ឆេះក្លឹបកម្សាន្តហីបហបស្លាប់មនុ្ស៥នាក់គ្រាន់ជាព័ត៌មានបឋម

អគ្គីភ័យមួយបានលេប​ត្រ​បាក់​ក្លឹប​កម្សាន្ត​ហីបហប​នៅ​រំលង​អាធ្រាត្រ​ថ្ងៃទី១៧​ឈានចូល​ថ្ងៃទី១៨​ខែ​វិច្ឆកា​ឆ្នាំ២០១៤ ​​ស្ថិត​ក្នុង​ភូមិ​វត្ត​ដំណាក់ សង្កាត់​សាលាកំរើក ​ក្រុង​សៀម​រាប​ ដែល​បណ្តាល​អោយ​មនុស្ស​ប្រុស​ស្រី​ចំនួន​៥​នាក់​បាន​ស្លាប់​នេះ​បើ​​តាម​ព័ត៌មាន​ជា​ឋម​ពី​ក្រុម​សមត្ថ​កិច្ច​ក្រុង​សៀម​រាប។

យោង​តាមប្រភព​ពី​កន្លែងកើតហេតុបានអោយ​ដឹងថា នៅ​ពេល​កើតហេតុ​គេឃើញភ្លើង​ឆេះ​​ហុយចេញ​ពីក្នុងក្លិបហីបហបនេះតែម្តង តែ​ពុំ​ឃើញ​មាន​ភ្លើង​ឆេះ​ខ្លាំង​នោះ​ទេ​គ្រាន់​តែ​ឆេះ​ហុយៗតិចៗតែ​ប៉ុណ្ណោះ។ មួយសន្ទុះក៏ឃើញមានបុគ្គលិករត់ចេញពីក្នុងក្លឹប​ទាំងការ​ភិតភ័យរួចក៏ ហើយ​អ្នកគ្រប់​គ្រង​បាន​​​រាយ​ការណ៍​ទៅ​​សមត្ថ​កិច្ច​ដើម្បីសុំ​​​​រថយន្ត​ពន្លត់​អគ្គិភ័យ​មកឲ្យជួយពន្លត់។

តាមប្រភពពីសមត្ថកិច្ចបាន​ប្រាប់នៅកន្លែងកើតហេតុថា ពួកគាត់​បាន​ដឹងព័ត៌រឿង​អគ្គីភ័យ​នេះ​នៅ​​ម៉ោង​៣​ទៀបភ្លឺ​​ថ្ងៃ​ទី១៨ទៅ​ហើយ ពេល​នោះ​លោក​ក៏​បាន​ហៅ​រថ​យន្ត​ពន្លត់​អគ្គី​ភ័យ​របស់​ស្នង​ការ​ខេត្ត​ និង​​រថ​យន្ត​ពន្លត់​​អគ្គី​ភ័យ ប៉េ​អឹមខេត្ត មក​ជួយអន្ត​រាគមន៍​ដើម្បីកុំឲ្យមានការឆេះរាលដាលទៅ  ដល់ផ្ទះរបស់ប្រជាពលរដ្ឋ នៅជិតនោះ។

សមត្ថ​កិច្ច​បន្តថា មក​ដល់​ម៉ោង​នេះ​មាន​រថ​យន្ត​ពន្លត់​អគ្គី​ភ័យ​របស់​ស្នងការខេត្ត​ដែលដឹក​នាំដោយ​លោក​វរសេនីយ៍ត្រី មាស សាង ចំនួន​៥​គ្រឿង និង​រថយន្ត​ពន្លត់ អគ្គិភ័យ របស់កម្លាំងប៉េអឹមខេត្ត ដឹកនាំដោយលោកវរសេនីយ៍ឯក ស្រី យូរ៉ា មេបញ្ជា​ករ​រង ចំនួន​៥​គ្រឿង និង រថយន្ត​ពន្លត់​អគ្គិភ័យ របស់​ព្រលាន​យន្តហោះ​ចំនួន​១​គ្រឿង ទើបអាច រលត់​បាន​ដោយ​សុវត្ថិ​ភាព។

សមត្ថ​កិច្ច​បន្ថែមទៀតថា មក​ដល់​ពេល​នេះមិន​ទាន់​ដឹង​ពីមូល​ហេតុ​នៃ​ការ​ខូច​ខាត​ទ្រព្យ​សម្បត្តិ​អស់​ប៉ុន្មាន​នៅឡើយទេ តែ​​គេ​បាន​រក​ឃើញ​មាន​​អ្នក​ស្លាប់ជា​បន្ត​បន្ទាប់​ ក្នុង​នោះ​មាន​ប្រុស​ស្រី៥នាក់ ហើយ​ក្នុង​ចំណោម​៥នាក់នេះ មាន​​ជន​ជាតិ​បរទេសម្នាក់ផងដែរ៕