សៀមរាប៖ (ដោយវិចិត្រ) លោក មិក សាផាណារ៉េត (ហៅជ័យ) បានប្រើស្បែកលោកជាស៊ុនមន្ត្រីជាន់ខ្ពស់គណះបក្សប្រជាជន និងមន្ត្រីធ្វើការនៅព្រឹទ្ធសភាធ្វើជំនួញឈើកក្រើកនៅភូមិភាគខាងជើងបឹងទន្លេសាប ជ្រកក្រោមផ្លាកក្រុមហ៊ុន ហួតម៉េងរីតា ជាយូណាស់មកហើយដែលបានធ្វើសកម្មភាពកាប់បំផ្លាញព្រៃឈើ និងដឹកជញ្ជូនឈើដោយរថយន្តធំៗបំផ្លាញផ្លូវយ៉ាងធ្ងន់ធ្ងរបំផុត ហើយការកាប់បំផ្លាញនេះមិនចាញ់ការកាប់ឈើនៅព្រៃឡ៍នោះឡើយ។
ក្រោយពី ក្រុមហ៊ុន ហួត ម៉េងរីតា បានទទួលសិទ្ធិពីប្រមុខរាជរដ្ឋាភិបាលកម្ពុជា ក្នុងការវិនិយោគដំណាំឧស្សាហ៍កម្ម កៅស៊ូលើ ផ្ទៃដី ៣០០ពាន់ហិកតា នៅស្រុកអន្លង់វែង ខេត្តឧត្តរមានជ័យ ហើយបច្ចុប្បន្នបានទិញផ្ទៃដីបន្ថែម ចំនួន៩៧០ហិកតា បន្តទៀតរួចមកក្រុមហ៊ុនមួយនេះដែលមាន លោក មិក សាផាណារ៉េត (ហៅជ័យ) ជាម្ចាស់បានធ្វើសកម្មភាព កាប់បំផ្លាញព្រៃឈើ នៅក្នុង ក្រុមហ៊ុន និងបានប្រមូលទិញឈើពីខាងក្រៅ ក្រុមហ៊ុនដូចជា ឈើក្រញូង បេង ធ្នង រួមជាមួយ ឈើក្រហម មកស្តុកទុកក្នុងក្រុមហ៊ុនហើយធ្វើប៉េសេដឹកជញ្ជូនចេញទៅកាន់ ខេត្តបន្ទាយមានជ័យ សៀមរាប កំពង់ធំ កំពង់ចាម. ក្រុងភ្នំពេញ និងប្រទេសវៀតណាម។
ជាក់ស្ដែងនៅក្នុង ខែកុម្ភៈ ឆ្នាំ២០១៤ នេះក្រុម ហ៊ុនហួតម៉េងរីតា បានដឹកជញ្ជូនឈើជាទ្រង់ទ្រាយធំជាច្រើនគ្រឿងបន្តទៀតតាម ផ្លូវលេខ៦៧ ចូលមកខេត្ត សៀមរាប និងបន្តទៅខេត្តផ្សេងៗទៀតតាមការគ្រោងទុក។
សកម្មភាពកាប់បំផ្លាញព្រៃឈើ និង ដឹកជញ្ជូនឈើរបស់ក្រុមហ៊ុនហួតម៉េងរីតាដែលមានឈ្មោះជ័យនៅក្រោយខ្នងនេះមិនចាញ់ទៅនិងសកម្មភាពនៃការកាប់បំផ្លាញព្រៃឈើ នៅព្រៃឡង៍នេះដោយក្រុមហ៊ុនមួយនេះបានប្រមូលទិញឈើពីតំបន់អនាធិបតេយ្យហើយដឹកជញ្ជូនដោយប្រភេទរថយន្តខ្នាតធំៗដែលផ្ទុកលើសទម្ងន់ទៀតផង ចំណែកសមត្ថកិច្ចពាក់ព័ន្ទរួមជាមួយ មេព្រៃ វិញបានត្រឹមតែលាបាតដៃទទួលនូវលាភសក្ការៈពីម្ចាស់ក្រុមហ៊ុនតែប៉ុណ្ណោះ ដោយមិនបានធ្វើការត្រួតពិនិត្យឬបង្ក្រាបនោះទេ។
