ប្រទេស​កម្ពុជា​ប្រារព្វ​ខួប​២​ឆ្នាំ នៃ​ថ្ងៃ​ចូល​ទីវង្គត់​នៃ​សម្ដេច​នរោត្តម​សីហនុ​

នៅ​ព្រឹក​ថ្ងៃ​ទី​១៥ ខែតុលា ឆ្នាំ​២០១៤នេះ ព្រះរាជ​ពិធី​គោរព​និង​ឧទ្ទិស​ថ្វាយ​ព្រះ​រាជកុសល​ដល់​ព្រះ​វិញ្ញាណក្ខន្ធ ព្រះករុណា ព្រះ​បរម​រតន​កោដ្ឋ​គម្រប់​២​ឆ្នាំ​បាន​ប្រារព្ធ​ធ្វើ​​​ ដោយ​មាន​ការចូលរួម​ពី​រដ្ឋ​មន្ត្រី​ជាន់ខ្ពស់​រាជ​រដ្ឋាភិបាល​ស​មាជិក​​រដ្ឋស​ភា និង​ព្រឹទ្ធសភា​។​

​​ព្រះរាជ​ពិធី​ខាង​លើ​នេះ ​មាន​ការ​រាប់បាត្រ​ព្រះសង្ឃ​៥០០​អង្គ នៅ​មុខ​ព្រះបរមរាជវាំង​។  រីឯ​នៅ​ព្រះ​បរម​រូប​សម្តេច​ព្រះ​នរោត្តម សីហនុ នៅ​ជិត​វិមានឯករាជ្យ នឹង​មាន​ព្រះរាជ​ពិធី​គោរព​ថ្វាយបង្គំ ដោយ​មាន​ស្ថាប័ន​ក្រសួង​រាជរដ្ឋាភិបាល​ទាំង​៣៥ ព្រមទាំង​ព្រឹទ្ធសភា​រដ្ឋសភា ស្ថាប័ន​ក្រុម​ប្រឹក្សា​ធម្មនុញ្ញ​ជាដើម​។​

ចំណែក​នៅ​ខាងក្រៅព្រះបរម​រាជ​វាំង មាន​ប្រជាពលរដ្ឋ​ជាច្រើន មក​ប្រមូលផ្ដុំ​គ្នា​ដោយ​ពួកគេ​ម្នាក់ៗ សម្ដែង​ក្ដី​អាឡោះអាល័យ​ការបាត់​ព្រះភ័ត្រ នៃ​ព្រះមហាវីរក្សត្រ​ខែ្មរ ដែល​អ្នក​ន​យោ​យ​បាយ ដាក់​រហ័ស​នាម​ថ្វាយ​ព្រះអង្គ​ថា ជា​ព្រះបិតា​ជាតិខ្មែរ ព្រះបិតា​ឯករាជ្យ​ជាតិ​។​

​ព្រះបាទ​នរោត្តមសីហនុ ព្រះអង្គ​បាន​យាង​ចូល​ទីវង្គត់​នៅ ​ថ្ងៃ​ទី​១៥ ខែតុលា ឆ្នាំ​២០១២ ក្នុង​ព្រះ​ជន្មាយុ ៩០​ព្រះវស្សា នៅ​ក្រុង​ប៉េកាំង ប្រទេស​ចិន ជា​កន្លែង​​ដែល​ព្រះអង្គ​យាង​ទៅពិនិត្យ ព្រះរាជសុខភាព​៕