មន្ត្រីសាលាស្រុកពញាឮម្នាក់ក៏បានបង្ហើបឲ្យដឹងផងដែរថារឿងដែលឧកញ៉ា ប៊ុត ចន្ធូ យកគន្លងដាយទាំង ៤កន្លែងដែលសម្រាប់ធ្វើការអភិរក្ស ស្រាវជ្រាវពូជត្រីទៅលក់ឲ្យក្រុមឈ្មួញ ជាការបំពានទៅលើសេចក្តីណែនាំរបស់ក្រសួងកសិកម្ម ក៏ដូចជារដ្ឋបាលជលផល ព្រោះក្រុមឈ្មួញកំពុងតែធ្វើអាជីវកម្មបំផ្លិចបំផ្លាញធនធានមច្ឆជាតិ ផ្ទុយពីលការអភិរក្សពូជត្រី។ ឧទាហរណ៍ជាក់ស្តែង គ្រាន់តែដាយលេខ ១៣បេ ដែលគ្រប់ គ្រងដោយឈ្មោះ ប៊ុត វណ្ណរី លក់ទៅឲ្យឈ្មោះសឹម ម៉ាឡៃ ចំណេញយ៉ាងតិចក៏ជាង១០ម៉ឺនដុល្លារអាមេរិក ហើយសម្រាប់គន្លងដាយទាំង ៣កន្លែងទៀត ដែលមានតម្លៃប្រហាក់ប្រហែលគ្នាគឺឧកញ៉ា ប៊ុត ចន្ធូ អាចប្រមូលលុយពីការលក់គន្លងដាយបានដល់ទៅ៤០ម៉ឺនដុល្លារក្នុងមួយរដូវ ដែលតាមពិតគន្លងដាយទាំង៤កន្លែងនេះក្រសួងកសិកម្មបានសម្រេចបង្កើតឡើងសម្រាប់ការអភិរក្ស និងស្រាវជ្រាវពូជត្រី មិនមែនទុកឲ្យឧកញ៉ា ប៊ុត ចន្ធូ យកទៅលក់ដូរឲ្យឈ្មួញធ្វើអាជីវកម្ម តាមបែបអនាធិបតេយ្យយ៉ាងនេះទេ។ ឧកញ៉ា ប៊ុត ចន្ធូ ដែលជាដង្ខៅរកស៊ីនាំចូលត្រីខុសច្បាប់មកពីស្រុកយួន និងជាអ្នករត់ការឡូត៍នេសាទដ៏ជំនាញ បានឃុបឃិត ជាមួយជំនាញជលផលខេត្តកណ្តាល របស់លោក ឃ្លាំង វណ្ណធុល រៀបចំសំណើមកកាន់រដ្ឋបាលជលផល ដើម្បីស្នើសុំបង្កើតឡូត៍គន្លងដាយចំនួន៤ តាមដងទន្លេសាប ស្ថិតក្នុងស្រុកពញាឮ ខេត្តកណ្តាល រហូតត្រូវបានរដ្ឋមន្ត្រីក្រសួងកសិកម្ម ចំណារឯកភាព។ ហើយឡូត៍ទាំង៤កន្លែងនេះ គឺជាតំបន់អភិរក្សសម្រាប់ស្រាវជ្រាវពិសោធន៍ពូជត្រី បែរជាឧកញ៉ា ប៊ុត ចន្ធូ ប្រមូលលក់ឲ្យក្រុមឈ្មួញធ្វើអាជីវកម្មក្នុងនោះសូម្បីតែត្រីយកមកធ្វើប្រហុកក៏ឈ្មួញលក់ចេញក្នុងតម្លៃខ្ពស់ ធ្វើឲ្យប្រជាពលរដ្ឋជួបផលលំបាកយ៉ាងខ្លាំង ហើយគេមិនច្បាស់ទេថា តើឧកញ៉ា ប៊ុត ចន្ធូ លក់គន្លងដាយទាំងនេះក្នុងតម្លៃប៉ុន្មាននោះទេ។ មានការបញ្ជាក់ផងដែរថា ដាយចំនួន៣ ត្រូវបានឧកញ៉ា ប៊ុត ចន្ធូ លក់ទៅឲ្យឈ្មួញធ្វើអាជីវកម្មតាមបែបអនាធិបតេយ្យដូចជាដាយលេខ១១អា លក់ទៅឲ្យឈ្មោះ សុខពៅ ហៅអ៊ុក