កូរ៉េខាងជើង​សន្យាថានឹងប្រើ​កម្លាំងយោធា​ប្រឆំាងកូរ៉េខាងត្បូង

កងទ័ពរបស់​ប្រទេស កូរ៉េខាងជើង បានធ្វើការគម្រាម នៅថ្ងៃសុក្រ នេះថា ខ្លួននឹង អនុវត្តនូវការ វាយប្រហារដោយ យោធាគ្មានមេត្តា ប្រ​ឆំាង​នឹង​ប្រទេស​ កូរ៉េខាង​ត្បូង នៅ​សប្តាហ៍​ក្រោយ​នេះ ស្រប​ពេល​ដែល ភាព​តាន​តឹង​កំ​ពុង​តែ​ពុះកញ្រ្ជោល​ឡើង នៅ​តាម​ព្រំ​ដែន​។

បើ​​យោង​តាម​ព័ត៌​មាន​ពី​ទូរ​ទស្សន៍​សិង្ហបុរី​ Channel News Asia បានឲ្យដឹងនៅ ថ្ងៃសុក្រ ទី១៩ ខែតុលា ឆ្នាំ២០១២នេះថា កងកម្លាំងប្រជាជន របស់កូរ៉េខាងជើង ដែល ហៅកាត់ថា KPA សន្យាថា នឹងចាប់ ផ្តើមការវាយប្រហារ របស់ខ្លួន ប្រសិនបើអ្នករត់ចោល ស្រុកមួយក្រុមរបស់ កូរ៉េខាងជើង ដែលកំពុង រស់នៅក្នុងប្រទេស កូរ៉េខាងត្បូង ចាប់ផ្តើមចែកពង្រាយ ខិតប័ណ្ណ ឃោសនា នៅថ្ងៃចន្ទក្រោយពីលើ បាឡុងហោះតាម ព្រំដែននោះមន្រ្តីរបស់ KPA បាននិយាយថា «ខណៈដែលមានការបាចសាចនូវ ខិតប័ណ្ណនេះកើតឡើង ការវាយ ប្រហារដោយយោធា ដោយឥតសំចៃមួយ នឹងត្រូវធ្វើឡើយ ដោយ មិនមានការ ព្រមាន ជាមុន»។

មន្រ្តីរូបនោះបន្តថា «ប្រជាជនដែលរស់នៅ ជុំវិញតំបន់ ដែលជាទីកន្លែងក្រុម សកម្មជនទំាងនោះ គ្រោងនឹង បាចសាចខិតប័ណ្ណ គួរតែ ជម្លៀសខ្លួន ក្នុងប្រការដែលមាន ការខូចខាតណា មួយកើតឡើង ត្រូវបានគេគិតទុក ជាមុននោះ»សេចក្តីថ្លែងពីមន្រ្តីរូបនោះបានបន្តទៀតថា «នឹងមានការឡោមព័ទ្ធ តំបន់នោះ ហើយនឹងការ បាញ់ប្រហារ ដោយត្រង់ៗពីសំណាក់ KPA» ហើយបញ្ជាក់ ថែមទៀតថា «KPA មិនដែលធ្វើអ្វី ដែលមិនទទួល ផលនោះទេ»។

គួរបញ្ជាក់ផងដែរថា មានពលរដ្ឋដែលរត់ចោលស្រុករបស់កូរ៉េខាងជើង មួយក្រុម គ្រោងនឹង បាចសាច ខិតប័ណ្ណឃោសនា របស់ខ្លួនពីលើអាកាស ដោយប្រើបាឡុង នៅថ្ងៃទី២២ ខែតុលា ម៉ោង ១១ និង ៣០នាទី ខាងមុខនេះ នៅតាមព្រំដែន ជិតទីក្រុង ប៉ាជូ ដែលមានចម្ងាយ ប្រមាណជា ៦០ គីឡូម៉ែត្រ ពីភាគខាងជើង ទីក្រុង សេអ៊ូល៕​