្ចព្រលានយន្តហោះ មានការសង្ស័យ ទៅលើស្ត្រីខ្មែរទាំងពីរូប ក៏បានហៅសាកសួរ ឃើញស្ថានការមិនប្រក្រតី សមត្ថកិច្ចព្រលានបានផ្តល់ដំណឹងមក ខាងលោក។ ភ្លាមៗខាងលោកបានសាកសួរស្ត្រីខាងលើ ហើយតាមប្រម៉ាញ់រកក្រុមមេខ្យល់ តែរកមិនទាន់ឃើញ ក៏បានឲ្យស្ត្រីរងគ្រោះ ទៅនៅរងចាំចំណុចគល់ស្ពានថ្ម ហើយទំនាក់ទំនងទូរសព្ទ័គ្នា។ លោកបានបន្តថា ពេលស្ត្រី រងគ្រោះនិយាយទូរសព្ទ័ ឲ្យមកយករូបគេវិញ ព្រោះជើងយន្តហោះត្រូវពន្យាពេល ជនសង្ស័យ បានជិះម៉ូតូ មកស្ពានថ្ម ហើយខាងលោក បានហៅទៅសាកសួរ ទើបដឹងថាមេខ្យល់មានពីរនាក់។ ជនសង្ស័យបាន សារភាពថា រូបគេពិតជាបានផ្តល់កន្លែងស្នាក់នៅ ដល់ស្រ្តីពីររូបនេះមែន ប៉ុន្តែរឿងសោហុយ ធ្វើលិខិតឆ្លងដែន និងរឿងផ្សេងទៀត គឺម្នាក់ឈ្មោះហួង ជាអ្នកផ្គត់ផ្គង់ទាំងអស់។
លោកវរសេនីយ៏ត្រី ឲ្យដឹងទៀតថា តាមការរៀបរាប់របស់ស្ត្រីឈ្មោះ នីសុខជា គឺមេខ្យល់ឈ្មោះហួង បានសន្យាឲ្យប្រាក់ ទៅក្រុមគ្រួសារគាត់៦០០ដុល្លារ និងបានឲ្យប្រាក់ដល់ដៃ២០ដុល្លារនិង៤០០០០រៀល។ រីឯ ស្ត្រី ឈ្មោះធុក សុខា បានត្រូវមេខ្យល់ឈ្មោះ ហួង ទារយកប្រាក់អស់៣៧០ដុល្លារវិញ ព្រោះនាំទៅយកប្តី អ្នកមាននៅស្រុកចិន។ ទោះបីជាមេខ្យល់ឈ្មោះ ហួង បានរត់គេចខ្លួនក៏ដោយ ពេលនេះសមត្ថកិច្ចកំពុង តាមស្រាវជ្រាវ ចាប់ខ្លួនជាបន្តទៀត ព្រោះជនរូបនោះ គឺបានស្គាល់អត្តសញ្ញាណហើយ។
ស្ត្រីរងគ្រោះទាំងពីរនាក់ បានប្រគល់ឲ្យទៅអង្គការ អាហ្វីស៊ិប អប់រំ។ ចំណែកជនសង្ស័យ និងមធ្យោ បាយធ្វើដំណើរ កំពុងរៀបចំ បញ្ជូនទៅតុលាការ ដោយចោទពីបទ អំពើលក់ដូរមនុស្សសំរាប់ឆ្លងដែន យោង តាមមាត្រា ១៦នៃច្បាប់ប្រឆាំងការជួញដូរមនុស្ស អាចប្រឈមនឹងការជាប់ពន្ធនាគារ ពី៧ទៅ១៥ឆ្នាំ ប្រសិនបើតុលាការរកឃើញ កំហុសដូចការចោទប្រកាន់៕






បន្ទាប់ពីធ្វើការស្រាវជ្រាវអស់រយៈពេលជាច្រើនថ្ងៃក្នុងករណីគ្រួសារប៉ូលីសប៉ុស្តិ៍ពុលទាំងគ្រួសារកាលពីថ្ងៃទី២៤ ខែឧសភា ឆ្នាំ២០១៥ ក្រុងសមត្ថកិច្ច ជំនាញបានឲ្យដឹងថា នាយរងប៉ុស្ដិ៍នគរបាល សង្កាត...Read more