ដាយលេខ១១បេ លក់ទៅឲ្យឈ្មោះ សុខ ចំរើន ដែលត្រូវជាកូនរបស់តាឌឹក ជាឈ្មួញជនជាតិយួន ដាយលេខ១១បេ លក់ឲ្យឈ្មោះ សោម សឿន ចំណែកដាយលេខ១៣ ដែលមានឈ្មោះ ប៊ុត វណ្ណរី ជាកូនរបស់ឧកញ៉ា ប៊ុត ចន្ធូ គ្រប់គ្រងធ្វើអាជីវកម្ម បានលក់ទៅឲ្យឈ្មោះ សឹម ម៉ាឡៃ ត្រូវជាប្រពន្ធរបស់តាស៊ី។ ឈ្មួញធំៗដែលទិញគន្លងដាយទាំង៤កន្លែង ពីឧកញ៉ា ប៊ុត ចន្ធូ កំពុងធ្វើអាជីវកម្មតាមបែបអនាធិបតេយ្យ បំផ្លាញធនធានមច្ឆជាតិយ៉ាងមហន្តរាយផ្ទុយពីនយោបាយកែទម្រង់វិស័យជលផលរបស់លោក ហ៊ុន សែន គេមិនដែលឃើញជំនាញជលផលរបស់លោក ឃ្លាំង វណ្ណធុល ចុះទៅត្រួតពិនិត្យឬទប់ស្កាត់សកម្មភាពប្រើឧបករណ៍នេសាទល្មើសច្បាប់ក្នុងការចាប់ត្រី។គេល្បីជាយូរមកហើយថា ឧកញ៉ា ប៊ុត ចន្ធូ គឺជាមេឈ្មួញពូកែរត់ការខាងផ្នែកឡូត៍នេសាទ ក៏ព្រោះតែឧកញ៉ា ប៊ុត ចន្ធូ មានទំនាក់ទំនងល្អជាមួយប្រធានរដ្ឋបាលជលផលគឺលោក ណៅ ធួក ជាពិសេសរដ្ឋមន្ត្រីក្រសួងកសិកម្មគ្រប់ជំនាន់តាំងពីសម័យលោកឈា សុង លោក ច័ន្ទ សារុន រហូតដល់សម័យដែលលោក អ៊ុក រ៉ាប៊ុន ធ្វើជារដ្ឋមន្ត្រី ក៏ឧកញ៉ា ប៊ុត ចន្ធូ មានសិទ្ធិអំណាចធំធេងក្នុងការកាន់ឯកសាររត់ការបង្កើតគន្លងដាយ ឬសហគមន៍នេសាទ នៅតាមអតីតតំបន់ឡូត៍នេសាទដែលត្រូវបានរំសាយ ៕
.jpg)
.jpg)
.jpg)
.png)
.jpg)
.jpg)
នារីវ័យក្មេងម្នាក់ចុះលេងទឹក នៅបឹងយក្សឡោម មិនបានប្រុងប្រយ័ត្នពាក់អាវពោងការពារលង់ទឹកស្លាប់ខណៈមកកំសាន្តនៅខេត្តរតនគីរីដែលធ្វើអោយមហាជនភ្ញាក់ផ្អើលចោមរោមមើលឈូឆរ...Read more
យោងតាមបណ្តាញសង្គម Facebook បានអោយដឹងថា ប្រជាពលរដ្ឋរាប់ម៉ឺននាក់ប្រមូលផ្តុំជួបជុំគ្នានៅទីលានប្រជាធិបតេយ្យនៅម៉ោង៧:១៥នាទីព្រឹកនេះ ក្នុងការធ្វើមហាបាតុកម្មអហឹង្សា។
...Read more
មានសេចក្តីរាយការណ៍មកថា បទល្មើសនេសាទគ្រប់ប្រភេទ និងឧបករណ៍នេសាទល្មើសច្បាប់មានដូចជា៖ប័រ អ៊ុយ រុញស៊ីប អូសអួន អូសយ៉ាំងកាវ សាច់ស្បៃម៉ុងក្រឡាញឹកជាដើម កំពុងកើតមានដូចភ្លៀងរលឹម...Read more
