អ្នក​ចំ​រៀង​ជន​ជាតិ​អាមេរីក​កាំង នាង Nicole Scher Zinger ជំនាញ​ខាង​លើក​ជើង

ប្រភពព័ត៌មានចចេចចចូចតារាបរទេសនានា បានខ្សឹបខ្សៀវឮៗ នៅថ្ងៃទី១៧ ខែកញ្ញា ឆ្នាំ២០១២នេះ និងបង្ហាញឱ្យឃើញនូវរូបភាព ស្តែងពីសកម្មភាពក្បាច់រាំចំអេសចំអាសបំផុត របស់នាង Nicole Scher Zinger នៅលើឆាកតន្រ្តី ដ៏ធំកក្រើកក្នុងប្រទេសចិន កាលពីពេលថ្មីៗនេះ ដែលទទួលរងការរិះគន់ធ្ងន់ធ្ងរ គួរឱ្យកត់សម្គាល់។

នាង Nicole Scher Zinger ត្រូវបានគេស្គាល់ទូទាំងពិភពលោក និងជុំវិញវិស័យសិល្បៈ Hollywood ថា នាងគឺជាតារាសម្តែងខ្សែភាពយន្តខ្នាតធំ និងជាតារាចម្រៀង មួយដួងកំពុងទទួលបានការពេញនិយមបំផុត ខាងផ្នែកសិចស៊ីបែបអាសអាភាស។ ជាក់ស្តែងខណៈពេលនេះ នាង បានលើកជើងឡើងយ៉ាងខ្ពស់ផុតក្បាល និងត្រង់ឆ្កឺតបាស់ឡើងលើ លេចចេញតំបន់កេរ្តិ៍ត្រង់ម្តុំបរិវេណខោទ្រនាប់ពណ៌ខ្មៅ ជាមួយនឹងស្ទីលបិទបាំងក្បាលម៉ៃក្រូហ្វូន ក្នុងកម្មវិធីសម្តែងក្បាច់រាំ និងច្រៀងអបអរនៃការប្រគំតន្ត្រី GQ China Men of the Year Awards នៅ Beijing ដែលមានការហោរកញ្ជៀវ ដោយបង្កប់នូវពាក្យជេរប្រមាថយ៉ាងកងរំពង ចំពោះភាពមិនចុះសម្រុងរវាងវប្បធម៌នៃជាតិសាសន៍ទាំងពីរ។

មកដល់ពេលនេះ នៅមិនទាន់មានការបកស្រាយជាផ្លូវការថា នាង Nicole Scher Zinger នឹងដោះស្រាយយ៉ាងណានៅឡើយទេ ប៉ុន្តែទោះបីជាយ៉ាងណា ក៏តារាសញ្ជាតិអាមេរិករូបនេះ អាចប្រឈមជាមួយការបាត់បង់ប្រជាប្រិយភាពពីតំបន់នេះ។ គួរបញ្ជាក់ថា នាង Nicole មានឈ្មោះកំណើត Nicole Prescovia Elikolani Valiente កើតនៅថ្ងៃទី 29 ខែមិថុនា ឆ្នាំ១៩៧៨ នៅក្នុងតំបន់ Honolulu រដ្ឋ Hawaii សហរដ្ឋអាមេរិក បច្ចុប្បន្នមានវ័យ៣៤ឆ្នាំទៅហើយ នៅតែដាស់កាមារម្មណ៍ទៀត លើវិស័យចម្រៀង ក្បាច់រាំ R&B សម្តែង និងបង្ហាញម៉ូដ ផងដែរ៕