ឥណ្ឌាជោគជ័យក្នុង​ការសាកល្បង​មីស៊ីលដើរដោយនុយក្លេអ៊ែរ

នៅថ្ងៃព្រហស្បតិ៍ ទី០៤ ខែតុលា ឆ្នាំ២០១២ នេះ ប្រទេសឥណ្ឌា បានធ្វើ តែសសាក ល្បងបាញ់គ្រាប់មីស៊ីល ដើរដោយថាមពលនុយក្លេអែរ ប្រភេទ Prithvi II ប្រកប ដោយអនុភាព ពីទីតាំងសាក ល្បងមួយ ដែលស្ថិតនៅជិតតំបន់ បាឡាស័រ ភាគខាងកើតនៃ រដ្ឋ អូឌីហ្សា ប្រទេសឥណ្ឌា ។ នេះបើតាមការ អះអាងពីមន្ត្រីកំពូលរដ្ឋាភិបាលឥណ្ឌា។

មន្ត្រីរដ្ឋាភិបាល ខាងលើនេះបានអះអាងថា ការធ្វើតែសសាកល្បងគឺទទួលបានជោគជ័យ ហើយវាជាផ្នែកមួយ នៃការអនុវត្តដើម្បីពង្រឹងកងកម្លាំងរបស់ប្រទេសឥណ្ឌាផងដែរ។

ចំពោះគ្រាប់ មីស៊ីល Prithiv II នេះដែរជាប្រភេទមធ្យមមួយ ដែលផ្ទៃខាងក្រៅរបស់វាត្រូវបាន អភិវឌ្ឍន៍ដោយ អង្គការស្រាវជ្រាវ និង អភិវឌ្ឍន៍វិស័យការពារជាតិគ្រប់គ្រងដោយរដ្ឋ ហើយវា ក៏ជាផ្នែកមួយដែល ឥណ្ឌាប្រើប្រាស់ដើម្បីដំណើរការកម្មវិធីអភិវឌ្ឍន៍មីស៊ីលរបស់ខ្លួន ផង ដែរ។

ដោយឡែក មីស៊ីលទោលខាងលើនេះ ជាប្រភេទដែលប្រើប្រាស់នូវឥន្ធនៈរាវ ដែល ក្បាលគ្រាប់របស់វា មានទំងន់ជាង ៥០០ គីឡូក្រាមឯណោះ៕