ជនសង្ស័យ២នាក់ត្រូវបានសមត្ថកិច្ចឃាត់ខ្លួន បញ្ជូនទៅតុលាការពាក់ព័ន្ធគ្រឿងញៀន

ជនសង្ស័យ​២​នាក់​ត្រូវ​នគរបាល​ចាប់ខ្លួន ពាក់​ពន្ធ័​ករណី​ជួញដូរ​គ្រឿងញៀន ដកហូត បាន​ថ្នាំញៀន​មួយចំនួនធំ នៅលើ​ផ្ទះសំណាក់​ហ្គោដ​ឡាក់ ក្នុង​ភូមិ​ក្បាលស្ពាន​២ សង្កាត់​/​ក្រុង​ប៉ោយ ប៉ែត ខេត្ត​បន្ទាយមានជ័យ កាលពី​វេលា​ម៉ោង​១​និង​២០​នាទី​ទាបភ្លឺ ព្រឹក​ថ្ងៃ​ទី​២៤ ខែវិច្ឆិការ ឆ្នាំ​២០១៤​។​

អធិការ​នគរបាល​ក្រុង​ប៉ោយ​ប៉ែត លោក អ៊ុំ សុផល បានឲ្យដឹងថា ជនសង្ស័យ​ទាំង​២​នាក់ ត្រូវ​បាន​ឃាត់ ខ្លួន​នៅក្នុង​បន្ទប់​លេខ​១០២ នៃ​សណ្ឋាគារ​ហ្គោដ​ឡាក់ រួមមាន​១/​ឈ្មោះ មួយ ធី ភេទ​ប្រុស អាយុ​៣២ ឆ្នាំ និង​២/​ឈ្មោះ​ស៊ុន ណារិន ភេទ​ប្រុស អាយុ​២៩​ឆ្នាំ​។​ក្រៅពីនេះ​សមត្ថកិច្ច​ដកហូត​បាន​ថ្នាំញៀន ប្រភេទ​ខេ​ទឹក​ក​ចំនួន​៥១​ថង់​តូច ។​

បច្ចុប្បន្ន​ជនសង្ស័យ​ទាំង​ពីរ​នាក់ រួមជាមួយ​វត្ថុតាង​ត្រូវបាន​នគរបាល​នាំយក​ទៅ​សួរនាំ​នៅ​ប៉ុស្តិ៍នគរបាល ប៉ោយ​ប៉ែត ដើម្បី​កសាង​សំណុំរឿង​បញ្ជូន​ទៅ​តុលាការ​ចាត់ការ​តាមច្បាប់​៕