ប្រជាពលរដ្ឋរួមគ្នាស្តារព្រៃឈើឡើងវិញតាមរយៈ គម្រោងទេសចរណ៍នៅក្នុងសហគមន៍បន្ទាប់ពីព្រៃឈើនៅ មូលដ្ឋាន ខ្លួនបាន រងការបំផ្លាញយ៉ាងធ្ងន់ធ្ងរដោយសារការកាប់ បំផ្លាញពីសំណាក់អ្នកភូមិខ្លួនឯងផង និងជនខិលខូច មកពីក្រៅផង។
...Read more
ក្រុមក្មេងទំនើងពីរក្រុម បានបើកឆាកប្រយុទ្ធគ្នាយ៉ាងស៊ីសាច់ហុតឈាម បន្ទាប់ពីមានការឌឺដងដាក់គ្នាទៅវិញទៅមក បណ្តាលឲ្យអ្នកចាញ់២នាក់ របួសធ្ងន់ធ្ងរ ត្រូវបញ្ជូនសង្គ្រោះនៅមន្ទីរពេទ្យ។ ចំណែក...Read more
យោងតាមប្រភពពីសមត្ថកិច្ចបានឱ្យដឹងថាច្រក ដាក់ដាំ គឺជាច្រកដែលពោរពេញ ទៅដោយបទល្មើស ដឹកជញ្ជូនឈើប្រណិត ទៅលក់នៅស្រុកយួន យ៉ាងគគ្រឹកគគ្រេង ព្រោះតែឈ្មួញរកស៊ីឈើខុសច្បាប់ បានឃុបឃិតជាមួយម...Read more
ប្រជាជនខ្មែរមួយចំនួនតែងមានជំនឿថា បើថ្ងៃខែឆ្នាំណាគេរកស៊ីមានបានទ្រព្យធនហូរចូល ឡើងបុណ្យឡើងសក្តិ ឡើងប្រាក់ខែ នោះគេតែងនិយាយថា ថ្ងៃខែឆ្នាំនេះរាសីឡើងខ្ពស់ ឬយីអ៊ុនឡើង តែបើគេរកស៊ីខាតបង...Read more
យោងតាមសេចក្តីរាយការណ៍ពីសារព័ត៌មានវៀតណាមបានអោយដឹងថា ទូកវៀតណាមពីរគ្រឿង បានលិចនៅចុងសប្ដាហ៍នេះ បណ្តាលអោយមនុស្សម្នាក់បានស្លាប់ និង១០នាក់ទៀតបានបាត់ខ្លួនដោយនាវិកប្រាំបីនាក់នៅលើនាវា Xuan Phuc...Read more
គេសង្កេតឃើញថា មានបុគ្គលមួយចំនួននៅបំរើការក្នុងក្រសួងសង្គមកិច្ចមានបក្ខពួកនិយម បណ្តាលអោយមានភាពអយុត្តិធម៌លើមន្ត្រីរាជការ ដូច្នេះលោក ចេង ដារ៉ាវុធ (អតីត) ប្រធានស្តីទីនាយកដ...Read more
អគ្គលេខាធិការដ្ឋានព្រឹទ្ធសភា មានកិត្តិយសសូមជំរាបជូនសាធារណជនជ្រាបថា នាថ្ងៃព្រហស្បត៍ទី០៩ខែតុលាឆ្នាំ២០១៤ (សូមចុចលើរូបភាពខាងក្រោម ដើម្បីអានបន្ត)...Read more
| ថ្ងៃនេះ | 753 | នាក់ |
| ម្សិលមិញ | 1772 | នាក់ |
| សប្ដាហ៍នេះ | 9196 | នាក់ |
| ខែនេះ | 10989 | នាក់ |
| ឆ្នាំនេះ | 124506 | នាក់ |
| សរុប | 57475902 | នាក់ |
| ថ្ងៃទី 05 ខែ 03 ឆ្នាំ 2026 ម៉ោង 10:04 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

