ប្រជាពលរដ្ឋនៅខេត្តសៀមរាប និងអ្នកលេងបណ្តាញសង្គម (Facebook) នៅកម្ពុជា បានធ្វើការរិះគន់ខ្លាំងៗថា ក្រុមអ្នករៀបចំកម្មវិធីអង្គរសង្ក្រានឆ្នាំនេះ បានធ្វើខ្លោងទ្វារពីរនៅចំផ្លូវចូលទៅប្រាសាទអង្គរវត្ត មិនដូចជាខ្លោងទ្វាររបស់ខ្មែរទេ បែជាដូចជាខ្លោងទ្វាររបស់យួនចិនទៅវិញ។
ជាក់ស្តែងខ្លោងទ្វារពីរត្រូវបានគេសាងសង់នេះគឺ មួយនៅចំផ្លូវចូលខាងលិចនៃខ្លោងទ្វារប្រាសាទអង្គរវត្ត ឯខ្លោងទ្វារទីពីរគឺនៅចំច្រកផ្លូវខាងត្បូងនៃប្រាសាទអង្គរវត្ត ហើយកាលពីថ្ងៃទី០៤ ខែមេសា ឆ្នាំ២០១៥នេះ ខ្លោងទ្វារទីពីរមិនទាន់ត្រូវបានបញ្ចប់ការសាងសង់ទាំងស្រុងនៅឡើយទេ។
ពលរដ្ឋទាំងចាស់ទាំងក្មេងនៅខេត្តសៀមរាប រអូរទាំឆ្ងល់ថា តើអ្នកឆ្នៃម៉ូដ្ឋខ្លោងទ្វារដែលដាក់តាំងនៅផ្លូវចូលប្រាសាទអង្គរវត្តទាំងពីរនេះគេទៅរៀននៅប្រទេសណាដែរ? បានជាសាងសង់ខ្លោងទ្វារនៅមុខប្រាសាទបុរាណរបស់ខ្មែរ បែជាខុសប្លែកពីខ្លោងទ្វារបុរាណតាមប្រាសាទផ្សេងៗ វាទៅជាខ្លោងទ្វារកូនកាត់ ដោយមានចំណុចមួយចំនួនដូចខ្លោងទ្វារចិនយួនទៅវិញ។
ចំណុចដែលពលរដ្ឋខ្មែររិះគន់ទៅលើខ្លោងទ្វារនេះគឺ ទីមួយការលាបពណ៍ឆើតឆាយ មានពណ៍លឿង ពណ៍ក្រហម ទីពីរម៉ូដ្ឋមួយបន្ទះនៅក្រោមអក្សរអង្គរសង្ក្រានវាដូចម៉ូដ្ឋខ្លោងទ្វាររបស់ចិនយួន ទីបីបន្តោងផ្លែស្វាយសងខាងក្រោមខ្លោងទ្វារក៏មិនសមនឹងដាក់ និងទីបួនកន្លែងកន្ទុយនាគវាគ្រាន់តែកែពីអក្សរយួនចិនទៅជាកន្ទុយនាគតែប៉ុណ្ណោះ។
អ្នកខ្លះគេរិះគន់ធ្ងន់ទៅលើពណ៍របស់ខ្លោងទ្វារសង្គ្រានខាងលើថា ការលាបពណ៍ឆើតឆាយ លឿងក្រហម បែបនេះវាធ្វើអោយលុបបាត់សោភ័ណភាពប្រាសាទបុរាណខ្មែរ ដែលអាចធ្វើអោយភ្ញៀវបរទេសគេយល់ច្រឡំថា ខ្មែរក៏មានខ្លោងទ្វារដូចចិនយួនដែរ ឬអាចអោយជនបរទេសគេច្រឡំថា ខ្មែរលួចម៉ូដ្ឋរបស់គេខ្លះៗមកប្រើប្រាស។
បើយោងតាមប្រវត្តិសាស្រ្ត ប្រជាជនខ្មែរមានដើមកំណើតតាំងពីសត្តវត្សទី១នៃគ្រឹះសករាជ ដែលមានឈ្មោះថា ហ្វូណន ឬនគរភ្នំ ដែលបានចារទុកក្នុងផែនទីប្រវត្តិសាស្រ្ត។ ដូច្នេះសបញ្ជាក់អោយឃើញថា ខ្មែរមានវប្បធម៌ អរិយធម៌របស់ខ្លួនតាំងពីយូរលុងណាស់មកហើយ មិនមែនទើបតែដើរឈ្លានពានវាទទីលួចប្លន់ទឹកដីគេមកធ្វើជារបស់ខ្លួនដូចប្រទេសមួយចំនួននោះទេ។ បុព្វបុរសខ្មែរបានបន្សល់ទុកប្រាង្គប្រាសាទបុរាណជាច្រើននៅកម្ពុជា សំរាប់កូនខ្មែរជំនាន់ក្រោយ ដែលអាចនិយាយបានថា ខ្មែរអាចទទួលចំណូលពីភ្ញៀវទេសចរណ៍ជាតិ និងអន្តរជាតិជាច្រើនសន្ធឹកសន្ធាប់សំរាប់ការអភិវឌ្ឍន៍ប្រទេសជាតិ និងចិញ្ចឹមប្រជារាស្រ្តរបស់ខ្លួន។
ភ្ញៀវទេសចរណ៍ជាតិ និងអន្តរជាតិមួយចំនួនបាននិយាយថា ការធ្វើកម្មវិធីអង្គរសង្ក្រាននៅតំបន់ប្រាសាទអង្គរវត្ត និងអង្គរធំនៃខេត្តសៀមរាបនេះ វាពិតជាធ្វើអោយមានការទាក់ទាញ និងអាចទទួលបានចំណូលពិតមែន តែក៏មានគុណវិប្បត្តិមួយចំនួនដែរ ដូចជាការកកស្ទះចរាចរណ៍រាប់សិបម៉ោងពេលធ្វើដំណើរ ដែលធ្វើអោយអ្នកទេសចរណ៍ជាតិ និងអន្តរជាតិពិបាកក្នុងការធ្វើដំណើរឆ្លងកាត់ទៅទស្សនាប្រាសាទនានាក្នុបរិវេណអង្គរ។ ពួកគាត់បន្តថា បើអ្នករៀបចំកម្មវិធីនេះប្តូរទីតាំង ដោយរកទីតាំងណាដែលទំនេរ មានទីធ្លាធំទូលាយនោះវាប្រសើជាជាង វាអាចអោយអ្នកទស្សនាអាចចូលរួមបានច្រើន ហើយវាមិនប៉ះពាល់ដល់ការធ្វើដំណើរទៅទស្សនាប្រាសាទអង្គរវត្ត និងប្រាសាទជាច្រើនទៀត ព្រោះភ្ញៀវទេសចរណ៍គេមកលេងខេត្តសៀមរាប គឺគេមកមើលប្រាសាទបុរាណ មិនមែនមកមើលកម្មវិធីអង្គរសង្ក្រានទេ។
ជុំវិញការរិះគន់ដើម្បីស្ថាបនាខាងលើនេះ ពលរដ្ឋខ្មែរសង្ឃឹមថា ក្រុមអ្នករៀបចំកម្មវិធីអង្គរសង្ក្រាន និងធ្វើការពិចារណា កែលំអសាឡើងវិញចំពោះ ខ្លោងទ្វារដែលមានការរចនាបែបច្របូកច្របល់លាយឡំបែបនេះ៕ ដោយ៖ ផ្លុង-រ៉េត
.jpg)
.jpg)
.jpg)
.png)
.jpg)
.jpg)
ក្នុងជំនួបមួយដែលមានការចូលរួមរវាងអ្នកសារព័ត៌មាននៅព្រឹកថ្ងៃទី២៩ មិថុនា នេះ ឯក្រុងខេមរភូមិន្ទ លោក សុខ សុវណ្ណ ប្រធានក្រុមប្រឹក្សាអ្នកសារព័ត៌មានកម្ពុជា បានសម្តែងប្រតិកម្មចំពោះស្ថាប័ន អយ្យ...Read more
លោក យិន ប្រសិទ្ធ នៅតែមានសិទ្ធិអំ ណាចធំធេងក្នុងការចាត់តាំងមន្ត្រីជំនិតៗឲ្យចុះប្រមូលលុយពីក្រុមឈ្មួញរកស៊ីដឹកជញ្ជូនទំនិញគេចពន្ធនិងអ្នករកស៊ីដឹកឈើខុសច្បាប់មិនដែលឈឺក្បាលវិលមុខពីចំណ...Read more
