មនុស្សលោកយើងអាចរស់រានមានជីវិតទៅបានគឺអាស្រ័យទៅលើធម្មជាតិដែលនៅជុំវិញខ្លួនយើង ហើយធម្មជាតិក៏បានផ្តល់ផលប្រយោជន៍ជាច្រើនសំរាប់មនុស្ស សត្វដែលកំពុងតែរស់នៅមានជីវិត និងផ្តល់ភាពស្រស់បំព្រង ជាម្លប់ត្រឈឹងត្រឈៃគួរទាទីមនោរម្យ ប៉ុន្តែអ្វីដែលគួរអោយសោកស្តាយនោះគឺ បច្ចុប្បន្នមានមនុស្សមួយចំនួនមិនចេះស្រលាញ់ធម្មជាតិ ចូលចិត្តតែកាប់រានបំផ្លាញដោយឥតសំចៃដៃទៅវិញ ដែលគេចាត់ទុកមនុស្សប្រភេទនេះជាមនុស្សចង្រៃ។
បើតាមការសិក្សាស្រាវជ្រាវបានអោយដឹងថា ព្រៃឈើអាចជួយផ្តល់ជាម្លប់ដល់មនុស្សសត្វ អាចជួយស្រូបយកទឹកភ្លៀង អាចទប់ទឹកនៅពេលមានទឹកជំនន់ អាចជួយការពារខ្យល់ព្យុះ អាចជួយកាត់បន្ថយការកើនឡើងនៃសីតណ្ហភាពក្តៅហែង អាចជួយកាត់បន្ថយការប្រែប្រួលអាកាសធាតុ….។ល។ មិនតែប៉ុណ្ណោះមានដើមឈើមួយចំនួនគេយកទៅដាំធ្វើជាសួនច្បារដើម្បីលំអរក្នុងទីប្រជុំជនក្នុងការបង្អួតភ្ញៀវទេសចរណ៍ជាតិ និងអន្តរជាតិ ដូចជាដើមឈើនៅតាមដងផ្លូវក្បែរព្រះរាជដំណាក់ក្នុងខេត្តសៀមរាបនេះជាដើម។
បច្ចុប្បន្នគេសង្កេតឃើញថា អាជ្ញាធរខេត្តសៀមរាបដែលទើបតែឡើងកាត់តំណែងថ្មី កំពុងតែបញ្ចេញស្នាដៃក្នុងការអភិវឌ្ឍន៍ផ្លូវថ្នល់អោយបានធំទូលាយដើម្បីអោយងាយស្រូលក្នុងការធ្វើចរាចរណ៍ ប៉ុន្តែរាល់ការអភិវឌ្ឍន៍នៅក្នុងខេត្តនេះភាគច្រើនគឺកាប់បំផ្លាញធនធានធម្មជាតិ ដែលជាស្នាដៃនៃបុព្វបុរសជំនាន់ដើមបានបន្សល់ទុក ដូចជាការកាប់ដើមគគឺធំៗនៅមុខសណ្ឋាគារសុខាកន្លងទៅថ្មីៗនេះជាដើម។
បើយោងតាមការរិះគន់ក្នុងបណ្តាញសង្កម (Facebook) បានអោយដឹងថា ពលរដ្ឋកម្ពុជា ជាពិសេសពលរដ្ឋក្នុងខេត្តសៀមរាប មិនបានស្វាគមន៍ចំពោះអាជ្ញាធរខេត្តដែលបានកាប់បំផ្លាញដើមឈើធំៗនៅមុខសណ្ឋាគារសុខានោះទេ ហើយពួកគាត់កំពុងមានការព្រួយបារម្ភណ៍យ៉ាងខ្លាំងទៅលើគំរោងថា អាជ្ញាធរនិងកាប់ដើមយាង គគឺតាមដងផ្លូវដែលស្ថិតនៅបណ្តោយផ្លូវជាតិលេខ០៦ ខាងលិចព្រះអង្គចេកព្រះអង្គចម និងនៅក្បែរព្រះរាជដំណាក់ទៀតផង។
