យោងតាមសេចក្តីរាយការណ៍ពីពលរដ្ឋនៅខេត្តបន្ទាយមានជ័យ កាលពីប៉ុន្មានថ្ងៃកន្លងទៅថ្មីៗនេះបានអោយដឹងថា លោក ឡុង-សំអឿន ប៉ូលីសសេដ្ឋកិច្ចក្រសួងសក្តិបី បានដេញថ្លៃយកតំណែងរបស់លោក ហុក-ចិត្រា នៅខេត្តបន្ទាយមានជ័យដែលជាកន្លែងខ្លាញ់ ក្នុងការដាក់កុងត្រូវជជុះចាំយកលុយពីក្រុមឈ្មួញរកស៊ីខុសច្បាប់ នាំឥវ៉ាន់គេចពន្ធមកពីប្រទេសថៃ ចូលកម្ពុជា។
យោងតាមប្រភពព័ត៌មានបានលួចបង្ហើបអោយដឹងថា លោកឡុងសំអឿន នាយប៉ូលីសសេដ្ឋកិច្ចក្រសួងប្រចាំខេត្តសៀមរាប និងខេត្តឧត្តរមានជ័យ ដែលជាកូនចៅជំនិតរបស់លោក យិន-ប្រសិទ្ធ នាយប៉ូលីសសេដ្ឋកិច្ចក្រសួង បានដេញថ្លៃយកខេត្តបន្ទាយមានជ័យថែមមួយទៀតអោយគ្រប់បីខេត្តនៅទិសឧត្តរ ដើម្បីម្នីម្នាខិតខំកែខៃច្នៃគ្រប់ល្បិចកលក្នុងការដាក់ពង្រាយកងកម្លាំង និងកុងត្រូលជជុះដើម្បីប្រមូលលុយខ្មៅពីក្រុមឈ្មួញដែលរកស៊ីបទល្មើសដូចជា ដឹកឈើខុសច្បាប់ ដឹកឥវ៉ាន់គេចពន្ធ និងម្ហូបអាហារខូចគុណភាព ពីស្រុកថៃចូលស្រុកខ្មែរ ជាដើម….។ល។
គួររំលឹកផងដែរថា បន្ទាប់ពីមានការចុះផ្សាយក្នុងគេហទំព័រសារព័ត៌មានមួយចំនួន ដែលចោទថា លោក ហុក-ចិត្រា បានដាក់កុងត្រូលជជុះនៅខេត្តបន្ទាយមានជ័យចាំគាបយកលុយពីក្រុមឈ្មួញរកស៊ីខុសច្បាប់កាលពីពេលថ្មីៗនេះ លោកហុកចិត្រាត្រួវបានថ្នាក់លើផ្ទេតំណែងពីគោលដៅខាងលើ អោយទៅឈរជើងនៅខេត្តជាយដែនខ្មែរយួនវិញ ចំណែកឯខេត្តបន្ទាយមានជ័យត្រូវបានគេបង្ហើបថា លោកឡុងសំអឿនបានដេញថ្លៃយក ព្រោះចង់បានយូហើយតែមិនដឹងធ្វើយ៉ាងមេចអាចយកបាន ទើបតែពេលនេះជាឱកាសល្អបានមកដល់។
មជ្ឈដ្ឋានប្រជាពលរដ្ឋនៅខេត្តសៀមរាប និងខេត្តឧត្តរមានជ័យបានអះអាងថា គេពុំដែលឃើញលោក ប៉ូលីសសេដ្ឋកិច្ចក្រសួងឈ្មោះ ឡុង-សំអឿន នេះចេញមុខបង្ក្រាបទបល្មើសព្រៃឈើ ឥវ៉ាន់ខូចគុណភាព និងឥវ៉ាន់គេចពន្ធម្តងណានោះទេ តែបែជាល្បីល្បាញថា ពូកែខាងដាក់បង្រាយកូនចៅក្រោមឱវាតចាំយកលុយពីក្រុមឈ្មួញរកស៊ីខុសច្បាប់ទៅវិញ។
ពលរដ្ឋបន្តថា បើទោះបីជាលោកឡុងសំអឿនបានបង្កព្យុះភ្លៀង ឬមេឃបាក់ធ្លាក់លើ យ៉ាងណាក៏ដោយ ក៏គ្មានថ្នាក់លើណាអើពើឬធ្វើដឹងលឺនោះដែរ ព្រោះលោកឡុងសំអឿន ត្រូវបានលោក យិនប្រសិទ្ធ ដែលជាថ្នាក់លើស្រលាញ់ពេញចិត្តពេញថ្លើម ប្រើបាតដៃព្រះយូឡាយបាំងមេឃជំនួសលោកឡុងសំអឿនហើយ មិនតែប៉ុណ្ណោះគេថែមទាំងដឹងទៀតថា លោកឡុងសំអឿន ជាដៃស្តាំលោកយិនប្រសិទ្ធ ដែលពូកែរកចំណូលក្រោមតុជូនថ្នាក់លើផងដែរ ទើបបានជាធ្វើការមិនបានប៉ុន្មានឆ្នាំផង ក៏ឡើងបុណ្យឡើងសក្តិរហូតអាចកាន់ដំណែងដល់ទៅពីរបីខេត្តតែម្នាក់ឯងទៀត។
