៦ខែដើមឆ្នាំ២០១២អ្នកកាសែតត្រូវបានសំលាប់៧០នាក់

គួរយល់ដឹង  ៖​ តាមការអោយដឹងពីគេហទំព័រសារព័ត៌មានបរទេស ហ្គាដៀន ដែលទើបតែបាន
ចេញផ្សាយនាពេលកន្លងទៅ បានបង្ហាញទិន្នន័យអោយដឹងថា  យ៉ាងហោចណាស់​  អ្នកសារព័ត៌
មាន ប្រមាណជាង ៧០ នាក់ទូទាំងពិភពលោកត្រូវបានសម្លាប់ នៅក្នុងរយៈពេលត្រឹមតែ កន្លះឆ្នាំ
ប៉ុណ្ណោះ នាឆ្នាំ ២០១២ នេះ។

លើសពីនេះទៅទៀត របាយការណ៍ដដែល ក៏បានបញ្ជាក់បន្ថែមផងដែរថា ក្រោយពីមានការ
វាស់ស្ទង់  ពីវិទ្យាស្ថានសុវត្តិភាពសារព័ត៌មានអន្តរជាតិ ដែលហៅកាត់ថា (INSI) បានអោយដឹងថា
គ្រាន់តែ នៅក្នុងប្រទេសស៊ីរី  អំឡុងខែមករា-ខែមិថុនា​ អ្នកកាសែត ១៥ រូបត្រូវបានសម្លាប់ជាបន្ត
បន្តាប់ ស្របពេលដែលប្រទេស នីហ្សេរីយ៉ា ត្រូវបានរកអោយឃើញថាអ្នកកាសែតមិនស្គាល់អត្ត
សញ្ញាណ ៧នាក់ត្រូវបានសម្លាប់ដោយការបំផ្ទុះគ្រាប់បែក រីឯអ្នកកាសែត ៥ នាក់ផ្សេងទៀត ត្រូវ
បានស្លាប់បាត់បង់ជីវិត ដោយសារឧបទ្ទេវហេតុគ្រោះថ្នាក់យន្តហោះនៅតាមបណ្តាប្រទេសមួយចំ
នួនរួមមាន ៖ ម៉ិចស៊ិច ប្រេស៊ីល សូម៉ាលី ឥណ្ឌូនេស៊ី ជាដើម។

គួររំឮកផងដែរថា  បើនិយាយពីតួលេខ  អ្នកសារព័ត៌មាន ដែលត្រូវបានសម្លាប់ទូទាំងពិភពលោក
កាលពីអំឡុងឆ្នាំ  ២០១១  មានចំនួន  ១២៤ នាក់ នេះបើយោងតាមទិន្នន័យដែលបានផ្តល់ដោយ
(INSI)៕ សូម​ជួយ share ទៅក្នុង​បណ្តាញ Facebook របស់អ្នក!   ប្រភពពី ៖ CamNews