ថ្ងៃខួប​អាពាហ៍ពិពាហ៍២០​ឆ្នាំ បែជាកំពុង​ប្រ​កួត​ជាមួយដៃគួទៅវិញ

ប្រធានាធិបតី អាមេរិក លោក បារ៉ាក់ អូបាម៉ា បានបង្កើតឲ្យ មានការចាប់ អារម្មណ៍មួយ តាមរយៈ នៃការ រំលឹកខួប ២០ឆ្នាំនៃចំណង អាពាហ៍ពិពាហ៍ ជាមួយនឹងភរិយា របស់លោក គឺលោកស្រី មីឆែល ស្របពេល នៃការ ចាប់ផ្តើមថ្ងៃពិភាក្សា តំណែង ប្រធានាធិបតី របស់លោក ដែលជាការនិយាយ ពីខួបដែល មានភាពផ្អែម ល្ហែម មុនពេលចាប់ផ្តើម កិច្ចពិភាក្សា របស់លោក ជាមួយនឹងគាំទ្រ ២០លាននាក់ ដែលផ្សាយ តាមប្រព័ន្ធ រលក ធាតុអាកាស និង បណ្តាញព័ត៌មាន សង្គម ធ្វីតធ័រ ។

យោងតាមព័ត៌មានពីទូរទស្សន៍ពីសិង្ហបុរី Channel News Asia បានឲ្យដឹងនៅ ថ្ងៃព្រហស្បតិ៍ ទី០៤ ខែតុលា ឆ្នាំ២០១២ នេះ ដោយលើកឡើងនូវ ពាក្យរបស់លោក អូបាម៉ា ដែលបាន សរសេរនៅ លើគេហទំព័រ ធ្វីតធ័រថា «ថ្ងៃនេះ មានរយៈពេល ២០ឆ្នាំ មកហើយ ដែលខ្ញុំបានរៀប អាពាហ៍ពិពាហ៍ ជាមួយស្នេហា នៃឆាកជីវិត របស់ខ្ញុំ» ។ រីករាយថ្ងៃខួប អាពាហ៍ពិពាហ៍ មីឆែល។

ជាមួយគ្នានោះដែរ រយៈ ពេលមួយម៉ោងក្រោយមក ស្រ្តីដែល មានភាព ផ្អែមល្ហែមទីមួយ ក៏ បានឆ្លើយតប ពី គណនីយផ្ទាល់ របស់លោកស្រី ដែលមានឈ្មោះថា មីឆែលអូបាម៉ា ដែលជា សារមួយ ដើម្បីចែករំលែក ដល់ ប្រិយមិត្ត ១.៦៩លាននាក់ របស់លោកស្រី ដែលសារនោះ មាន ន័យសេចក្តីថា «រីករាយថ្ងៃខួបលើកទី ២០ បារ៉ាក់ អរគុណ សម្រាប់ការចាប់ផ្តើម នៃថ្ងៃរីករាយ ដែលគួរឲ្យអស់សំណើច ជាមួយដៃគូ មិត្តភក្តិ និងឳពុក ជារៀងរាល់ថ្ងៃ អូនស្រលាញ់បង»។

នេះជាពេលអាហារពេលល្ងាច ក្រោមពន្លឺភ្លើងទៀន ដែលមិនមែនជាលើក ដំបូងសម្រាប់ គូស្វាមីភរិយាមួយ គូនេះ និងក៏ជាថ្ងៃតែមួយ ចំថ្ងៃដែលលោក បារ៉ាក់ អូបាម៉ា ចូលរួមកិច្ច ពិភាក្សា សួរដេញដោល នៅជុំដំបូង ដ៏បានសារៈ សំខាន់ នៅរដ្ឋ ខូឡូរ៉ាដូ រវាងលោក អូបាម៉ា និងគូប្រជែងរបស់លោក មកពីគណបក្សសាធារណរដ្ឋ មីដ រ៉ូមនី។
គួរបញ្ជាក់ផងដែរថា លោក អូបាម៉ា បានរៀបអាពាហ៍ពិពាហ៍រយៈពេល ២០ឆ្នំា មកហើយ គិតមកដល់ ថ្ងៃពុធ ចាប់ តំាងពីថ្ងៃ០៣ ខែតុលា ឆ្នាំ១៩៩២មក៕ សូមជួយ​ share ទៅ​ក្នុង​បណ្តាញ Facebook របស់អ្នក!