ពលរដ្ឋខេត្តសៀមរាបរិះគន់ធ្ងន់ថា បើអជ្ញាធរខេត្តចង់ពង្រីកផ្លូវអាស៊ានក៏គួរទុកដើមឈើប៉ុន្មានដើមដែលមានចម្ងាយប្រហែលតែមួយគីឡូម៉ែត្របួនជ្រុងតែប៉ុណ្ណោះ ចាំបាច់កាប់បំផ្លាញធ្វើអី ព្រោះដើមឈើទាំងនេះវាមានអាយុកាលយូរឆ្នាំណាស់ទៅហើយ ម្យ៉ាងទៀតដើមឈើទាំងនេះវាដុះក្នុងបរិវេណជុំវិញព្រះរាជ្យដំណាក់ ដែលសម្តេចតាតែងតែអើតមើលហើយញញឹមទៅលើម្លប់ដ៏ត្រជាក់កាលពីព្រះអង្គនៅមានព្រះជន។ ពលរដ្ឋបន្តសង្ស័យថា អភិបាលខេត្តឡើងថ្មីមិនចូលចិត្តដើមឈើ ហើយប្រហែលមានគំរោងកាប់ដើមឈើក្បែរព្រះរាជដំណាក់អស់ រួចគាស់ទាងព្រះរាជដំណាក់ទៀតផង ព្រោះថាព្រះរាជ្យដំណាក់នេះក៏ទើសផ្លូវរបស់លោកអភិបាលខេត្តថ្មីនេះដែរ។
ពលរដ្ឋខេត្តសៀមរាបយកដៃគគ់ទ្រូវរួចលាន់មាត់ថា ឱ!ពុទ្ធោ!អើយមិនដែលបានដាំដើមឈើទាំងនេះបានមួយដើមសោះ តែបែជាមកកាប់បំផ្លាញស្រួលៗបែបនេះទៅវិញ តើគេកំពុងតែអភិវឌ្ឍន៍ជាតិ ឬបំផ្លាញជាតិ?
មជ្ឈដ្ឋានទូទៅយល់ឃើញថា បើអាជ្ញាធរចង់អភិវឌ្ឍន៍ខេត្តសៀមរាបមែននោះលោកអាចធ្វើផ្លូវអោយបានច្រើនដូចនៅទីក្រុមភ្នំពេញ ដើម្បីបញ្ជៀសការកកស្ទះចរាចរណ៍នៅរដូវមុណ្យទានម្តងៗ ហើយពង្រីក្រុងអោយបានធំ និងជាពិសេសតភ្ជាប់បណ្តាញអគ្គីសនីដល់ពលរដ្ឋជាយក្រុងប្រើប្រាសផង កុំសម្ងំភ្លឺចិញ្ចាំចិញ្ចែងតែម្នាក់ឯងនៅកណ្តាលទីក្រុងប៉ុនសំបកក្តាមនេះអី។
ពលរដ្ឋសូមអង្វរអស់លោកអាជ្ញាធរមេត្តាពិចារណាសាជាថ្មីឡើងវិញ មុននិងដាក់បញ្ជាអោយគេបំផ្លិចបំផ្លាញដើមឈើដែលមានអាយុរាប់រយឆ្នាំទាំងនេះ។ ពួកគាត់បន្ថែមថា បើមិនបានជួយដាំកុំតែជួយបំផ្លាញទៅបានហើយទាន៕ បើគាំទ្រអត្ថបទខាងលើសូមជួយចែករំ លែកបន្តតាមបណ្តាញសង្គមរបស់អ្នក!