មន្ត្រីសាលាស្រុកអន្លង់វែងមួយរូបបានបង្ហើបថា ចាប់តាំងពីក្រុមហ៊ុនហួតម៉េងរីតាបានមកវិនិយោគនៅតំបន់ស្រុកនេះដើម្បីដាំដើមកៅស៊ូនោះរហូតមកដល់ពេលនេះនៅមិនទាន់ឃើញការដាំកៅស៊ូនៅឡើយទេ ផ្ទុយទៅវិញក្រុមហ៊ុនគិតតែពីប្រមូលទិញឈើពីតំបន់ខាងក្រៅក្រុមហ៊ុនយកទៅស្តុកទុកក្នុងក្រុមហ៊ុន ហើយឃុបខិតគ្នារជាមួយមេព្រៃធ្វើប៉េសេថា ឈើទាំងអស់នោះជាឈើរបស់ក្រុមហ៊ុនហើយធ្វើការដឹកជញ្ជូនដោយសេរី។
មន្ត្រីសាលាស្រុកបន្ថែមថាដើមឈើធំៗ នៅព័ទ្ទជុំវិញក្រុមហ៊ុនបានទទួលរងនូវការកាប់បំផ្លាញយ៉ាងរង្គាលពីណាក់ក្រុមឈ្មួញដែលជាដៃជើងរបស់ក្រុមហ៊ុនមួយ នេះមិនត្រូវបានសមត្ថកិច្ចឬមេព្រៃណាចាត់វិធានការឲ្យបានស្រមស្របទៅតាមបទបញ្ជាថ្នាក់លើនេះឡើយ។
ពាក់ព័ន្ទទៅនិងការដឹកជញ្ជូនឈើដោយរថយន្តធំៗរបស់ក្រុមហ៊ុនហួតម៉េងរីតា នេះកន្លងមកត្រូវបានក្រុមមន្រ្តី
សាធារណះការនិងដឹកជញ្ជូន ខេត្តសៀមរាបធ្វើការចាប់ឃាត់ថ្លឹងផាកពិន័យយ៉ាងចាស់ដៃផងដែរ ប៉ុន្តែបើទោះបីជាមានការឃាត់ថ្លឹងពិន័យក៍ដូចជា ការប្រមានយ៉ាងណាក្ដីរហូតមកដល់ពេលនេះ គេសង្កេតឃើញក្រុមហ៊ុនហួតម៉េងរីតានៅតែបន្តសកម្មភាពដឹកជញ្ជូនលើសទម្ងន់លើសដើម។
មន្ត្រីសាធារណះកាខេត្តសៀមរាប បាននិយាយថាក្រុមហ៊ុនហួតម៉េងរីតា ពិតជាបានដឹកឈើលើសទម្ងន់មែនហើយកន្លងមក ក៍ធ្លាប់បានចាប់ផាកពិន័យដែរប៉ុន្តែបច្ចុប្បន្ននេះ នៅក្រុមហ៊ុនមួយនេះនៅតែបន្តដឹកលើសទម្ងន់ដដែលដោយមានការអន្តរាគមន៍ពីថ្នាក់លើកុំឲ្យមានការប៉ះពាល់។
លោក មិក សាផាណារ៉េត (ហៅជ័យ) មិនអាចបកស្រាយបំភ្លឺបានទេពាក់ព័ន្ទព័ត៌មានខាងលើនេះដោយទូរស័ព្ទចូលគ្មាន អ្នកទទួលនៅម៉ោង៤និង៥០នាទីល្ងាចថ្ងៃទី១៥ខែកុម្ភៈឆ្នាំ២០១៤។
.jpg)
.jpg)
.jpg)
.png)
.jpg)
.jpg)
នៅព្រឹកថ្ងៃទី២២ ខែឧសភា ឆ្នាំ២០១៥នេះ មានប្រជាពលរដ្ឋតំណាងសហគមន៍ចំនួន៧ស្រុកផ្សេងៗគ្នា មានបំណងហែញត្តិ ដាក់ជូនអភិបាលខេត្តសៀមរាប ពាក់ព័ន្ទនិងរឿងជម្លោះដីធ្លីរបស់ពួកគាត់ តែត្រូ...Read more
ជាយូរណាស់មកហើយដែលឈ្មួញឈើក្រញូងដ៏ល្បីល្បាញម្នាក់ឈ្មោះ តឿ បានធ្វើសកម្មភាពដឹកជញ្ជូនឈើក្រញូងចេញពីស្រុកអន្លង់វែង ឆ្លងកាត់ខេត្តសៀមរាបយកទៅលក់នៅព្រំដែនប្រទេសវៀតណាមយ៉ាងសកម្មបំផ...Read more
គ្រួសារអ្នកលក់ភេជ្ជៈត្រូវជនមិនស្គាល់មុខម្នាក់ជិះម៉ូតូ មកគប់គ្រាប់បែកចូលដល់ក្នុងផ្ទះ ស្ថិតនៅក្នុងភូមិសែនសុខ២ សង្កាត់ឃ្មួញ ខណ្ឌសែនសុខ រាជធានីភ្នំពេញ បានបណ្តាលឲ្យក្មេងម្នាក់ស្...Read more