អ្នកនយោបាយនៅកម្ពុជាត្រូវបានគេមើលឃើញថា ធ្វើនយោបាយដើម្បីតែអំណាចផ្ទាល់ខ្លួន អំណាចប្រមូលផ្តុំ បក្ខពួកនិយម ទាំងគណបក្សកាន់អំណាច និងគណបក្សប្រឆាំងគេចមិនផុតពីការតែងតាំង...Read more
ក្លឹបក្លាស៊ិក ហ៊ីប ហប (Classic Hip Hop) ដែលមានទីតាំងនៅទល់មុខនឹងវត្តដំណាក់ ក្រុងសៀមរាប កំពុងចាក់ភ្លេងបង្កសំឡេងខ្លាំង ដើម្បីមុខរបររកស៊ីជារៀងរាល់យប់។ ការចាក់សំឡេងឮខ្លាំង ដោយប្...Read more
លោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាកម្លាំងក្នុងការិយាល័យរបស់លោកដោយមានការសហការណ៍ជាមួយកម្លាំងប៉ុស្តិ៍នគរបាលរដ្ឋបាលសង្កាត់ អំពិល ក្រុងសៀមរាប...Read more
.jpg)
ប្រជាពលរដ្ឋនៅក្រុងភ្នំពេញមានការសង្ស័យថា ក្រុមហ៊ុន ខូវ អៀងឡាយ ស្ថិតនៅចំណុច ប្រឡាយលូប្រាំ ក្នុងភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ កំពុងសាងសង់ផ្ទះល្វែងលើដីខុសច្បាប់ ខណៈក្រុម ហ៊ុន...Read more
ក្រុមប្រជាពលរដ្ឋរាប់ពាន់នាក់បានផ្អើលឈូឆរទាំងប្រុសទាំងស្រី ភ្លូកទឹកភ្លូកដី នាំគ្នាទៅមើលសាកសពស្រ្តីម្នាក់ឈ្មោះ ចាន់ធាន អាយុ២៣ឆ្នាំ ដែលបានស្លាប់នៅមន្ទីពេទ្យខេត្តកាលពីថ្ង...Read more
ប្រជាពលរដ្ឋនៅឃុំកណ្តែកមួយក្រុមបានលួចបង្ហើបអោយដឹងថា លោកខាំលឿមេឃុំកណ្តែកកំពុងតែកាប់រានដើមរាំងទឹក ព្រមទាំងចាក់ថ្នាំសំលាប់ដើមរាំងមិនអោយដុះឡើងវិញ ដើម្បីយកដីធ្វើស្រែប្រាំ...Read more
អ្នកសារព័ត៌មានម្នាក់ប្រចាំគោលដៅខេត្តក្រចេះ ត្រូវឃាតកបាញ់មួយគ្រាប់ចំក្បាលស្លាប់ភ្លាមៗ នៅកន្លែងកើតហេតុ ខណៈដែលអ្នកកាសែតរូបនោះព្យាយាមតាមប្រមាញ់ការជួញដូរឈើខុសច្បាប់។
...Read more
ក្រុមប្រជាពលរដ្ឋបាននិយាយរិះគន់ខ្លាំងៗថាបន្ទាប់ពីលោក ស៊ឹមសំអាត ត្រូវបានតែងតាំង ជាមេប៉ូលិសអន្តោប្រវេសន៍ ប្រចាំច្រកទ្វារអន្តរជាតិ ប៉ោយប៉ែតជំនួសលោក សៅ ប៊ុនរិទ្ធ ដែលត្រូវ...Read more
| ថ្ងៃនេះ | 3890 | នាក់ |
| ម្សិលមិញ | 11948 | នាក់ |
| សប្ដាហ៍នេះ | 15849 | នាក់ |
| ខែនេះ | 80862 | នាក់ |
| ឆ្នាំនេះ | 363514 | នាក់ |
| សរុប | 57714910 | នាក់ |
| ថ្ងៃទី 30 ខែ 06 ឆ្នាំ 2026 ម៉ោង 01:48 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net