ជាការពិតក្នុងចំណោមតារាស្រីល្បីជាច្រើនដួងក្នុងប្រទេសកម្ពុជា រមែងគេចមិនផុតទៅលើរឿងអាស្រូវកេរ្តិ៍ឈ្មោះនោះទេ ពោលគឺទាក់ទិននឹងស្នេហាខុសតម្រាពីធម្មជាតិនេះឯង រហូតមានតារាខ្លះសុខចិត្តធ្វើគធ្វើថ្លង់បោះបង់អាជីពជាអ្នកសិល្បៈ ដើម្បីបំពេញតាមសំណូមពររបស់បុរសជាទីស្រឡាញ់ បើទោះបីជាទទួលបាននូវការពេបជ្រាយពីសំណាក់មហាជនស្ទើរងើបមុខលែងរួចយ៉ាងណាក្ដី។ ក៏ប៉ុន្តែសម្រាប់តារាចម្រៀងដែលមានកំណើតពីក្មេងទូលក្ដឹបអំពិល និងស្លឹកអំពិលលក់តាមភូមិ ប៊ុន ផៃលីន ហាក់មិនបានខ្លាចញញើតនឹងរឿងអាស្រូវស្នេហាត្រីកោណម្ដងណាឡើយ ហើយនាងបានគិតថា ដោយសារមហាជនចាប់អារម្មណ៍ត្រង់ចំណុចនេះហើយទើបនាងអាចមានលំដាប់កេរ្តិ៍ឈ្មោះល្បីសុះសាយដល់សព្វថ្ងៃ។
ថ្មីៗនេះសម្រាប់តារាចម្រៀងរសាត់អណ្ដែតមកពីទឹកដីខេត្តតាកែវ ក្នុងស្រុកព្រៃកប្បាស ប៊ុន ផៃលីន បានរងនូវទម្ងន់រឿងអាស្រូវដ៏រសើបមួយទៀត ជុំវិញភាពហ៊ីហាឡូយឆាយ ដោយប្រុសកំពូលស្នេហ៍របស់នាង បានទិញរថយន្តថ្មីមួយគ្រឿង ដើម្បីផ្គាប់ចិត្តនាង ហើយត្រូវបានគេដឹងថា ក៏ជាការដោះដូរនឹងសេចក្ដីស្នេហារយៈពេលមួយឆាវជាមួយនាងដែរ។ លើសពីនេះតារាចម្រៀងជាប់ឈ្មោះជាបុប្ផារាត្រី ប៊ុន ផៃលីន ថែមទាំងបានប្រកាសក្ដែងៗថា នាងមិនលាក់ក្បាយលាក់កន្ទុយចំពោះរឿងស្នេហារវាងនាង និងបុរសសម្បូរទ្រព្យនោះឡើយ ពោលគឺមន្ត្រីយោធាពាក់ផ្កាយពីរលើស្មា ដែលមានប្រពន្ធ និងកូនរួចហើយនោះ តែងស្កាត់មកជួបនាងជាញឹកញាប់ថ្នាក់ថ្នម ប្រលោមស្និទ្ធទៀតផង។
ប៊ុន ផៃលីន បាននិយាយទាំងចិត្តក្លាហានថា "គូស្នេហ៍ថ្មីដែលខ្ញុំបានជួបនេះ គាត់ជាមន្ត្រីយោធាពាក់ផ្កាយពីរ មានប្រពន្ធ មានកូន ហើយថែមទាំងមានស្រីកំណាន់ចិត្តច្រើនទៀតផង។ តែខ្ញុំមិនខ្វល់ទេព្រោះគាត់ស្រលាញ់ និងចូលចិត្តខ្ញុំ"។ ការអះអាងបែបនេះត្រូវបានគេនឹកឃើញទៅដល់ កាលពីពេលកន្លងទៅថ្មីៗនេះ ប៊ុន ផៃលីន ត្រូវបានប្រពន្ធរបស់មន្ត្រីយោធារូបនោះ បានទាំងគំរាមដល់អាយុជីវិត រហូតធ្វើឲ្យនាងភ័យស្លន់ស្លោលែងចង់ហ៊ានទាក់ទងប្ដីគេតទៅទៀត។ ប៉ុន្តែពេលនេះតារាសិចស៊ី ប៊ុន ផៃលីន ហាក់ទទួលបានភាពកក់ក្ដៅច្រើនពីប្រុសកំណាន់ចិត្ត ដោយបានធានាមិនឲ្យនាងភ័យព្រួយពីសុវត្ថិភាព មិនបាច់ខ្វល់ពីសំណាក់ប្រពន្ធដើមតាមរករឿងឆាឆៅនាងទៀតឡើយ ធ្វើឲ្យស្រីស្រស់សម្បូរសាច់ដើមទ្រូងរូបនេះ រស់នៅឱបទ្រព្យប្ដីគេទាំងបើកចំហ និងមានក្ដីសុខជាទីបំផុត។