ប្រជាពលរដ្ឋ មន្ត្រីគយ និងឈ្មួញធំតូច មួយចំនួនបានរអ៊ួរទាំថា ចរិកគយគឺដូចៗតែគ្នាហ្នឹងឯង ! គឺគេប្រើស្ទីលគោះថ្លៃបាយ ក្នុងការចចារស្គាល់គ្នាជាដំបូង តំលៃថ្លៃបាយទឹកគឺខ្ពស់...Read more
ដោយសារតែការខឹងសម្បារបស់ព្រលឹងដូនតាខ្មែរ ពីការធ្វើខ្លោងទ្វារដូចខ្លោងទ្វារយួន កាលពីវេលាម៉ោង ៣ទៀបភ្លឺ ថ្ងៃទី ០៧ ខែមេសា ឆ្នាំ២០១៥ ក្លោងទ្វារអង្គរសង្គ្រាន ខាងលិចប្រាសាទអង្គរវត្តត្រូវបានឆេះគ្មានសល...Read more
ស្រ្តីម្នាក់ បានមកយំស្រែកប្តឹងភ្នាក់ងារសារព័ត៌មានអគ្គស្នងការនគរបាលជាតិ ប្រចាំខេត្តកំពង់ឆ្នាំង ឲ្យជួយផ្សាយព័ត៌មានរកកូនស្រី ដែលបានបាត់អស់រយៈពេល២០ថ្ងៃហើយ បន្ទាប់ពីយុវជនម្នាក់ នៅក្នុងភូមិជាមួយគ្...Read more
ប្រជាពលរដ្ឋជាច្រើនរូបរស់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត បានឲ្យដឹងថា ពួកគាត់ទៅធ្វើសំបុត្រកំណើត និងលិខិតស្នាមផ្សេងៗជាច្រើនលើកច្រើនសានៅតែធ្វើមិនបាន ព្រោះមិនឃើញចៅសង្កាត...Read more
ខេត្តសៀមរាប ព្រឹកថ្ងៃទី២៨ ខែឧសភា ឆ្នាំ២០១៧ មានប្រជាពលរដ្ឋមួយចំនួនសម្ដែង ការមិនពេញចិត្តយ៉ាងខ្លាំង ចំពោះការបិទផ្លូវ ដើម្បីធ្វើការជួបជុំ និងឃោសនារកសម្លេងឆ្នោត របស់គណបក្ស សម្ព័នដើម្បីប្រជាធិប្បតេយ្យ នៅតាម...Read more
មន្ត្រីនិងសកម្មជនគណបក្សសង្គ្រោះជាតិ៥រូប ត្រូវបានលោក លឹម មករន្ទ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ សម្រេចកាលពីព្រឹកថ្ងៃទី១៣ ខែមេសា ឆ្នាំ២០១៥ ដោះលែងឲ្យនៅក្រៅឃុំ...Read more
រថយន្តដឹកសាំងដែលមានស្លាកយីហោ សូគឺម៉ិច ដែលត្រូវបានគេស្គាលថា ជារបស់លោកសុកគង់មហាសេដ្ឋីស្រុកខ្មែរ លួចដឹកឈើក្រញូងពេញស៊ីតេនសាំង ត្រូវបានកម្លាំងសមត្ថកិច្ចបង្ក្រាបបាន...Read more
| ថ្ងៃនេះ | 694 | នាក់ |
| ម្សិលមិញ | 1772 | នាក់ |
| សប្ដាហ៍នេះ | 9137 | នាក់ |
| ខែនេះ | 10930 | នាក់ |
| ឆ្នាំនេះ | 124447 | នាក់ |
| សរុប | 57475843 | នាក់ |
| ថ្ងៃទី 05 ខែ 03 ឆ្នាំ 2026 ម៉ោង 09:19 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net