.jpg)
.jpg)
.jpg)
.png)
.jpg)
.jpg)
បន្ទាប់ពីធ្វើការស្រាវជ្រាវអស់រយៈពេលជាច្រើនថ្ងៃក្នុងករណីគ្រួសារប៉ូលីសប៉ុស្តិ៍ពុលទាំងគ្រួសារកាលពីថ្ងៃទី២៤ ខែឧសភា ឆ្នាំ២០១៥ ក្រុងសមត្ថកិច្ច ជំនាញបានឲ្យដឹងថា នាយរងប៉ុស្ដិ៍នគរបាល សង្កាត...Read more
.jpg)
យោងតាមបណ្តាញសង្គម Facebook មួយបានអោយដឹងតាមរយៈវីដេអូគ្លីបថា មានកាហ្វេមួយចំនួនដែលចរាចរណ៍នៅលើទីផ្សាបច្ចុប្បន្នមិនមែនជាកាហ្វេដែលមានគុណភាពល្អទេ គឺដើម្បីកេងចំណេញច្រើន ក្រុមអ្នកផលិតកាហ្វេ...Read more
សៀមរាបៈ(ដោយប៊ុតវិចិត្រ)សមត្ថកិច្ចចម្រុះបានចាប់ មន្ត្រីប៉េអឹមជាឈ្មួញឈើក្រញូងម្នាក់តៃកុង១នាក់នាំយកទៅសាកសួរ ព្រមទាំងដកហូតរថយន្ត ពាក់ស្លាកលេខ ខ.ម ក្លែងក្លាយ១គ្រឿងដែលមានផ្ទុកឈើគ្រញូង។
ការឈានដល់ចាប់ខ្លួន...Read more
បើទោះជារដ្ឋាភិបាលកម្ពុជា និងក្រសួងសុខាភិបាលបានប្រកាសអោយក្រុមគ្រូពេទ្យនៅតាមមន្ទីរពេទ្យនានាមិនអោយប្រព្រឹត្តិអំពើពុករលួយក្តែងៗយ៉ាងណាក៏ដោយ ក៏ទង្វើរបស់ក្រុមគ្រូពេទ្យ...Read more
ជារៀងរាល់ថ្ងៃគេសង្កេតឃើញថា ក្រុមឈ្មួញរកស៊ីដឹកឈើខុសច្បាប់តាមរថយន្តគ្រប់ប្រភេទ គោយន្តកន្រ្តៃ និងរទេះគោ បានចរាចរណ៍យ៉ាងអាណាធិប្បតេយ្យតាមដងផ្លូវពីចំណុចស្រុកគូលែនខេត្...Read more
យោងតាមបណ្តាញសង្គម (Face Book) នៅព្រឹកថ្ងៃទី១៧ ខែតុលា ឆ្នាំ២០១៤នេះបានអោយដឹងថា មានក្រុមប្រជាពលរដ្ឋកម្ពុជា ជាច្រើនសន្ធឹកសន្ធាប់ បានមកជួបជុំគ្នានៅមុខស្ថានទូតសហរដ្ឋអាមេរីក ក្នុងទីក្រុង...Read more
នៅព្រឹកថ្ងៃទី២២ ខែឧសភា ឆ្នាំ២០១៥នេះ មានប្រជាពលរដ្ឋតំណាងសហគមន៍ចំនួន៧ស្រុកផ្សេងៗគ្នា មានបំណងហែញត្តិ ដាក់ជូនអភិបាលខេត្តសៀមរាប ពាក់ព័ន្ទនិងរឿងជម្លោះដីធ្លីរបស់ពួកគាត់ តែត្រូ...Read more
រត់តុតុមិនស្គាល់យប់ថ្ងៃដើម្បីតែមួយរស់ តែពេលខ្លះសុំតែមួយរស់ តែរដ្ឋមិនចង់ឲ្យរស់ទៀត។ ទន្ទឹមនិងលោកអភិបាលខេត្តទៀ សីហា ឡើងថ្មីចំណងដៃថ្មីរបស់លោកអភិបាលជូនចំពោះបងប្អូនដែលមានមុខរបរដឹកភ្ញៀវនៅក្នុងខេត្តសៀម រាប យើ...Read more
មេបរិស្ថានឧទ្យានជាតិកំពង់ឆ្នាំង និងពោធិ៍សាត់ ប៉ាន់ មរកត ត្រូវគេសង្ស័យថា ជាអ្នកបញ្ជាឱ្យកូនចៅឈ្មោះ ភួង ស្រៀវ អង្គុយប្រមូលលុយពី ឈ្មួញរកស៊ីឈើប្រណីតក្នុងដែនចម្រកសត្វព្រៃភ្នំ ឱរាល់ខេ...Read more
| ថ្ងៃនេះ | 400 | នាក់ |
| ម្សិលមិញ | 2053 | នាក់ |
| សប្ដាហ៍នេះ | 6561 | នាក់ |
| ខែនេះ | 6561 | នាក់ |
| ឆ្នាំនេះ | 289213 | នាក់ |
| សរុប | 57640609 | នាក់ |
| ថ្ងៃទី 04 ខែ 06 ឆ្នាំ 2026 ម៉ោង 05:02 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net
