អាវុធហត្ថក្រុងនិងខេត្តបង្រ្កាបបានក្រុមចោរលួចម៉ូតូ៨នាក់ដោយជោគជ័យបន្ទាប់ពីបាញ់តគ្នាមួយប្រាវ

កង​រាជ​អាវុធ​ហត្ថ​ក្រុង និង​ខេត្ត​បាន​ចុះ​ប្រតិបត្តិ​ការ​បង្ក្រាប​ក្រុម​ចោរ​លួច​ម៉ូតូ​នៅ​ចំ​ណុច​ភូមិបឹង សង្កាត់​ជ្រាវ ក្រុម​សៀម​រាប​កាល​ពី​វេលាម៉ោងប្រ​​ប្រែល៦និង​៣០​នាទី​ព្រឹក​​ថ្ងៃទី២៥ ខែមករា ឆ្នាំ២០១៤នេះ​ ​រឹប​អូស​បាន​វត្ថុតាង​មួយ​ចំនួន និង​ចាប់​បាន​ចោរ​ស្រី​ប្រុស​ចំនួន​៨នាក់​ បន្ទាប់​ពី​មាន​ការ​បាញ់​ត​គ្នា​មួយ​ប្រាវ។

ជន​សង្ស័យ​ទាំង​៨នាក់​នោះ​មាន​ឈ្មោះ​ដូច​ខាង​ក្រោម៖ ទី១-ឈ្មោះ ហាក់ហេង ភេទប្រុសអាយុ ៣៤ឆ្នាំ មានទីលំនៅភូមិដីឡូត៍ ឃុំអូបោក ស្រុក សំរោង ខេត្តឧត្តរមានជ័យជាមេក្លោង មានកាំភ្លើង ទី២-ឈ្មោះ ភាន់ភ័ក្រ ភេទប្រុស អាយុ២៨ឆ្នាំ មុរបរ​មិនពិតប្រាកដ នៅភូមិ​កងមាស ឃុំបឹងត្រាវ ស្រុកកងមាស ខេត្តកំពង់ចាម ទី៣-ឈ្មោះ សែងហូរ ភេទប្រុស អាយុ​៣៤ឆ្នាំ នៅភូមិ​បង្អែក ឃុំស្វាយផ្លៅ ស្រុកពាមជរ ខេត្តព្រៃវែង ទី៤-ឈ្មោះ ស៊ុំសំណាង ភេទស្រី អាយុ១៨ឆ្នាំ នៅភូមិ​ត្រពាំងធំ ឃុំមានជ័យ ស្រុកប្រាសាទបាគង ខេត្តសៀមរាប ទី៥-ឈ្មោះស៊ឹ មចន្ថា ភេទស្រី អាយុ២៨ឆ្នាំ នៅភូមិ​ព្រែក ឃុំព្រែកគុយ ស្រុកស្អាង ខេត្តកណ្ដាល ទី៦-ឈ្មោះ អ៊ឺន​ស្រីរ័ត្ន ភេទស្រី អាយុ​១៩ឆ្នាំ នៅភ្នំពេញ ទី៧-ឈ្មោះ ចេកចន ភេទប្រុសអាយុ​២៣ឆ្នាំ នៅភូមិជន្លង់ សង្កាត់សាលាកំរើក ក្រុងសៀមរាប ទី៨-ឈ្មោះ វែងបុត្រ ភេទប្រុស អាយុ​៣៥ឆ្នាំ នៅភូមិ​សាលា កន្សែង សង្កាត់​ស្វាយដង្គុំ ក្រុងសៀមរាប។

សមត្ថកិច្ចបាន​ធ្វើ​ការ​ដកហូតសម្ភារៈ និងវត្ថុតាងដូចជា​ ម៉ូតូចំនួន៤គ្រឿង ម៉ាកហុងដាឌ្រីម ទូរស័ព្ទ៥គ្រឿង អាវុធខ្លី​កា៥៤ចំនួន១ដើម គ្រាប់១៤គ្រាប់ ស្លាកលេខចំនួន១២ ដែកសំរាប់កាច់សោម៉ូតូចំនួន២ និងសម្ភារៈ កែឆ្នៃម៉ូតូ មួយចំនួនធំ។ ជនសង្ស័យ និងវត្ថុតាង​ត្រូវបានសមត្ថ​កិច្ច​កសាង សំណុំរឿង បញ្ជូនទៅកាន់សាលាដំបូងខេត្តសៀមរាប ដើម្បីចាត់ការទៅតាមផ្លូវច្បាប់។

សមត្ថ​កិច្ច​បាន​អោយ​ដឹង​ថា ដោយ​សារ​ក្រុម​ចោរ​មាន​កាំភ្លើង​បាញ់​រៈមក​លើ​សមត្ថ​កិច្ច​ដើម្បី​រំ​ដោះ​ខ្លួន​ ទើប​សមត្ថ​កិច្ច​បាញ់​តប​ត​វិញ​អស់​២០គ្រាប់​ទើប​អាច​ចាប់​ក្រុម​ចោរ​ខាង​លើ​បាន​។ សមត្ថ​កិច្ច​បាន​បន្ថែមថា ពួកគាត់​បាន​ចុះ​ធ្វើ​ការ​តាម​ដាន​ស៊ើប​អង្កេត​តាំង​ពី​ល្ងាច​ថ្ងៃទី​២៤​មក​ម្លេះលុះ​ព្រឹក​ឡើង​ទើប​អាច​កំ​ណត់​មុខ​សញ្ញាបានឈាន​ដល់​ចាប់​ខ្លួន​ពួក​ក្រុម​ចោរ​ខាង​លើ។

គេ​សង្កេត​ឃើញវត្តមាន​​លោក ឃឹម ប៊ុនសុង អភិបាល​ខេត្តសៀមរាប​បានអញ្ជើញ​ពិនិត្យ​ការ​បង្ហាញក្រុម​ចោដែល​សមត្ថកិច្ច​បង្ក្រាបបានដោយ​ជោគ​ជ័យខាងលើនេះ៕