ពាក់ព័ន្ធករណីខាងលើនេះ យើងពុំទាន់អាចសុំការបកស្រាយបំភ្លឺពីលោក ឡុង-សំអឿន បានទេព្រោះគ្មានលេខទូរស័ព្ទសំរាប់ធ្វើការទំនាក់ទំនង៕ ដោយ៖ ផ្លុង-រ៉េត






នៅក្នុងប្រទេសនីមួយៗ មានមនុស្សរស់នៅចំរុះជាតិសាសន មានអ្នកក្រមានអ្នកមាន អ្នកតូចអ្នកធំ អ្នកខ្ពស់អ្នកទាប មានអ្នកចេះមានអ្នកល្ងង់ មានអ្នកស្នេហាជាតិមានអ្នកបំផ្លាញជាតិ មានអ្នក...Read more
លិខិតអនាមិកជាច្រើនសន្លឹក ត្រូវគេឃើញនៅមុខអធិការនគរបាលក្រុងសៀមរាប និងមុខស្នងការដ្ឋាននគរបាលខេត្តសៀមរាបកាលពីថ្ងៃទី៧ ខែកក្កដា ឆ្នាំ២០១៥ ដែលក្នុងនោះស្នើឲ្យលោកស្នងការនគរបាលខេត្ត មានវិធានការ ទៅលើលោកអធិការនគរប...Read more
សត្វតិរិច្ឆាន គឺជាសត្វមួយប្រភេទ ដែលមិនស្គាល់បុណ្យបាប មិនស្គាល់ពូជពង្សវង្សសាវតារបស់ខ្លួន មិនមានឧត្តមគិតិ មិនមានចំណេះដឹង ស៊ីតែអាហារដែលជាកាកសំណល់ពីគេ រកស៊ីចិញ្ចឹមជីវិតតែមួយក្រពេះ មិន...Read more
ប្រជាជនខ្មែរមួយចំនួនតែងមានជំនឿថា បើថ្ងៃខែឆ្នាំណាគេរកស៊ីមានបានទ្រព្យធនហូរចូល ឡើងបុណ្យឡើងសក្តិ ឡើងប្រាក់ខែ នោះគេតែងនិយាយថា ថ្ងៃខែឆ្នាំនេះរាសីឡើងខ្ពស់ ឬយីអ៊ុនឡើង តែបើគេរកស៊ីខាតបង...Read more
យោងតាមប្រភពពីមន្ត្រីរាជការនៃ មន្ទីរពាណិជ្ជកម្មខេត្តកំពង់ស្ពឺបានឲ្យដឹងថារ កន្លងទៅនេះលោក ញិល សំបូរ និងបក្ខពួក ប្រព្រឹត្តអំពើពុករលួយកេង ប្រវ័ញ្ចថវិការដ្ឋ ក្នុងមួយឆ្នាំៗយ៉ាង...Read more
យោងតាមប្រភពព័ត៌មានពីក្រុងភ្នំពេញនៅព្រឹកថ្ងៃទី០៦ ខែវិច្ឆកា ឆ្នាំ២០១៥នេះ បានអោយដឹងថា លោកនាយករដ្ឋមន្ត្រី ហ៊ុនសែន បានប្រកាសក្នុងអង្គប្រជុំប្រចាំសបា្ដហ៍របស់ខ្លួននៅទីស្ដីការគណរដ...Read more
មនុស្សម្នាក់ត្រូវបានស្លាប់ និងម្នាក់ទៀតបានរង របួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យទាំងយប់ ក្រោយពីជួបគ្រោះថ្នាក់ចរាចរណ៍ រវាងម៉ូតូបុកជាមួយម៉ូតូ ហើយត្រូវរថយន្តយីឌុបកិនពីលើបន្ថែមទៀត កាលពីវេលាម៉ោង៦...Read more
| ថ្ងៃនេះ | 1721 | នាក់ |
| ម្សិលមិញ | 145 | នាក់ |
| សប្ដាហ៍នេះ | 1879 | នាក់ |
| ខែនេះ | 1879 | នាក់ |
| ឆ្នាំនេះ | 218971 | នាក់ |
| សរុប | 57570367 | នាក់ |
| ថ្ងៃទី 09 ខែ 05 ឆ្នាំ 2026 ម៉ោង 18:11 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

