អ្នក​នាង គង់សុជាតិ បង្ហោះ​រូបកៀកកើយប្រុសថ្មីក្នុង​ Facebook

តារាសម្បូរទ្រព្យស្តុក អ្នកនាងគង់ សុជាតិ បានលាក់អាថ៌កំបាំងស្នេហ៍ជិត ៣ឆ្នាំ បន្ទាប់ពីធ្លាយរឿងលែងប្តីមក ស្របពេលពាក្យចចាមអារ៉ាមផ្សេងៗ បានបោកបក់លើអ្នកនាង ជាបន្តបន្ទាប់។ ពិធីការិនីគង់ សុជាតិ ដែលស្ថិតក្នុងចំណោមតារាមានទ្រព្យច្រើនជាងគេ ក្នុងស្រុកនោះ បានបង្ហោះតាមFacebookនូវរូបភាពកៀកកើយប្រុសម្នាក់ ដែលគេមិនដែលស្គាល់ពីមុន ។

អ្នកគាំទ្រគង់ សុជាតិ បានសរសេរក្នុងComment សួរថា “តើពូនោះ ត្រូវជាម៉េចបង?” ប៉ុន្តែ គង់ សុជាតិ មិនឆ្លើយតបឡើយ ព្រមទាំងបានដក រូបភាពនោះចេញវិញមួយរំពេច នាំឱ្យកាន់តែមានការសង្ស័យថា បុរសសង្ហានោះ អាចជាអ្នកមិនធម្មតាជាមួយគង់ សុជាតិ។

រយៈពេលចុងក្រោយនេះ គង់ សុជាតិ បានចេញចូលក្រៅប្រទេស ដូចទៅផ្សារថ្មីអ៊ីចឹង ដែលអ្នកនាងធ្លាប់អះអាងថា ទៅរៀន វិជ្ជាកែសម្រស់បន្ថែម ដើម្បីពង្រីកមុខជំនួញថែមទៀត តែអ្នកខ្លះសង្ស័យថា គង់ សុជាតិ ទៅកម្សាន្តជាមួយម្ចាស់ចិត្តថ្មី ព្រោះបើនៅក្នុងស្រុក ខ្លាចគេស្គាល់ ស្របពេលមុននេះ គេល្បីថា គង់ សុជាតិ មានសង្សារថ្មី ជាសេដ្ឋីនៅហុងកុង ដោយសារឃើញអ្នកនាង ច្រើនតែទៅដើរលេងនៅទីនោះ។ ប៉ុន្តែ រាល់ការសង្ស័យបែបនេះ ត្រូវបានអ្នកនាង គង់ សុជាតិ បដិសេធ។

អ្នកខ្លះលើកឡើងថា គង់ សុជាតិ ជោគជ័យទាំងការងារ និងមុខជំនួញ តែស្នេហា បែរជាបរាជ័យ។