រទេះដឹកឈើខុសច្បាប់ចំនួន១៥ត្រូវរដ្ឋបាលព្រៃឈើចាប់ទាំងបង្ខំចិត្ត

រទេះគោដឹក​ឈើ​ខុស​ច្បាប់​ចំនួន១៥​គ្រឿងត្រូវ​បាន​សង្កាត់​រដ្ឋបាល​ព្រៃឈើ​ឃុំ​ស្រែ​ណូយ​រឹបអូស​ទាំង​តឹង​ដើម​ទ្រូង​បន្ទាប់​ពី​មាន​ជំ​នាញ​មួយ​ចំ​នួន​បាន​ទៅ​យក​លុយអស់​ជាង​២លាន​រៀល​រួចមក។

មន្ត្រីរដ្ឋបាលព្រៃឈើ ខាងជើងបឹងទន្លេសាប បានឲ្យដឹងថា ប្រតិបត្តិការណ៍​ចាប់រទេះដឹកឈើ ធ្វើឡើង​នៅរសៀល ថ្ងៃទី៧ មេសាឆ្នាំ២០១៥ ស្ថិតក្នុងតំបន់ កន្តួតក្នុង​ ស្រុកវ៉ារិន ខេត្តសៀម​រាប បញ្ជារដោយ​នាយរងអធិការរដ្ឋបាលព្រៃឈើ ខាងជើង បឹងទន្លេសាប។ មន្ត្រីរដ្ឋបាលព្រៃឈើបាន​បន្ថែមថា រទេះដឹកឈើមានចំនួន១៥រទេះ ដឹកឈើប្រភេទលេខ២ ដោយម្ចាស់ឈើ រស់នៅស្រុកពួក ខេត្តសៀមរាប។ មន្ត្រីរដ្ឋបាលព្រៃឈើ បញ្ជាក់ថា វត្ថុតាង​បទល្មើស ត្រូវបាន បញ្ជូនឲ្យ សង្កាត់រដ្ឋបាល ព្រៃឈើ ស្រែណូយ នៅមិនទាន់ដឹងចំនួនម៉ែត្រគូបនៅឡើយទេ។

 ប្រភពសុំ​មិន​បញ្ចេញឈ្មោះលួច​បង្ហើបប្រាប់ថា មុនពេល កម្លាំង រដ្ឋបាលព្រៃឈើ ទៅដល់កន្លែងរទេះដឹក​ឈើ​ខុស​ច្បាប់​ខាងលើ  មាន​​មនុស្ស១ក្រុមមានគ្នារ ៦ទៅ៧នាក់ បានទៅ​​យក​​លុយពី​រទេះដឹកឈើ​ខាងលើ​ចំនួន ២លាន ៨សែនរៀល ដោយពួគគេអះអាងថា ក្រុមគេមា​អង្គភាពផ្សេងគ្នា។ប្រភពដដែលបានបន្ថែមថា ម្ចាស់ឈើដែល ត្រូវបានគេយក​លុយ អស់ពីរខ្លួនហើយ ត្រូវ​​មេព្រៃចាប់ឈើ​អស់​ទៀត​ នេះពិត​ជាដល់​ថ្ងៃអន្សាមែន។

 ប្រ​ភព​ព័ត៌មាន​ច្បាស់ការ​បាន​អោយ​ដឹងថា នៅឃុំស្រែណូយ ស្រុកវ៉ារិន ខេត្តសៀមរាប មានឈ្មួញឈើច្រើន​រាប់​មិន​អស់ តែ​មាន​ឈ្មួញ​មួយ​ចំ​នួន​ជា​ឈ្មួញ​ធំ​ ដែល​មាន​លុ​យ​រាប់​ម៉ឺនដុល្លារសំ​រាប់​ទិញ​ឈើ​ខុស​ច្បាប់យក​មក​ចែក​ចាយ​នៅ​ខេត្ត​សៀមរាប ក្នុងនោះមាន​ឈ្មោះ  ឆាយ ថៅកែ​ដេប៉ូ យីហោស្រែណូយ ឈ្មោះ រិទ្ធ ឈ្មោះ និត និង​ឈ្មោះ ណាត។ ឈ្មួញរកស៊ីឈើអត់​ច្បាប់​ទាំង​នេះ ដឹក​ឈើ​ចេះពី​ឃុំ​​ស្រែណូយ ដោយពួកគេ ប្រើប្រាស់ មធ្យោបាយដឹក ជញ្ជូនប្រភេទ គោយន្តកន្រ្តៃ គោយន្ត​ឆ្នៃ ដែល​អាច​ផ្ទុកឈើ​មិន​ក្រោម​៧ម៉ែត្រគូបឡើយ។

គេមិន​ដែល​ឃើញ​មេព្រៃឃុំ​ស្រែណូយ​ចុះ​បង្ក្រាប​ឈើ​ដោយ​ខ្លួន​ឯងទេ បើ​ទោះជាមាន​អ្នក​ណា​រាយ​ការណ៍ក៏ដោយ ទាល់តែគេ​រាយការណ៍ទៅ​ដល់​ក្រសួង ឬរាយការទៅស្ថាប័ណតុលាការ តុលាការបញ្ជាទើប​ពួកគាត់​ចុះ​ទៅចាប់​ឈើ​ទាំង​តឹង​ដើមទ្រូង ហេតុផល​នេះហើយ​ដែល​ធ្វើ​មជ្ឈដ្ឋានទូទៅ គេ​សង្ស័យថា មេព្រៃឃុំ​ស្រែណូយឃុបឃិត​បើ​កដៃអោយ​ឈ្មួញដឹក​ឈើ​ដោយ​គ្មានការ​កោដក្រែងអ្វីទាំងអស់៕