បុណ្យអ៊ំទូកជាពិធីបុណ្យប្រវត្តិសាស្រ្តមួយដែលប្រជាជនខ្មែរតែងតែប្រារព្វធ្វើជារៀងរាល់ឆ្នាំនៅក្នុងប្រទេសកម្ពុជាតាំងពីយូរលុងណាស់មកហើយរហូតមកទល់និងបច្ចុប្បន្ន ហើយនៅឆ្...Read more
.jpg)
យោងតាមបណ្តាញសង្គម Facebook មួយបានអោយដឹងតាមរយៈវីដេអូគ្លីបថា មានកាហ្វេមួយចំនួនដែលចរាចរណ៍នៅលើទីផ្សាបច្ចុប្បន្នមិនមែនជាកាហ្វេដែលមានគុណភាពល្អទេ គឺដើម្បីកេងចំណេញច្រើន ក្រុមអ្នកផលិតកាហ្វេ...Read more
យោងតាមប្រភពពីមន្ត្រីរាជការនៃ មន្ទីរពាណិជ្ជកម្មខេត្តកំពង់ស្ពឺបានឲ្យដឹងថារ កន្លងទៅនេះលោក ញិល សំបូរ និងបក្ខពួក ប្រព្រឹត្តអំពើពុករលួយកេង ប្រវ័ញ្ចថវិការដ្ឋ ក្នុងមួយឆ្នាំៗយ៉ាង...Read more
គ្រួសារអ្នកលក់ភេជ្ជៈត្រូវជនមិនស្គាល់មុខម្នាក់ជិះម៉ូតូ មកគប់គ្រាប់បែកចូលដល់ក្នុងផ្ទះ ស្ថិតនៅក្នុងភូមិសែនសុខ២ សង្កាត់ឃ្មួញ ខណ្ឌសែនសុខ រាជធានីភ្នំពេញ បានបណ្តាលឲ្យក្មេងម្នាក់ស្...Read more
យោងតាមបណ្តាញសង្គម (Face book) បានបង្ហោះតៗគ្នាថា អង្ករដែឡបានផលិតចេញពីប្លាស្ទិក (Plastic Rice) ពេលនេះកំពុងតែចរាចរណ៍នៅទីផ្សាអាស៊ីយើងនេះ ដូចជាមាននៅក្នុងប្រទេស ចិន និងកំពុងបោះជំហានចូលមកកា...Read more
តុលាការបានចំណាយពេលជាង៥ម៉ោង ពោលគឺចាប់ពីម៉ោង៨និង៣០នាទី ក្នុងការសាកសួរលោក កឹម សុខា អនុប្រធានគណបក្សសង្គ្រោះជាតិ ក្នុងសំណុំរឿង ញុះញង់ឱ្យ ប្រព្រឹត្តបទឧក្រឹដ្ឋ ឬ ប្រព្រឹត្តអំពើបង្កឱ្យម...Read more
ក្រុមនគរបាល ប្រឆាំង បទល្មើស សេដ្ឋកិច្ច នៃស្នងការ នគរបាល ខេត្តសៀមរាប ដឹកនាំ ដោយ លោកវរសេនីយ៍ឯក សឿនសេន នាយការិយាល័យ ប្រឆាំង បទល្មើស សេដ្ឋកិច្ចខេត្ត ដែលដឹកនាំ បញ្ជារ ផ្ទាល់ដោយ លោកជួន សុបញ្ញា ព្រះរាជអាជ្ញា...Read more
| ថ្ងៃនេះ | 851 | នាក់ |
| ម្សិលមិញ | 2319 | នាក់ |
| សប្ដាហ៍នេះ | 851 | នាក់ |
| ខែនេះ | 16394 | នាក់ |
| ឆ្នាំនេះ | 299046 | នាក់ |
| សរុប | 57650442 | នាក់ |
| ថ្ងៃទី 08 ខែ 06 ឆ្នាំ 2026 ម៉ោង 06:26 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net