ណាសាបញ្ជាក់អំពីបាតុភូត​នាថ្ងៃទី២១ ខែធ្នូ ឆ្នាំ ២០១២ ខាងមុខនេះ

អ្នកវិទ្យាសាស្រ្តនៃរដ្ឋកាលីហ្វញ៉ាមួយរួប ដែលបានធ្វើការសិក្សាស្រាវជ្រាវ ទៅលើទ្រឹស្តីមួយចំនួន បាននិយាយអំពីបាតុភួត ដែលនឹងកើតឡើងនៅថ្ងៃទី ២១ ខែធ្នូ ឆ្នាំ ២០១២ ខាងមុខនេះ នៅក្នុងវ៉េបសាយរបស់គាត់ នឹងត្រូវបង្ហាញនៅក្នុងវីដេអូ របស់ភ្នាក់ងារអវកាសណាសា។

លោក David Morrison អាយុ៧២ឆ្នាំ ដែលជាអ្នកវិទ្យាសាស្រ្តជើងចាស់ នៅវិទ្យាស្ថាន តារាជីវសាស្រ្ត នៃមជ្ឈមណ្ឌលស្រាវជ្រាវ របស់ភ្នាក់ងារអវកាសណាសា បាននិយាយថា គាត់បានធ្វើកិច្ចពិភាក្សាអំពី ទ្រឹស្តីនៃបាតុភូតមហាវិនាស របស់ពិភពលោកនេះនៅក្នុង វ៉េបសាយរបស់គាត់ អស់រយៈពេល ៤ឆ្នាំហើយ។

លោកបានបន្តទៀតថាៈ "ខ្ញុំធ្លាប់បានចោទសំណួរ អំពីបាតុភូតនេះដំបូងគេបង្អស់កាលពី ៤ឆ្នាំមុន ហើយខ្ញុំបានគិតថា ខ្ញុំប្រហែលជាមានកំហុស នៅក្នុងការឆ្លើយសំនួរ អស់ទាំងនោះ ហេតុដូច្នេះហើយទើប ចាប់តាំងពីពេលនោះមក ខ្ញុំបានឃើញអ៊ីមែលជាង ២០០០ បានផ្ញើចូលក្នុង វ៉េបសាយរបស់ខ្ញុំដើម្បី ធ្វើការចោទសួរ បញ្ជាក់អំពីរឿងនេះ "។

ជាមួយគ្នានេះដែរ លោក Morrison ក៏ធ្លាប់បានបញ្ចួលវីដេអូ សិប្បនិម្មិតមួយទៅក្នុង ការផលិតខ្សែវីដេអូ អំពីប្រធានបទវិទ្យាសាស្រ្ត របស់ភ្នាក់ងារអវកាសណាសា។ មិនតែប៉ុណ្ណោះគាត់ក៏បាននិយាយថា វីដេអូដែលទាក់ទងជាមួយនឹង ថ្ងៃវិនាសនេះត្រូវបាន មានអ្នកចូលទស្សនា ច្រើនជាងវីដេអូដែល បង្ហាញអំពីបាតុភូតនៅភពអង្គារ។

ទន្ទឹមនឹងនេះដែរ ទ្រឹស្តីនៅក្នុងវីដេអូដែលបាន បង្ហាញអំពីភពដ៏ធំសំបើមមួយ បានធ្វើដំណើរ ទៅបុកនឹងភពផែនដី ព្រមទាំង អណ្តាតភ្លើងនៃដួង ព្រះអាទិត្យ បានធ្វើការ បំផ្លាញ ជីវិត របស់ភពផែនដីនោះ បានធ្វើឲ្យ មនុស្សមួយចំនួនធំ មានការជឿជាក់យ៉ាងខ្លាំង ទៅលើ វីដេអូនេះ។

លោកក៏បានបន្តទៀតថាៈ "ខ្ញុំបានទទួលការចោទសួរ ពីអ្នកទស្សនាមួយចំនួនធំ ដែលនៅ ក្នុងនោះរួមមានក្មេងស្រីម្នាក់ អាយុ១១ឆ្នាំដោយនាងបាននិយាយថា នាងមិនអាចគេង នាងមិនអាចញុំា ដោយសារតែមានការភ័យខ្លាច ចំពោះបាតុភូតនេះ ចំណែកឯអ្នកខ្លះទៀត បាននិយាយថា ពួកគេមានបំណងសម្លាប់ខ្លួន មុនពេលដែលបាតុភូត ដ៏សាហាវនេះ នឹងកើតឡើង។"

ដោយឡែកលោកស្រី សាស្រ្តាចារ្យ Rosemary Joyce មកពីមហាវិទ្យាល័យកាលីហ្វញ៉ា បាននិយាយថា ការគិតថា បាតុភូតដ៏មហាវិនាស ដែលនឹងកើតឡើងនៅថ្ងៃទី ២១ ខែធ្នូខាងមុខនេះ គឺជាការយល់ច្រឡំរបស់ប្រតិទិន បុរាណរបស់ជនជាតិ ម៉ាយាននោះទេ៕ ប្រភពពី looking today