ខុសប្លែកពីតារាដទៃដែលតែងតែព្យាយាមលាក់បាំងរឿងស្នេហាប្តីគេ ប៉ុន្តែ ប៊ុន ផៃលីន ឯណេះវិញ នាងមិនបានលាក់បាំងអ្វីឡើយ ថែមទាំងមិនបានខ្មាសសម្ដីពេបជ្រាយពីមហាជន និងពីអ្នកសិល្បៈដូចជារូបនាងនោះទេ ។បញ្ហាទាំងអស់នេះទើបត្រូវបានគេហៅថា "ជាតារារស់នៅលើគំនទ្រព្យសម្បត្តិរបស់ប្ដីគេទាំងមិនចេះអៀនខ្មាស"។
តារាចម្រៀងពេលរាត្រីដែលទស្សនិកជនស្គាល់នាងជាទូទៅតាមរយៈរហស្សនាមថា"កាកី"ស្រីស្រស់ ប៊ុន ផៃលីន មិនបាននិយាយអ្វីឲ្យវែងឆ្ងាយលើរឿងរ៉ាវឯកជនរបស់នាងឡើយ ពោលគឺរឿងនាងទាក់ទងប្ដីគេនេះឯង ហើយចាប់តាំងពីមានមន្ត្រីផ្កាយពីស្រឡាញ់ និងការផ្លាស់ប្ដូរកម្រិតជីវភាពដាច់ឆ្ងាយពីគ្រាមុនរួចមក នាងត្រូវបានគេមើលឃើញថា ហាក់ពើងទ្រូងតម្លើងឫក មិនសូវរួសរាយរាក់ទាក់ជាមួយមិត្តភក្តិ ដូចកាលពីនាងមិនទាន់ល្បីឈ្មោះ និងមិនទាន់មានទ្រព្យហូរហៀរដូចពេលនេះទេ ជាពិសេសនាងហាក់វាយឫកខ្ពស់កប់ពពកជាមួយនឹងអ្នកសារព័ត៌មានពេលចង់ទាក់ទងសុំបទសម្ភាសន៍ពីការងារម្ដងៗ។
បើផ្អែកតាមប្រភពព័ត៌មានពីអ្នកសារព័ត៌មានមួយចំនួន ដែលធ្លាប់មានទំនាក់ទំនងល្អជាមួយតារាចម្រៀងចង់យកតំណែងសិចស៊ីប្រចាំឆ្នាំ ប៊ុន ផៃលីន បានទម្លាយឲ្យដឹងស្រដៀងៗគ្នាថា ប៊ុន ផៃលីន បច្ចុប្បន្នមិនដូច ប៊ុន ផៃលីន ពីមុនទេ នាងហាក់ក្លាយជាតារាវាយឫកខ្ពស់ជាមួយអ្នកការសែត ព្រោះពេលខលទូរស័ព្ទសុំសម្ភាសន៍ម្ដងៗ មានហាក់សម្ដែងអារម្មណ៍ឆេវឆាវខឹងសម្បារ និងតំឡើងសម្ដីធំៗដាក់មកវិញ ក្នុងន័យមិនស្វាគមន៍ទៀតផង។ ទង្វើបែបនេះត្រូវបានគេមើលឃើញថា ស្រីស្រស់ឈ្លក់ទឹកម៉ាស៊ីនប៊ុន ផៃលីន ជាតារាឆាប់ភ្លេចកំណើតដើម ឆាប់ភ្លេចគ្រាក្រ និងឆាប់ភ្លេចពេលនាងមិនទាន់ល្បីឈ្មោះ ព្រោះគេនៅចាំបានថា កាលពីនាងចូលសិល្បៈដំបូង នាងបានត្រាចរតត្រុកដើររកអ្នកសារព័ត៌មានសុំឲ្យជួយចុះផ្សាយពីនាង ដោយមិនបានគិតថា នាងត្រូវជិះម៉ូតូឌុប ឬជិះតាក់ស៊ីនោះឡើយ ឲ្យតែបានជួបអ្នកកាសែត៕ប្រភពពី: Khmer7News
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
